زيت علي قلاووظ البوجيهات ؟؟؟؟

**madoahmad** · 24-02-2014 03:13 PM

عندي العربية بتأخر في الدوراة الصبح ..فكيت البوجيهات لقيت علي القلاووظ زيت بس الشمعة لونها زهري ومش عليها زيت ..ولقيت شوية زيت علي المكان إلي بربط فيه البوجيه الاول والتاني ... ايه الحل..لانوس 2004

**akmm** · 24-02-2014 03:29 PM

متابع مع حضرتك ........................

**ابو لؤى** · 24-02-2014 03:35 PM

متهيقلى طلامه على السن فقط ممكن يكون جوان محتاج يتغير لانه بيسيل على الجزء الخارجى من البوجيه والله اعلم اذا كان رأى صح ولا غلط

**abaza2107** · 24-02-2014 04:09 PM

السلام عليكم
اعتقد والله اعلم ان ده كوتش صباب
وشوف نقص الزيت عندك قد ايه وقيس كل فتره لو النقص بسييط يبقى مجرد بخر او كاوش صباب ولو كتير والبوجيهات بقت تقطع على فترات متقاربه والزيت على سن البوجيه يبقى طقم شنبر
وانتظر راى الأعضاء

**tefa22m** · 24-02-2014 04:12 PM

لو العربيه نوبيرا يبقى عادى جدا
جوان التكيهات بيجيب زيت و ده بقى حاجه عادى جدا
لانى لقيت الكروز 2013 ماشيه 11.000الجوان بتاعها جايب زيت و هى المكنه بتاعتها شبه النوبيرا كتير

**mohfud** · 24-02-2014 10:50 PM

عندى نفس المشكلة تقريبا وبكرة هفك الموتور
المدهش ان الموضوع بدأ ييجى فجاة

**madoahmad** · 25-02-2014 09:14 AM

[متهيقلى طلامه على السن فقط ممكن يكون جوان محتاج يتغير لانه بيسيل على الجزء الخارجى من البوجيه والله اعلم اذا كان رأى صح ولا غلط

الماكنه عندي مفيهاش اي تسريب وجوان التاكيهات مفيهوش اي ترشيح والزيت علي البوجيه من جوه بس مش واصل للشمعه... والزيت بينقص وبتاع الزيت حطلي 1/2كيلو زيت شنبر (تقيل) والميكانيكي قالي هنفك الموتور ونشوف لو شنبر هنغيره وهيتكلف من 600 الي 800 ولو محتاجه عمره هتكلف من 2500 الي 3000 ج مع ان العربيه بتمشي عادي وبتسحب ل 160 كم .. مش عارف ايه سبب المشكلة ديه مره واحده كده وهل الموضوع ده كبير ..يعني ابيع العربية احسن ؟؟؟؟؟]

**madoahmad** · 25-02-2014 09:21 AM

وفي ميكانيكي تاني .. فك خرطوم فايظ الزيت وملقاش دخنه قالي اركب عربيتك مفيهاش حاجه ...بس حط زيت الف كيلو كالتكس ب 60 ج ...وفعلا حطيت كالتكس وبتاع الزيت زود 0.5 كيلو زيت شنبر .. وكانت العلامة فوق المكس .. دلوقتي مشيت عليها 700 كيلوفي 4 ايام لان بسافر يومياً والعلامة نزلت تحت النص .. والعربية بتسحب بس مخنوقة يعني بتجيب 160 كم بس بعد مسافة كبيرة من الضغط علي البنزين.. ارجو الافادة ديه حاجه بسيطه ولا هتحتاج عمره ...ولا ابيعها ؟