لوجان تقسيط من المصرية للسيارات

**muhamad hesham** · 26-02-2014 04:02 PM

المشاركة الأصلية كتبت بواسطة fernando2014

انا يا جماعه متشكر جدا لردودكم انتو فعلا افدتموني جدا جدا واحب اوضح كام نقطه :-

1- انا من دمياط ومعتقدش ان فيه فرع للطارق في دمياط ده سبب دخولي مع المصرية بس الحمد لله وقفت الموضوع .

- سبب اني وقفت الموضوع ان لون السيارة اللي كنت عايزها فضي ومكنش متوفر عندهم غير الفيراني والابيض وبعد ما استاذ ابراهيم في المصرية فرع دمياط قاللي انه هيجيبلي اللون اللي عايزه لاقيته بيقولي لا مفيش غير ابيض وفيراني وكنت دفعت 500 جنيه حجز بالفعل والموظفين اتكاترو عليا واقنعوني بالفيراني

2- الشركة كانت هتقسطلي مع بنك بلوم ولكن اصراري علي اللون الفضي خلا الموضوع مامشاش

3- اللي قلقني اكتر سبب اصرار موظف بنك بلوم انه يوفرلي اللون الفضي تبع المصرية وده حصل بالفعل لاقيت ابراهيم بتاع المصرية قاللي الفضي وفرتهالك لانه طبعا لاقاني زبون هفلت
، وللعلم انا عرفت اهم اشتروها من تاجر !!!!

4- اسلوب الموظفين والمدير اسلوب سئ للغاية يعني باختصار حسيت اني هيتنصب عليا ولما رحت اجيب ال 500 جنيه لاقيت ابراهيم ده بيبصلي وقاللي احنا ممكن نرخم عليك وماتخدهمش .

5 - السبب الاهم اللي خاللاني ااجل الموضوع ان الشكل الجديد نازل خلاص من التوكيل وبسعر 93000 دي معلومة اكيدة فانشالله هجيب الشكل الجديد

6- انشالله هحاول اشترك من خلال البنك الاهلي وياريت تفيدوني بشركة الطارق هل هي شركة أمينة ام لا يعني انشالله ادفع النص واشتري من خلال الطارق والبنك الاهلي .

ممكن اعرف بس حضرتك عرفت ازاي ان الشكل الجديد حينزل ب 93000 ؟؟؟

**abohend** · 26-02-2014 04:49 PM

يا باشا إبعد عن التقسيط
التقسيط ده تعمله في شقة أو أرض أو مكتب
لكن عربية...غلطة كبيرة
العربية في الأساس سلعة إستهلاكية و سعرها بيقل مع الزمن
و عقبال نتخلص القسط هتلاقي تمن العربية بقى في الأرض
التقسيط مع البنوك و المعارض كله عيوب و مصاريف مستخبية
بتدفع فوق تمن العربية كتييير
و بتركب حاجة مش مناسبة لإمكانياتك
و بيجبروك إنك تعمل تأمين و حظر بيع
و التأمين شوية حرامية و عمرهم مبيلتزموا بكلمتهم و لا يدوك حقك

رأيي إركب على قد اللي معاك حتى لو مستعمل
أنا ركبت بيجو 301 مانيوال رغم إن عيني كانت هتطلع على الأوتوماتيك و الفئة الهايلاين لكن مرضتش أدخل نفسي في حوارات القسط و البنوك رغم إن المبلغ اللي هقسطه كان هيبقى 40 ألف بالكتير

و ربنا يباركلك في إختيارك إن شاء الله

**fernando2014** · 26-02-2014 06:49 PM

المشاركة الأصلية كتبت بواسطة abohend

يا باشا إبعد عن التقسيط
التقسيط ده تعمله في شقة أو أرض أو مكتب
لكن عربية...غلطة كبيرة
العربية في الأساس سلعة إستهلاكية و سعرها بيقل مع الزمن
و عقبال نتخلص القسط هتلاقي تمن العربية بقى في الأرض
التقسيط مع البنوك و المعارض كله عيوب و مصاريف مستخبية
بتدفع فوق تمن العربية كتييير
و بتركب حاجة مش مناسبة لإمكانياتك
و بيجبروك إنك تعمل تأمين و حظر بيع
و التأمين شوية حرامية و عمرهم مبيلتزموا بكلمتهم و لا يدوك حقك

رأيي إركب على قد اللي معاك حتى لو مستعمل
أنا ركبت بيجو 301 مانيوال رغم إن عيني كانت هتطلع على الأوتوماتيك و الفئة الهايلاين لكن مرضتش أدخل نفسي في حوارات القسط و البنوك رغم إن المبلغ اللي هقسطه كان هيبقى 40 ألف بالكتير

و ربنا يباركلك في إختيارك إن شاء الله

كلامك صح مليون في المية يا استاذ انا فعلا ناوي اكمل تمنها كاش واجيب الشكل الجديد هيبقي كويس انشالله حتي علي ما احوش اكون عرفت اداءه بعد ماينزل في السوق والبيجو ممتازه جدا ربنا يباركلك فيها

**fernando2014** · 26-02-2014 06:51 PM

المشاركة الأصلية كتبت بواسطة muhamad hesham

ممكن اعرف بس حضرتك عرفت ازاي ان الشكل الجديد حينزل ب 93000 ؟؟؟

باشا الكلام ده مؤكد من الشركة المصرية للسيارات ممكن تجيب رقم اي حد منعالنت وتسأله

**أحمد عبدالله** · 26-02-2014 07:05 PM

المشاركة الأصلية كتبت بواسطة abohend

يا باشا إبعد عن التقسيط
التقسيط ده تعمله في شقة أو أرض أو مكتب
لكن عربية...غلطة كبيرة
العربية في الأساس سلعة إستهلاكية و سعرها بيقل مع الزمن
و عقبال نتخلص القسط هتلاقي تمن العربية بقى في الأرض
التقسيط مع البنوك و المعارض كله عيوب و مصاريف مستخبية
بتدفع فوق تمن العربية كتييير
و بتركب حاجة مش مناسبة لإمكانياتك
و بيجبروك إنك تعمل تأمين و حظر بيع
و التأمين شوية حرامية و عمرهم مبيلتزموا بكلمتهم و لا يدوك حقك

رأيي إركب على قد اللي معاك حتى لو مستعمل
أنا ركبت بيجو 301 مانيوال رغم إن عيني كانت هتطلع على الأوتوماتيك و الفئة الهايلاين لكن مرضتش أدخل نفسي في حوارات القسط و البنوك رغم إن المبلغ اللي هقسطه كان هيبقى 40 ألف بالكتير

و ربنا يباركلك في إختيارك إن شاء الله

ومن ناحية تانية كمان البنوك ربا من ناحية
1- انه بيدفعلك المبلغ كقرض
2-وبيضع غرامة تاخير فى حالة التاخر فى القسط
.............اما المعارض فبتقسط معاه ماشى (بسعر عالى) بس تجاوزت اول نقطة لانه صاحب الحاجة وفى حيازته مش زى غيره اللى بيكذب على الناس والحاجة مش بتاعته عن البنوك اتكلم والاسلامية قبل العادية
........... لكن تتبقى مشكلة المعرض حاجة انه بيحط شرط ربوى وهو غرامة التاخير وده صرييييح الربا فخلصنا من حاجة بقيت الثانية ودى حلها شرعا الرهن وممكن رهن نفس العربيه لكن محدش بيقبل ..........فالاحسن من الناحية الدينية ومن الناحية الدنيوية الكاش والله المستعان

**adel_edrees** · 26-02-2014 10:18 PM

المشاركة الأصلية كتبت بواسطة fernando2014

باشا الكلام ده مؤكد من الشركة المصرية للسيارات ممكن تجيب رقم اي حد منعالنت وتسأله

يا باشا دول شوية ناس عايشين في عالم أفتراضى حد يصدق بتوع المصرية

**fernando2014** · 27-02-2014 02:16 PM

المشاركة الأصلية كتبت بواسطة muhamad hesham

عايز تقول ان سعرها حيبقي ارخص ولا اغلي ؟ :)

بوص هو ده الكلام اللي اتقاللي لما قولتلهم اني عايز اللون الفضي قالولي ماشي واتفقنا عالسعر رجعو بعدها بيومني قالولي ده اللي هينزل الشكل الجديد وبسعر اعلي قولتلهم كام قالولي 93000
وشكراااااااااااااااا

**fernando2014** · 27-02-2014 02:18 PM

المشاركة الأصلية كتبت بواسطة adel_edrees

يا باشا دول شوية ناس عايشين في عالم أفتراضى حد يصدق بتوع المصرية

والله يا أستاذ عادل المصرية كانو هيوقعوني فعلا بس الحمد لله فقت علي اخر لحظه بس اللي مضايقني جدا اسلوبهم تحس انهم عايزين يطلعو منك فوس بأي شكل

**fernando2014** · 27-02-2014 02:26 PM

المشاركة الأصلية كتبت بواسطة أحمد عبدالله

ومن ناحية تانية كمان البنوك ربا من ناحية
1- انه بيدفعلك المبلغ كقرض
2-وبيضع غرامة تاخير فى حالة التاخر فى القسط
.............اما المعارض فبتقسط معاه ماشى (بسعر عالى) بس تجاوزت اول نقطة لانه صاحب الحاجة وفى حيازته مش زى غيره اللى بيكذب على الناس والحاجة مش بتاعته عن البنوك اتكلم والاسلامية قبل العادية
........... لكن تتبقى مشكلة المعرض حاجة انه بيحط شرط ربوى وهو غرامة التاخير وده صرييييح الربا فخلصنا من حاجة بقيت الثانية ودى حلها شرعا الرهن وممكن رهن نفس العربيه لكن محدش بيقبل ..........فالاحسن من الناحية الدينية ومن الناحية الدنيوية الكاش والله المستعان

انا معاك في كل االلي بتقوله بس السيارة حاجه كمالية ورفاهية يعني انا مش رايح اقسط عشان اتجوز او عشان احج مثلا لا ده التقسيط ده بالنسبة للسيارة امكانية هتحللي أزمة اني مش معايا بقيت المبلغ في الوقت الحالي هي دي النظرية ولكن بعد دراسة مستوفاه انا اقتنعت انني اجيب كاش نظرا لاستغلال شركة زي المصرية والبنوك