تم بحمد الله استلام البيجو 301

**ali tmam** · 24-02-2014 10:03 PM

اليوم 24/2 تم بحمد الله وفضله استلام العربيه لون فضى وده مكانش طلبى بس الحمد لله اللون جميل وشيك على العربيه وان شاء الله استلام الورق هيكون كمان اسبوع او 10 ايام انا اول حاجة عملتها انى فولت تنك البنزين لان كان فيه حوالى 8لتروبعدين رحت لفرع بريدجستون وفرغت هواء الاربع فرد كاوتش ومليتهم نيتروجين على ضغط 31 زى ما الناس نصحت فى المنتدى وبعد كده على الجراج على طول وفى انتظار الاوراق لاتمام عملية الترخيص عقبال كل اللى مستلمش يستلم على خير باذن الله ويفرح بيها دعواتكم الكريمة

**Ahmed Amin** · 24-02-2014 10:10 PM

ألف مبروك علي الأستلام وعلي العربية الجديدة يا أستاذ علي,
ربنا يباركلك فيها ويبقي ويديك من خيرها ويبقي وشها حلو عليك, ويكفيها شر العين.

ونصيحة مني ياريت لو تأمن عليها حتي لو أول سنة بس,, التأمين بيبقي رخم أول سنة للي مش بيحب يأمن.
بس في ظروف البلد من زحمة مش طبيعية وأمن مش تمام أووي وسواقة من اللي حواليك غشيمة ومش مضمونة,
مش عايزين نضيع فرحة العربية الجديدة بمصاريف مكلفة في أول سنة لو حصل حاجة لاقدر الله.

وألف مبروك تاني علي الجميلة.

**Ahmed Amin** · 24-02-2014 10:20 PM

الشكر لله يا كبير,
وإن شاء الله تكون السواقة دلوقتي أحسن معاك وتكون متمكن من العربية,
خد وقتك ومتتسرعش في أنك تتعلم بسرعة, وأدي كل حاجة حقها ووقتها لحد ما تاخد عليها.

ولو محتاج أي مساعدة أنا تحت أمرك.
وبالتوفيق دايماً إن شاء الله