الموضوع: نم بحمد الله استلام اللوجان 2011

بسم الله الرحمن الرحيم
الحمد لله الذي هدانا لهذا وما كنا نهتدي لو لا ان هدانا الله
صدق الله العظيم

[justify]الحمد لله وبتوفيق من عند الله سبحانه وتعالي استلمت النهاردة لوجان فيراني 2011 من عند محمد زكي بصراحة ناس محترمة جدا جدا وصادقيين في التعامل وخصوصا الاستاذ ماهر الشافعي مدير فرع فم الخليج كورنيش النيل

سلمني العربية وكله تمام وجربلي كل حاجة والحمد لله ان ربنا وفقني وهداني للوجان

والله انا كنت نويت خلاص علي لانوس بس دخلت علي المنتدي ولقيت قسم اللوجان لقيت الناس بتكلم حلو قوي علي العربية وبقيت متابع يوميا لقيت فيه مميزات وعيوب بس الاهم ان العيوب كنت بلاقيها اتحلت وكل اللوجانية واقفين مع بعض تمام

وقررت ونويت والحمد الله اشتريتها شكرا لكل من قدم النصيحة وقال كلمه صدق في حق العربية وبارك الله له في كل شيء

المهم انا كان معايا قبل اللوجان 128 طبعا اول مامشيت بلوجي لاقيت فرق السما من الارض وكل حاجة تمام

يعني مشيت بيها شوية وفرحان بيها انا ومراتي
وابني التقييم كلاتي :
الصوت بتاع العربية كويس جدا مش عالي ولا واطي بس بجد انا اوقات كتير كنت فاكرها مش دوارة (معلش انا كان معايا 128).
التكييف ممتاز جدا جدا جدا والله انا ركبت فيرنا ولانوس وكان درجة التكييف 3 او 4 بالظبط كان يدوبه تحس بيه لكن اللوجان علي واحد او اتنين يخليك تبرد
ابعاد العربية عايزة تعود شوية بس الركنة بيها صعبة علشان مش كاشف اللي وريا (مش عارف انا لو عليت الكرسي الوضع حيتغير ولا لا)
كمبيوتر الرحلات استهلاك البنزين او ما فولت العربية كان 17 لتر م 100 ك وبعد كده ابتدا يقل ووصل 15 لتر بس الشوارع
كانت واقفة انا بقول لسه العربية يادوب مشيت 40 ك ان شاء الله يارب يتحسن
تقيمي العام للعربية امتياز مع مرتبة الشرف من اول مشوار معايا

يارب يحفظنا ويحمينا من كل شر ويكتب لنا الخير حيث كان

شكرا جزيلا جميع اعضاء ومشرفي قسم اللوجان بارك الله فيكم
[/justify]

[color="rgb(72, 61, 139)"][/color]

الف مليون مبروك
بس ممكن بعد اذنك تقول لنا هل فيها فرق بينها وبين موديل 2010؟
وشكرا