مطلوب أراء حضراتكم ضرورى

**moosaleh** · 25-02-2014 12:34 AM

المشاركة الأصلية كتبت بواسطة mohamed.hany

اتفق مع حضرتك في معظم النقاط ، بس اختلف في :
الانتشار ميزة وليس عيب،و هل يوجد سيارة شعبية ب 200 الف !
المرسيدس بتتجمع في مصر هل ده معناه ان الباسات احسن ؟ هل التقفيل المصري افضل من التركي ؟
صدق او لا تصدق وسائل امان الكوروﻻ اعلي، علي الاقل فيها 7 ايرباج.

أمتلاك سيارة منتشرة أولا وجهه نظر بس نتكلم بصراحه انت اشتريت مثلا بدلة بنوع وموديل ولون وبعد ما أشتريتها لقيت ناس كتير لابسنها على أختلاف أشكالهم مش بتقفل من نحيتها شويه وبتدايق منها فاكر ياباشا السيراتو من اول 2010 مش أنتشارها بقى يزهق اللى ركبينها منها ده بقى أنا اللى متوقعه مع الكورولا وبعدين أنا امتلك كورولا تقفيل جنوب أفريقيا مش هكدب عليك انا عانيت من سوء التقفيل مقارنة بالتقفيل اليابانى ودى حقيقه وعندى حوالى 6نقط ملاحظات على التقفيل لا داعى لذكرهم مع مطالبتى للتوكيل بالاصلاح وقوبلت بالمماطله وبعدين الألمان هما اول ناس عملوا وسائل الأمان المتعدده وهما اللى ابتكروا معايير الأختبار من حوالى 30 سنه تفتكر اليابانين اللى قلدوهم تفوقوا عليهم .

**amgomaa** · 25-02-2014 02:48 AM

مع حبي الشديد لتويوتا الكورولا صاحبة اعلى مبيعات فى التاريخ واعلى اعتماديه بس حرام نقارن الباسات بالكورولا الباسات فئه اعلى و برستيج تانى خالص ومن متابعتي لصفحة فولكس على الفيس الشكوى مش من الفتيس بس لا من الموتور كمان بيحصله مشاكل كتير بسبب البنزين 92 مش ماشي مع التربو بس الحق يقال التوكيل بيحل المشاكل يبقى لو انت عندك وقت لو حصل مشكله تصبر مع التوكيل لان فى عربيات ممكن تقعد شهر و مستعد تحط 95 ومستعد تدفع فرق ال50 الف اللي هو مش شويه وانت شكلك بتحب تغير فاعادة البيع أكيد فى الضياع يبقى اكيد الباسات احسن و فئه اعلى وتكنولوجيا احدث من الكورولا غير كده خليك فى المضمون كورولا

Sent from my GT-S5282 using Forum Runner

**Mohamed.Hany** · 25-02-2014 09:01 AM

المشاركة الأصلية كتبت بواسطة moosaleh

أمتلاك سيارة منتشرة أولا وجهه نظر بس نتكلم بصراحه انت اشتريت مثلا بدلة بنوع وموديل ولون وبعد ما أشتريتها لقيت ناس كتير لابسنها على أختلاف أشكالهم مش بتقفل من نحيتها شويه وبتدايق منها فاكر ياباشا السيراتو من اول 2010 مش أنتشارها بقى يزهق اللى ركبينها منها ده بقى أنا اللى متوقعه مع الكورولا وبعدين أنا امتلك كورولا تقفيل جنوب أفريقيا مش هكدب عليك انا عانيت من سوء التقفيل مقارنة بالتقفيل اليابانى ودى حقيقه وعندى حوالى 6نقط ملاحظات على التقفيل لا داعى لذكرهم مع مطالبتى للتوكيل بالاصلاح وقوبلت بالمماطله وبعدين الألمان هما اول ناس عملوا وسائل الأمان المتعدده وهما اللى ابتكروا معايير الأختبار من حوالى 30 سنه تفتكر اليابانين اللى قلدوهم تفوقوا عليهم .

الانتشار عمره مهيضايقني، ده انا بحدد نجاح العربية بانتشارها و عامل الانتشار من العوامل الحاسمة في اختياري لاي عربية في مصر و انا بكرر في مصر.
امتفق الباسات فئة اعلي طبعا، بس انا برد علي حضرتك انك بتقول انها بتتفوق في عوامل الامان وةجاوبت بموضوعية ان العكس صحيح بدليل وجود عدد ايرباج زيادة فلو في مواصفة امان زيادةفي الباسات ياريت حضرتك تقولها لتوضح الصورة بالنسبة لي ليكون الكلام منطقي.
انا اعمل بشركة المانية و عارف يعني ايه جودة و معلومة بسيطة ٩٠٪ من مكونات الاجهزة الالمانية صناعة صينية ايوة صينية !
طب هل ده يعيبها في شئ، اكيد هما مش بالغباء انهم يخسرو السوق عشان كدة و المواصفات الموجودة و معاير الجودة واحدة حتي لو اتعملت في مصر، و اقرب مثال المرسيدس الل يبتتجمع في ام الدنيا
يعني حضرتك قدامك مرسيدس و باسات هتاخد الباسات عشان المرسيدس متجمعة في مصر؟ده كلام بعيد عن الكورولا خالص لانها فئة اقل من العربيات دي خالص.

**eng.mohamed** · 25-02-2014 02:19 PM

المشاركة الأصلية كتبت بواسطة Mohamed.Hany

هقولك راي و الاجر علي الله،
حضرتك لو عايش برة مصر هقولك هات الباسات وش، بس احنا للاسف نقطن بالمحروسة و ربنا يستر.
حضرتك الفرق 49 الف وليس 38 الف.
الملخص المفيد :
1.عربية تربو في مصر و ازمات و جودة البنزين مع توكيل نص نص و بيبيع في ثانية
2.الفتيس المحبوب الجميل dsg اللي بيضرب و التوكيل بيعمل عبيط و بنسمع ارقام فلكية.
3.تخيل عربية قاعدة عجلاتها 2712 مم و ارتفاعها عم الارض 11.9 سم في مصر.
4.هدفع المبلغ ده كله قرب ربع مليون جنيه و ميبقاش فيه لا جنوط و لا بارك سنسور ولا مرايات ضم.

تسلم يا استاذ محمد وتعبت حضرتك معايا خلاص انا توكلت على الله واشتريت الكورولا ولو فيها اى مشاكل هيكون حضرتك و الدكتور Mohamed المسؤليين وهجيب لكم العربيه مباشرة نعتبرها من الان سيارة حضراتكم ...

شكرا جزيلا

**Mohamed.Hany** · 25-02-2014 08:56 PM

المشاركة الأصلية كتبت بواسطة eng.mohamed

تسلم يا استاذ محمد وتعبت حضرتك معايا خلاص انا توكلت على الله واشتريت الكورولا ولو فيها اى مشاكل هيكون حضرتك و الدكتور mohamed المسؤليين وهجيب لكم العربيه مباشرة نعتبرها من الان سيارة حضراتكم ...

شكرا جزيلا

الف مبروك، و ربنا يكفيك شرها.
عاوزك بقي تاخد المطبات بكل قوتك و تقولي احساسك بعد التعديل و كسر حاجز الخوف.
و عاوزك تقولي بقي حسيت بنقلة التنين المجنح مبين الفئة الاولي و التانية ولا لسة؟
وجبت لون ايه؟

**miceg** · 25-02-2014 10:44 PM

هو مش حضرتك كان معاك الفلوانس 2014
وكنت عارضها هنا عالمنتدى
وكان مبررك للبيع انك عاوز تجيب الهاي لاين
وكنت كتبت قبل كده عيوب الكورولا 2014 وخسفت بيها ألارض وقولت اشعار وأشعار على الفلوانس فالمشاركة دي
http://www.nilemotors.net/Nile/399175-a.html#post3875371341
انا عاوز بس بما إنك ركبت العربيتين تقولنا إنطباعك الحقيقي عشان نعرف نقدم النصيحة المثلى للمقبلين

**abofandy** · 26-02-2014 01:40 AM

تسلم يا استاذ محمد وتعبت حضرتك معايا خلاص انا توكلت على الله واشتريت الكورولا ولو فيها اى مشاكل هيكون حضرتك و الدكتور mohamed المسؤليين وهجيب لكم العربيه مباشرة نعتبرها من الان سيارة حضراتكم ...

شكرا جزيلا

حبيبى يا بش مهندس انا تحت امرك والله فى اى خدمه
وانا اجيلك لحد عندك اخدها واحطها فوق راسى كمان
اولا / الف مبروك على كرولتلك الجميله
ثانيا / احيييك على ذوقك فى اختيار اللون الفيرانى (( بصراحة تحفه عليها )) بس انا جبت السيلفر برضة بس لان كان عندها قبلها فيرانى 2009 فلازم اغيير يعنى مش معنى انك كنت هتجيب فيرانى اجيبه يعنى هههههه

حبيبى يا هندسه الف مليون مبروك على العروسة وانا عايز اجرب العربية المتعدله بقى مليش دعوة :] :]
ربنا يباركلك يارب فيها ويكفيك شرها ويعطيك خيرها