مطلوب أراء حضراتكم ضرورى

**eng.mohamed** · 24-02-2014 10:24 PM

مساء الخير على الاعضاء الكرام ... انا دفعت حجز كورولا 2014 الفئه الثانيه والنهارده شوفت سياراه باسات 2014 اول فئه ب 238 وبكده هيكون الفرق عن الكورولا 38 الف جنيه ايه رايكم ازود ال 38 الف واشترى باسات base line ولا زى ما انا كورولا 2014 .

سعر اعادة البيع مش هيفرق معايا لانى مش هبيع ان شاء الله قبل 7 سنين .

الباسات الى ب 138 الف فيها سمارت كى و6 ايرباج .

الباسات ال ب 138 الف تفرق عن الهاى لاين انها بدون جنوط وفتحة سقف وبعد الفروق الطفيفه .

اتمنى الرد فى اسرع وقت .....

**Yousef.Kamel** · 24-02-2014 10:32 PM

احب ادعوك الى قسم الفولكس واتفرج على مشاكل الفتيس Dsg وشوف الناس بتعمل ايه وتخلص من العربيات ده الفتيس ناجح بره لكن عندنا فشل ذريع

**abofandy** · 24-02-2014 10:42 PM

طبعا كا brand الباسات اعلى بكتير
ولكن
الفتيس ثم الفتيس ثم الفتيس
Dsg وما ادراك ما هو ومشاكلة ف مصر
زى ما استاذ جورج قال ... هو ناجح برة .. بس ف مصر مشاكله خطيرة
وبعدين الفلوس دى انت مش لاقيها ف الشارع .. انت تعبان فيها
فكر ثم فكر

**eng.mohamed** · 24-02-2014 11:25 PM

المشاركة الأصلية كتبت بواسطة abofandy

طبعا كا brand الباسات اعلى بكتير
ولكن
الفتيس ثم الفتيس ثم الفتيس
dsg وما ادراك ما هو ومشاكلة ف مصر
زى ما استاذ جورج قال ... هو ناجح برة .. بس ف مصر مشاكله خطيرة
وبعدين الفلوس دى انت مش لاقيها ف الشارع .. انت تعبان فيها
فكر ثم فكر

شكرا على رد حضرتك وان شاء الله هجيب كورولا تحياتى

**Ahmed.Essam** · 24-02-2014 11:26 PM

مشكلة الباسات بس الفتيس غير كده هي اعلى من الكورولا
بس لو عاوز ألماني ممكن تشوف بنفس السعر عربية تانية زي الاوبل انسجينيا او الاسترا لو عاوز تنزل شوية

**Mohamed.Hany** · 24-02-2014 11:34 PM

هقولك راي و الاجر علي الله،
حضرتك لو عايش برة مصر هقولك هات الباسات وش، بس احنا للاسف نقطن بالمحروسة و ربنا يستر.
حضرتك الفرق 49 الف وليس 38 الف.
الملخص المفيد :
1.عربية تربو في مصر و ازمات و جودة البنزين مع توكيل نص نص و بيبيع في ثانية
2.الفتيس المحبوب الجميل dsg اللي بيضرب و التوكيل بيعمل عبيط و بنسمع ارقام فلكية.
3.تخيل عربية قاعدة عجلاتها 2712 مم و ارتفاعها عم الارض 11.9 سم في مصر.
4.هدفع المبلغ ده كله قرب ربع مليون جنيه و ميبقاش فيه لا جنوط و لا بارك سنسور ولا مرايات ضم.

**Mohamed.Hany** · 24-02-2014 11:56 PM

المشاركة الأصلية كتبت بواسطة moosaleh

الباسات طبعا أحسن بكتير من الكورولا للأسباب التاليه :-
1- الألمانى افضل من اليابانى .
2- الباسات سياره متميزه شكلا وغير منتشرة بخلاف الكورولا التى ستصبح سيارة شعبيه بأنتشارها الكبير.
3- فئه الباسات أعلى من الكورولا التى ممكن أن تقارن بالجيتا.
4-أكيد الباسات مش بتتجمع فى تركيا أو تايوان اوتايلاند .
5- وسائل الأمان اعلى .
6- موتور الباسات أقوى من موتور الكورولا ومتقدم عنه .
7-افتكر كان فرق السعر بين العربيتين كام من 10 سنين .
فكر فى النقط دى قبل ما تشترى وربنا يوفققك للأحسن .

اتفق مع حضرتك في معظم النقاط ، بس اختلف في :
الانتشار ميزة وليس عيب،و هل يوجد سيارة شعبية ب 200 الف !
المرسيدس بتتجمع في مصر هل ده معناه ان الباسات احسن ؟ هل التقفيل المصري افضل من التركي ؟
صدق او لا تصدق وسائل امان الكوروﻻ اعلي، علي الاقل فيها 7 ايرباج.

-

الموضوع: مطلوب أراء حضراتكم ضرورى

LinkBack

أدوات الموضوع

عرض

-

-

-

-

المواضيع المتشابهه

رجاء المساعدة من حضراتكم ضرورى

مطلوب أراء

مطلوب أراء الجولفاويه

أراء حضراتكم بخصوص,(حفل افتتاح كأس العالم للشباب 2009 )

مطلوب أراء السادة الأعضاء

الكلمات الدلالية لهذا الموضوع

المفضلات

المفضلات

ضوابط المشاركة