صوت خبطة من اسفل السيارة ( مزعج جدا ) فيرنا 2013

**eslam atia** · 25-02-2014 11:59 PM

السلام عليكم ورحمه الله وبركاتة
امبارح قولت اشوف البوجيهات لان عدي عليها 27000 ك اللي هما الفابريكة بتوع العربية ، فتحت وشوفت أول شمعتين لقيتهم ماشاء الله زي الفل قمت مركبهم ومشوفتش الباقي
النهاردة وبدون مقدمااااااااات سمعت صوت خضني جدااااا
كنت ماشي علي الثالث / 40 ك كدا ، وبعدين بعدي مطب ناعم وانا علي الثالث برضه
السرعة نزلت ل 20 او اقل حاجه بسيطة ، وببص في المراية لقيت في عربية ورايا هتخبطني خلاص قمت كاااابس مرة واحده غاز لأني تاكسي وماشي غاز
سمعت كأن ( عديت علي بلاعة مفتوحة والحديد بتاعها خبط من تحت )
صوت مزعج جدا + ان العربية أتكتفت جامد وكأنها هتطفي
طبعا أتخضيت جدا
شوفت شارع فاضي وجبت الثالث ونزلت بيه لسرعة اقل من ال 20 وكبست برضه حصل نفس الصوت
حولتها بنزين وكررت مفيش صوت
ياتري الصوت دا ايه لأنه يخض جدا ومزعج اوي ، علما بأن الصوت لم يكون موجود قبل فحص البوجيهات
روحت لبتاع عفشة رفع وقالي القواعد والعفشة زي الفل ومربطين جامد والشكمان كمان مربوط كويس
اتمني مساعدتي واتمني تعليق مركز حمزة للصيانة
وجزاكم الله عنا كل خير

**eslam atia** · 26-02-2014 12:45 AM

مستني رد حضراتكم جزاكم الله عني خيرا

**eslam atia** · 26-02-2014 10:11 AM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

**eslam atia** · 26-02-2014 06:17 PM

الحمد لله
طلع صوت مدافع
وتم تغير بوجيهات

**moe gawad** · 27-02-2014 12:10 AM

هايل يا فندم
انا رديت على حضرتك بس فى موضوعى. واسف على التاخير. وممكن حضرتك فى حالة وجود المشكله تكلمنى علىطول وانا فى الخدمه

**eslam atia** · 27-02-2014 02:09 AM

جزاااااااااااااااك الله عنا خيرا
بالفعل تم تغير البوجيهات
بس فيه نقطه كدا فنية لو تسمح ؟؟
ليه الصوت ظهر اول ما فتحت اشوف البوجيهات ؟؟؟؟ تحديدا ؟؟؟
هل تعتقد مجرد تعرضها للهواء وتركيبها مرة اخري اصابها رطوبة ؟؟
انا اسمع ان لما يكون البوجية مرطب بيحصل فرقعه او مدافع
بس الصوت المدفع او الفرقعة ليست من الشكمان ، بل من اسفل الفتيس او الموتور ،
ولية الصوت كان موجود مع الغاز والبنزين لأ ؟؟؟
معلش سامحني لأسئلتي
انت استاذنا

**moe gawad** · 28-02-2014 12:07 AM

سيدى الفاضل .
الموضوع مش موضوع بوجيهات اتعرضت للهواء .اعتقد انى احد السلوك مكانش راكب كويس. او اثناء فك و ربط البوجيه بمفتاح باظ احد البوجيهات. ولو الكهرباء اللى واصله من احد البوجيهات ضعيفه شويه . تعمل صوت مدافع من تحت مع الغاز فقط . وده بسبب احتياج الغاز لجهد كهرباء اعلى للحريق .
يعنى مثلا فى اخر سلك البوجيه من تحت فيه كاوتشات . من الناحيه اللى بتركب على البوحيهات. شيلها فى الاربعه وجرب. هاتلاقى السياره بتدى مافع . وده بسبب اننها كده بتهرب كهرباء. وهاتضرب مدافع مع الغاز فقط
وفيه احتمال كمان. ممكن اللى ربط البوجيه اول مره مايكونش ثبته كويس فى مكانه . خلاه مشعر بس. فاصبح بيسرى كهرباء فاهمنى

**eslam atia** · 28-02-2014 12:15 AM

فهمت حضرتك
جزاك الله خيرا يا بشمهندس
لو فكرت أجي لحضرتك المركز
اوصفلي الطريق لو سمحت
لأني من بورسعيد
وبسافر القاهرة مرة شهريا

**moe gawad** · 28-02-2014 02:14 AM

اول ماتوصل القاهره بالف سلامه انشاء الله . كلمنى انا فى طريقك . داخل القاهره امتداد طريق الاسماعيليه . يعنى لازم بتعدى من امام الشارع اللى انا فيه كل مره
تنورلى المركز يا فندم. حاول تخليها مش يوم احد و كلمنى علشان اكون بانتظارك واحضرلك القهوه