اوبل انسيجنيا ولا هيونداى ix35

**pinocchio** · 26-02-2014 03:11 PM

المشاركة الأصلية كتبت بواسطة MTAK

انا لسه شايف الاتنين عند سمير ريان من حوالى 3 ايام

الاوبل تحفه التحف , تقفيل و لا اروع , عربيه و لا افخم

بس حاسس انك هاتبقى الوحيد اللى فى مصر راكبها فبالتالى هاتدخل فى موال قطع الغيار و خلافه بالاضافه الى ان التوكيل مش قد كده

الهيونداى افضل من ناحيه اخرى و هى العلو عن الارض و باقى مميزات الهيونداى

-----------------
بالنسبه للى بيفضلوا الاسبورتاج

هى مش موجوده و سمير ريان كان عاوز اوفر برايس حوالى 15 الف جنيه

بالاضافه الى انها تفرق عن الـ ix فى نوع العفشه

مالتى لينك و تورشن بيم (او هكذا قيل لى )

1- لية لو اشتريت الانسيجنيا هكون الوحيد فى مصر اللى راكبها انا اعتقد ان العربية منافس قوى ل 508 والاسكودا a7 و الباسات وخصوصا ان الباسات و a7 فتيسهم dsg ودة فتيس كلة مشاكل ومش مناسب لشوارع مصر وفى شكاوى بالهبل من الفتيس دة فى الباسات
2- معلوماتى ان عفشة ال ix35 احسن من السبورتج

**pinocchio** · 26-02-2014 03:18 PM

المشاركة الأصلية كتبت بواسطة Dr-Daly

نصيحه لوجه الله إبعد عن الهيونداي أنا لسه واحد صاحبي متعرض لحادث موت بسبب إن ثبات العربيات الهيونداي منعدم ولافيها أمان وحتي الإيرباج الحزين مفتحش مع إن العربيه اتقيمت "total loss=تالفه" !!!
عربيات الكوري بنت ستين كلب بيشتغلوا الزباين بالكماليات والفتحه ومثبت واشكال عاملة ازاي وفي الآخر عربيه علي سرعه ١٠٠كلم/س علي ملف تضرب خمسات وتتطوح علي جنب الطريق لولا ستر ربنا !!!
إختار أي عربيه بعيد عن الكوري كلة (اوبل & بيجو& رينو...الخ) مش فارقه طالما مواصفات الأمان والاتزان الاليكتروني وعدد الايرباجات اتنين فما فوق

هو حضرتك عندك حق بس فى ناس من اللى اشتروا ال ix35 بيقولوا ان هى ملهاش علاقة بالهيونداى وسمعتة السيئة وان تقفيلها التشيكى فارق مع العربية جدا والله اعلم

**pinocchio** · 26-02-2014 03:23 PM

المشاركة الأصلية كتبت بواسطة mohamed.ramah

على حسب أحتياجاتك من السيارة لانهم فئتين مختلفتين وواضح انك مركز على الافضل فى الفئة السعرية دة فلو بتقارن فى فئة saloon car تقدر توسع اختيارك مع الانسيجيا - بيجو 508 وهى من رأى اختيار افضل

اما فئة الكروس أوفر فنصيحة أركب بيجو 3008 فئة f/o وسعرها 227.000 وبعدها قرر

للعلم فى سيارة جديدة من بيجو cross over برضو حتنزل قريب أسمها 2008 ممكن تشوفها . ونصيحة
انتظر معرض اتوماك وشوف ال 3008 حينزل منها face lift ولا لسة وبالتوفيق فى الشراء .

[youtube]http://www.youtube.com/watch?v=3demyqldwk0[/youtube]

انتظر معرض اتوماك وشوف ال 3008 حينزل منها face lift ولا لسة وبالتوفيق فى الشراء .

انا عايز من حضرتك تقولى لية ال 508 افضل من الانسيجنيا ؟ وياريت الناس اللى متحمسة او متحيزة ل 508 اكتر تقول رأيها بردو

**pinocchio** · 26-02-2014 03:37 PM

المشاركة الأصلية كتبت بواسطة Abdo Taha

بص يا باشا الانسجنيا وهم و افضل مهما كان عن الهيونداي الاتنين عشان سعرهم قريب من بعض فبيتقارنوا ببعض لكن الانسجنيا حاجة مختلفة حط دي جنب دي و انا مش هقول حاجة المنظر هو اللي هيحسم الموضوع مفهوش حيرة خالص يا باشا

شكرا لرد حضرتك وانا ميال اكتر للانسيجنيا

واعتقد ان كفاية انك بتقارن اوبل المانى بهيونداى كورى بس هو كلام الناس عن ال ix35 هو اللى بيشتت افكارى وبيخلينى متلخبط ومتردد

**Abdo Taha** · 26-02-2014 04:45 PM

حط يا باشا موضوعك على قسم المقارنات و ان شاء الله تلاقي تفاعل كويس

**Mohamed.Ramah** · 26-02-2014 08:41 PM

المشاركة الأصلية كتبت بواسطة pinocchio

انا عايز من حضرتك تقولى لية ال 508 افضل من الانسيجنيا ؟ وياريت الناس اللى متحمسة او متحيزة ل 508 اكتر تقول رأيها بردو

كمقارنة سريعة بين بيجو 508 وأوبل إنسيجيا

الاداء
الانسيجيا ازيد فى عدد الاحصة بفارق
14 حصان
مع عزم دوران 170 نيوتن –متر عند 4250 دورة فى الدقيقة

البيجو تتفوق فى عزم دوران اعلى على عدد دورات منخفضة
156 حصان
عزم دوران 240 نيوتن –متر عند 1400 دورة فى الدقيقة
0 : 100 فى 9 ثوانى

كفاءة انظمة التعليق والثبات
البيجو افضل

مستوى العزل ومدى وصول اصوات للكبينة
البيجو افضل بفارق بسيط

القيمة مقابل المال
بيجو 508 أقل سعراً بفارق 3000 لاول فئة
و 3000 لثانى فئة

الجودة الداخلية والتصميم
الانسيجيا افضل ومقصورة السيارة اكثر من رائعة ولاكن الجودة اعلى لصالح البيجو

انظمة الامان
متساويين تقريباً

المساحة والعملية
متقاربين - مع سعة تخزين للشنطة اكبر لصالح البيجو

التجهيزات
متقاربين ما عدا اعلى فئة للأنسيجيا مع فارق السعر

وزى ما ذكرت من قبل اليشترى اى من السيارتين فهو كسبان فرق السعر مش كبير والتجهيزات متقاربة الفيصل التوكيل ومدى توفر قطع الغيار ومستوى الصيانة ولذلك رشحتلك بيجو 508 بعد ركوب الاثنين .

**Mohamed.Ramah** · 27-02-2014 12:42 AM

المشاركة الأصلية كتبت بواسطة waleed hatem

الانسيجنيا العزم بتاعها 270 مش 170 وعند 1650 rpm وليس 4250 لأن موتورها تربو

عذراً حصل لخبطة واتكتبت بالخطأ وانا طلبت تعديلها من الاشراف الاوبل فى الاداء تتفوق بعدد الاحصنة وعزم الدوران على بيجو 508 بالفعل وللتصحيح عزم السيارة 260 نيوتن - متر عند 4250 دورة فى الدقيقة .

المشاركة الأصلية كتبت بواسطة pinocchio

شكرا لرأى حضرتك

لا شكر على واجب وبالتوفيق فى الشراء :)