الموضوع: Custom watch ساعة يد من صنعي، ماكينة سويسرية و جسم ألماني

كان فين الموضوع ده من كام شهر يلا نصيب

كان عندى ساعه لاقيتها ف كراكيب البيت عندنا نوعها solvil et titus انا معرفش صناعه ايه الصراحه لكن مكتوب على ظهرها geneve وهى اوتوماتيك بس كان كل اللى فيها السوسته اللى بتشغل الاوتوماتيك اللى هى الحلزون ده
واستيك بس

المشكله اننى سالت كام واحد ساعاتى عليها قاللى مش هتلاقى حد يصلحها المهم ركنتها وجيت فى يوم قعدت ادور على اليوتيوب عليها ملاقيتش تفاصيل بس اللى فمته من فيديوهات لساعات تانيه ان الحلزون ده فيه ناحيه منه مش راكبه المشكله انى مكنتش عارف افكها واركب الحلزون براحتى لحد لما فسختها من بعضها خالص

وبقت عباره عن اشلاء متعبيه فى كيس بلاستيك

لو كنت عملت موضوعك ده من فتره قريبه كنت لحقت الغلبانه دى ههههههههههههههههههههههههه ههههههههههههههههههههههههه ههه

دى مكتوب عليها water-resistant ,anti-magnetic

يلا خدت الشر وراحت

المشاركة الأصلية كتبت بواسطة besso

كان فين الموضوع ده من كام شهر يلا نصيب

كان عندى ساعه لاقيتها ف كراكيب البيت عندنا نوعها solvil et titus انا معرفش صناعه ايه الصراحه لكن مكتوب على ظهرها geneve وهى اوتوماتيك بس كان كل اللى فيها السوسته اللى بتشغل الاوتوماتيك اللى هى الحلزون ده
واستيك بس

المشكله اننى سالت كام واحد ساعاتى عليها قاللى مش هتلاقى حد يصلحها المهم ركنتها وجيت فى يوم قعدت ادور على اليوتيوب عليها ملاقيتش تفاصيل بس اللى فمته من فيديوهات لساعات تانيه ان الحلزون ده فيه ناحيه منه مش راكبه المشكله انى مكنتش عارف افكها واركب الحلزون براحتى لحد لما فسختها من بعضها خالص

وبقت عباره عن اشلاء متعبيه فى كيس بلاستيك

لو كنت عملت موضوعك ده من فتره قريبه كنت لحقت الغلبانه دى ههههههههههههههههههههههههه ههههههههههههههههههههههههه ههه

دى مكتوب عليها water-resistant ,anti-magnetic

يلا خدت الشر وراحت

خسارة. الحلزون اللي بتقول عليه غالبا تقصد ال main spring. لو عندك صور لما تبقى من الساعة ياريت نشوفها ممكن في أمل

جميل جداً

الساعة الأورينت دي عند حمايا واحدة بنفس الماكينة بس محتاجة تصليح. الساعة الرادو طبعاً ممتازة و لو انت ناوي على التجديد و عايز تعرف تستاهل ولا لأ اختبرها لفترة.
الماكينة اللي فيها دي أوتومايتك طبعاً + ممكن تملاها من الشاكوش crown عادي. جرب اظبطها بالثانية على ساعة كمبيوتر أو موبايل و املاها (لف الشاكوش حوالي 50 لفة) و تابعها من حيث:
1- ماشية كويس؟
2- بتأخر/بتقدم كام ثانية في اليوم (ممكن ضبطها بسهولة)
3- التاريخ/اليوم شغال كويس ولا لأ
4- بتفضل شغالة كام ساعة بعد ما تملاها بالكامل و سبتها من غير لبس (من غير حركة) Power reserve. الماكينة دي بتقعد 40 ساعة في أحسن حالاتها. لو 36 ساعة يبقى كويس برضه
bidfun-db Archive: Watch Movements : ETA 2836-2

لو عدت كل الأسئلة دي يبقى ممكن تفكر في التغيير، لو فيها مشاكل يبقى محتاجة صيانة عند حد كويس و (نظيف)


سهل تلاقي لها case/dial/hands حتى لو عايز نفس اللي أنا استخدمتهم متوافقين مع الماكينة بتاعتك و في أشكال تانية كتير. مع اختلاف الwinding stem فقط و ده منتشر جداً ماتخافش يعني

المشاركة الأصلية كتبت بواسطة Ahmed abdkarim

متشكر جدا جدا حعمل اللى قلتلى عليه وارد عليك .

بس معلش عندى سؤالين كمان
لو انا مبتدئ ممكن اعرف اعمل التجديد ده لوحدى
تانى حاجة بالنسبة لجسم الساعة و المينا هل موجودين هنا فى مصر ولا اجيبهم من بره وياريت اللينك بتاع الموقع اللى انت اشتريت منه وخصوصا الcase علشان عاجبنى جدا بس قرأت على موقع eta ان ال2836 اتخن شوية من ال2824
وموضوع شحم السليكون حقدر اظبطه والى الساعة ضد الميه تحت مسافة 100 متر فعلا
بس الموضوع فى الاخر برضه يستحق التعب و التكلفة لا فى الاخر حتكون برضه قيمة الساعة قليلة .
بجد الف شكر ليك على مساعدتك.

بالنسبة لكونك مبتدئ زي ما أنا كنت مبتدئ برضه و دي أول مرة أعمل الموضوع ده. بس لازم تقرأ كتير عن كيفية فك و تركيب الأجزاء اللي هتشتغل عليها و إيه اللي هيقابلك صعب و تخلي بالك من إيه و هتحتاج أدوات إيه. كل ده مشروح كتير جداً على النت من ناس محترفين، و لازم توصل بعد القراءة لدرجة إنك تبقى متخيل هتعمل إيه خطوة خطوة قبل ما تنوي تشتغل. و الموضوع مش مجرد فك و تركيب، انت بتفك بحرص شديد و تحافظ على كل حاجة إزاي و لما تركب إزاي تركب كل حاجة بسهولة من غير خدش، من غير رايش معدن يتآكل منك، من غير بصمة من صوابعك، من غير ذرة تراب أو شعراية تنساها و تقفل عليها الساعة تضايقك كل ما تشوفها و ممكن تأثر على عمل الساعة. و لو (عكيت) حاجة زي ما حصل معايا هتعرف تركز و تلمها ولا لأ.
الموضوع فيه تفاصيل كتير جداً و لازم تثق في نفسك قبل ما تنطلق فيه.

الأجزاء اللي انا اشريتها هتلاقيها اللينكات بتاعتها في أول صفحة و الcase دي تمشي معاك و هتركب بدون مشاكل.
موضوع مقاومة المياه ده يعتمد على كذا حاجة، تصميم الcase نفسه، الشاكوش crown قلاووظ و بداخله جوان كاوتش يتم تشحيمه، غطاء الساعة الخلفي caseback تجيب له جوان مناسب و يتم تشحيمه. و أنا ضامن الساعة ضد المياه لكني ما ما جربتش معاها لسه :)

عايز توفر شدة الأعصاب دي ممكن تسيب الموضوع لساعاتي من القدام يعمله لك بس يكون بيتعامل مع الساعة كأنها ابنه


التكلفة بقى دي ترجع لك انت لو غاوي و عايز تبقى معاك حاجة مميزة، من صنع إيدك، محترمة، و تعيش يبقى اتكل على الله
لو بتدور على قيمتها عشان تبيعها مثلاً الموضوع صعب لأنك مش هتلاقي كتير يدفع فيها اللي انت عايزه.