الموضوع: صور للفلوانس فيس ليفت اللون الموكا للناس المحتارين

المشاركة الأصلية كتبت بواسطة miceg

أخي الكريم أستاذ صدام
منور المنتدى بتعبيراتك وأختيارك ألالفاظ والواحد بيبقا سعيد وهو بيقرا تعليقاتك على ألاعضاء
حفظنا الله وإياكم
انت عارف إن أختيار السيارة كان بعد سؤالك على الخاص لو كنت فاكر
وانا من أجل خبرتك أخدت قرار لا رجعه فيها وخصوصا بعد ألاشعار اللي سمعتها منك عالفلوانس
بس كلامك ألاخير خلاني أقعد أفكر
هو بره عندهم تراب زيينا
وهل إنت قصدك أني أسيب جسم السيارة الخارجي ملىء بالتراب
انا حد كان قاللي معلومة ان التراب هو اللي بيبوظ دهان العربية هو والحرارة المفرطه
عاوز أفهم من شخصكم الموقر أكثر
وإن كان على الشحم والزيت مافيش أكثر منهم

صديقي المواطن
قولا واحدا حياك الله وحللت أهلا ونزلت سهلا وأنا بعتز بيك دائما وكلامك الرقيق تجاهي شرف لي وتاج على رأسي ووسام أعتز به
بص يا مواطن
أنا لما برفع عربية سنين بجيب زيت وسفنجة وبمسح العربية كلها وبغطيها سنين ولما برجع أشيل الغطا وأغسلها تطلع لمعة كأنها متلمعة ببولش عشر مرات
والصح طبعا إنك تعمل واحده من ثلاثه تجيب شحم أو زيت محرك أو شمع وتدعك بيه العربية وسيبه وإستعمل العربية طبيعي حتلم تراب السنين ويبقه طبقات طبقات وحيقسو شوية والعربية حتفضل محمية تحت الطبقة دي وكل شوية مراتك حتقول إغسلها يا عم إغسلها لكن منظر التراب الأصفر والكتابات على الزجاج اﻷصلي والنايلون عالكراسي مع تنظيف 90% من كل زجاجة ده فده بيدي إحساس في الشارع اللي يشوفك يقول ياااه بص يا عم العرببة لسه بتراب الشركة
وأحيانا تلاقي زمايلنا المناضلين على خطوط الأقاليم من سواقي المرسيدس ال سبعة راكب والبيجو بيغسلو العربيات بالجاز ويسيبوا الجاز على وش العربية يجمع طبقة تخينة حماية من الزلط والخرابيش
وعندك لو ليك مزاج عالي ممكن تخلي سروجي فنان يفصل ليك برقع جلد أو خمار لمقدمة العربية ويفصل فتحات الشبكة والفوانيس حيديك تعظيم وتكبير وتفخيم لمقدمة السيارة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال