ماذا بعد صلاه الاسنخاره

**AboELsoud** · 28-02-2014 07:24 PM

السلام عليكم و رحمه الله و بركاته

الحمد لله بعد بحث كتير في الاهرام و الوظائف على النت

لاقيت وظيفه مبيعات و هيه الى حد ما مش اللي انا عايزه و مش المجال اللي عايز ادخله و مش الشركه اللي ممكن استحمل عشانها اي حاجه

المهم قلت اهه برضه احسن من القعده و جنبها ادور لحد اما الاقي اللي انا عايزه

المهم بعد ما قبلت بس لسه مبدأتش الشغل ولا مضيت العقد قلت اصلي صلاه استخاره

و كانت اول مره اصليها

بعد ما صليت في اليوم ده جيت انام نمت بصعوبه و مجاليش نوم الا بعد فتره كبيره قوي و زي ما اكون كنت متضايق ساعتها

السؤال هل ده يعتبر علامه من علامات الصلاه و قبول الوظيفه من عدمه ولا ملهوش علاقه ولا ارتباط ؟؟؟

**Ahmed.Essam** · 28-02-2014 07:35 PM

على حد علمي
بعد صلاة الاستخارة بتمشي في امورك عادي ولو ده خير ليك ربنا هيسهلهولك ويريحك ليه
انما لو مش خير ليك ومش هتنفعك هتلاقي الامور اتعقدت ومبقتش مرتاح والموضوع مش ماشي
والله اعلم

**age** · 28-02-2014 09:38 PM

المشاركة الأصلية كتبت بواسطة ahmed.essam

على حد علمي
بعد صلاة الاستخارة بتمشي في امورك عادي ولو ده خير ليك ربنا هيسهلهولك ويريحك ليه
انما لو مش خير ليك ومش هتنفعك هتلاقي الامور اتعقدت ومبقتش مرتاح والموضوع مش ماشي
والله اعلم

تمام كره مفيش حاجه اسمها حلم

**alrabeh** · 01-03-2014 12:36 AM

بالنسبة لصلاة الإستخارة يجب ان تحدد فيها الوظيفة ومكان العمل بالتحديد بمعنى ان يكون الإستخارة على امر محكم محدد تحديدا دقيقا

ثانيا : يفضل النوم بعدها مباشرة وهذا ليس أمر مذكور بالشرع ولكن هذا الأمر يجعلك بعيد عن أمور الحياة من معصية أو غضب أو خلافه

يمكن أن ترى رؤيا علما أن هناك ملك موكل بالرؤى

فى حالة عدم وجود رؤيا تمضى بموضوعك مفوضا الأمر كله لله وإما أن ييسر الله لك هذا الأمر أو يصرفه عنك ويصرفك عنه

**Mohamed.Raafat** · 01-03-2014 07:09 PM

بعد الصلاة زي ما الاخوة قالوا

انت بتمشي في الموضوع عادي خالص ولو الموضوع فيه خير هتلاقيه متيسر معاك
ولو لا قدر الله مش متيسر يبقى الموضوع مش كويس

**AboELsoud** · 01-03-2014 09:02 PM

و هوه ده اللي حصل النهارده

رحت ولاقيت المكان اللي هقدم فيه مقفول و الموظفين قاعدين بره و اللي معاه المفتاح مجاش الا على الساعه 12

و حصل كام موقف كمان كده لاقيت الموضوع مش بيكمل و بعد ما مشيت لاقيت نفسي مرتاح الحمد لله

قلت يبقى اكيد الخير ليا مش في المكان ده

شكرا جداااااااا يا جماعه على المساعده

بصراحه صلاه الاستخاره جميله جدا الواحد مش عارف كان عايش من غيرها ازاي