اراء رجالة جيلي

**Ahmed sahab** · 01-03-2014 08:11 PM

خلاصة موضوع بدون كﻻم كتير اخويا عايز يتعلم سواقه وأنا خايف على عربيتي ومفيش وقت علشان اعلمه مهم فى ارارء اقترحت ان نجيب 128 علشان يتعلم عليها سواقه طبعا أنا رافضها نهائي فقعدت ادور على عربية لقيت جيلي فروتة 2005 طالب فيها 20 ألف بامانه شديده منكم ايه رايكم فيها وقطع غيار موجوده وﻻ ﻻ واعاده بيعها سهلة وﻻ مستحيلة طب متوسط سعرها كأم واللى جربها ميبخلش علينا

**saddam** · 01-03-2014 11:13 PM

صديقي المواطن
قولا واحدا الجواب باين من عنوانه
لو فيه سهولة في إعادة البيع أو توافر قطع غيار مكانش عربية 2005 وصلت ل 20 ألف ولو دفعتله 17 حيبيعهالك وأنا أعرف واحد كان معاه واحده جابت كونترول رماها عند الكهربائي سنه عشان الكونترول ده وفي اﻵخر غير مكنة عشان الكونترول مفيش
بس طبعا ال 128 حاجة صعبة إن كان ولا بد هاتله 132 أو مرسيدس خنزيرة ولكن الصح هاتله العربية اللي نفسه فيها ومتخلهوش يركبها
وسجله دورتين في مكاتب سواقه ورا بعض ﻷن الحصة ب 25 جنيه فإرميلك 500 جنيه يعمل بيهم 20 حصة سواقه في الشارع وتشتري عربيتك وتشتري صحتك وعافيتك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**Ahmed sahab** · 02-03-2014 08:07 AM

متشكر جدا على رايك اللى بيلف ويدور فى كل قسم من اقسام المنتدي بس انا عارف ان قطع غيارها مش موجوده بس بيقولوا ممكن يركبلها موتور دايهاتسو لو حتي هجيب موتور باندا ليها بس هتقعد معاه فترة وخلاص ولا ايه رايك