لمبه التشيك وحساس الاكسجين

**esnawy** · 01-03-2014 11:05 PM

السلام عليكم جميعاا
انهرده روحت كشفت علي العربيه ب السكانر علشان لمبه التشيك كانت بتنور..ولقيت العطل حساس الشكمان.

ارجو من حضراتكم الافاده بعد ملاحظه مايلي:
1-العربيه لانوس 2001 والمكنه متغيره ويوجد الان حساس بوتنشيمتر وحساس اكسجين ..مع العلم ان حساس الاكسجين مغيره قبل كده بواحد استيراد
2-ليه العطل دائما بييجي لما العربيه تسخن..مع انه لوطلعت بالعربيه وهي بارده اللمبه مش بتنور خالص حتي لوطلعت بيها علي سرعات عاليه
3-الميكانيكي قالي ان الموتور ظاهر عند ه في السكانر 1300 مش 1500..وازاي اعرف السعه من كود الموتور..لان انا مشتري المكنه علي اساس انها 1500
4-rpm علي السكانر متذبذب مابين 820 و 830..مع العلم ان حساس السلانيسيه جديد
5-حراره الموتور 94
6-هل حساس الشكمان له علاقه بالرجه ورائحه العادم داخل الصالون واستهلاك البنزين والسحب ... وهل اغير حساس الشكمان وافصل البوتينشيمتر.

ارجو الافاده

**besso** · 02-03-2014 12:55 AM

حساسا الاكسجين بيأثر على الاستهلاك والسحب

اللمبه مش بتنور الا لما بتسخن ده راجع لسبب ان الكمبيوتر بيتجاهل قرايات الحساسا لحين لما يسخن لان اليه عمله بتحتم انه يوصل ل350 c

فانت بص على ضفيره الحساس الاول قبل ما تغيره ممكن يكون هى المشكله وبص على الفيشه ممكن تكون بتتهز فتفصل وبردو نظفهما باسبراى كهرباء يمكن يكون التوصيل ردىْْْْء

**tarek_2005** · 02-03-2014 08:15 AM

مشفتش عربية فيها الاتثنين يعملا مع بعضهما بوتشمير وحساس شكمان احدهما فقط الي شغال عندك
السعة اللترية مبتبنش علي الاسكانر

**a7medsh3rawi** · 02-03-2014 10:48 AM

من معرفتى فى السوق اقدر اقولك ان اللانوس مالهاش غير موتور 1500 cc كامه واحده سواء الاصلى او المستورد والنوبيرا 1600 cc كامتين انما جديده ان فى مواتير 1300 cc خاصه بالدايو
بالنسبه للحساس هتلاقى مشكلتك كلها فى الضفيره لان اللانوس مشهوره بضعف الكابلات ومع الوقت بتحتاج تغير علبة الفيوزات الرئيسيه
المطلوب منك بعد ما ركبت الموتور تروح لكهربائى عنده ضمير وبيراعى ربنا وبيفهم (اللهم ارزقه كهربائى ابن حلال ) هيكشف على وصلات الكهربا من موبينه علشان مؤشر السلانسيه والحساسات وتوصيلاتها بالكمبيوتر وطبعا درجه الحراره عندك عاليه جدا 94 لان الطبيعى فى اللانوس ان المؤشر تحت النص بسنه صغيره

الصوره توضح مؤشر الحراره والسلانسيه الطبيعى

أثناء الليل

أثناء النهار

**MMamdouh** · 02-03-2014 01:10 PM

المشاركة الأصلية كتبت بواسطة esnawy

1-العربيه لانوس 2001 والمكنه متغيره ويوجد الان حساس بوتنشيمتر وحساس اكسجين ..مع العلم ان حساس الاكسجين مغيره قبل كده بواحد استيراد

يبقى المكنة اللى انت اشتريتها فيها حساس شكمان و مكنتك الاصلية مكنش فيها... لو عربيتك هاف اوبشن يبقى كلامى صح

2-ليه العطل دائما بييجي لما العربيه تسخن..مع انه لوطلعت بالعربيه وهي بارده اللمبه مش بتنور خالص حتي لوطلعت بيها علي سرعات عاليه

الكونترول بيبقى فى وضع اسمة open loop و المكنة باردة او و انت بتحرق و الوضع دة بيتجاهل قراية حساس الشكمان... لما العربية تسخن و تبقى ماشى بسرعة منتظمة الكونترول هيخش فى وضع closed loop و هنا قراية الحساس بتفرق و لو الحساس فيه مشكلة لمبة التشك هتنور

3-الميكانيكي قالي ان الموتور ظاهر عند ه في السكانر 1300 مش 1500..وازاي اعرف السعه من كود الموتور..لان انا مشتري المكنه علي اساس انها 1500

هو السكانر ملوش علاقة بسعة المكنة... عموما كود المكنة ال1500 هو A15SMS و كود المكنة ال1300 A13SMS

4-rpm علي السكانر متذبذب مابين 820 و 830..مع العلم ان حساس السلانيسيه جديد

دا طبيعى

5-حراره الموتور 94

المفروض المراوح بتشتغل من اول سرعة 92... معنى كدة ان المراوح عندك شغالة طول الوقت

6-هل حساس الشكمان له علاقه بالرجه ورائحه العادم داخل الصالون واستهلاك البنزين والسحب

اه طبعا... دا هو الفيصل فى الاستهلاك و رائحة العادم... انما موضوع "جوة الصالون" دة عيب تانى خالص

... وهل اغير حساس الشكمان وافصل البوتينشيمتر.

لا افصل حساس الشكمان و شغل البوتنشيوميتر... لو نظريتى صح يبقى كونترولك مصمم انه يشتغل على مكنة من غير حساس و بالتالى الاصح تشغل البوتنشيوميتر

MMamdouh

**MMamdouh** · 02-03-2014 01:10 PM

المشاركة الأصلية كتبت بواسطة engonear

من معرفتى فى السوق اقدر اقولك ان اللانوس مالهاش غير موتور 1500 cc كامه واحده سواء الاصلى او المستورد والنوبيرا 1600 cc كامتين انما جديده ان فى مواتير 1300 cc خاصه بالدايو

أللانوس نزلت بمكنة 1300... تحديدا المكنة دى 1348 سى سى

MMamdouh

-

-

الموضوع: لمبه التشيك وحساس الاكسجين

LinkBack

أدوات الموضوع

عرض

لمبه التشيك وحساس الاكسجين - انشر الموضوع فى :

-

-

-

-

-

المواضيع المتشابهه

الفرق بين حساس البيئه وحساس الاكسجين

مشكله لمبه التشيك

مسلسل لمبه التشيك

ملاحظة غريبة فى لمبة Check وحساس الاكسجين

لمبه التشيك منورة على طول

الكلمات الدلالية لهذا الموضوع

المفضلات

المفضلات

ضوابط المشاركة