ميجان 2005 او 2006 اوتوماتيك ولا لوجان او سانيدو زيرو .... هل الاختيار صعب ولا محسوم؟

**aymanmu** · 02-03-2014 11:03 AM

السلام عليكم ورحمة الله وبركاته،
هذه اول مشاركة لى فى هذا المنتدى الجميل وهى استشارة وما خاب من استشار

انا كان عندى عربية رينو كليو 2008 وكانت عربية محترمة ولكنى اضطريت انى ابيعها ودلوقتى انا عايز اشترى عربية تانية.. رينو برده

انا معايا حوالى 40000 ممكن اذودهم شوية وعايز اخد رايكم

1. هل ادفع دول مقدم واشترى لوجان او سانيدوا زيرور بس على حسب ما قريت ان السعر الجديد الحالى مبالغ فيه اوى وكمان انا مش حابب انى ادخل فى موضوع اقساط دلوقتى لكن لو ده الخيار الافضل فالامر لله وحده.

2. انى انى اشترى كليو او ميجان 2005 او 2006 اوتوماتيك
بالنسبة للكليو انا مطمن ليها جدا لانى ركتبها قبل كده وكنت مستريح معاها جدا لكن عيبها انها ضيفة شوية لكن ممكن تفى بالغرض معايا

بس انا فعلا معجب جدا وعاشق للميجان وممكن الاقى حاجة 2005 او 2006 لحد 50000 وكمان اوتوماتيك ... بس هل دى هتكون كويسة ولا هتتعبنى وخصوصا انى مش هواة انى اروح للمكانيكانيه كتير .. يعنى هى الميجان 2005 او 2006 سعرها كده علشان عيب معين فيها ولا علشان بس موضوع السوق المصرى وكده..

انا عجبانى جدا العربية شكلها وصالونها زكده بس خايق انى اجيب عربية تتعبنى .. فايه رايكم؟؟ جزاكم الله خيرا

**ahmedfouad** · 02-03-2014 11:58 AM

متابع ومستنى الردود معاك

**MohammedAladel** · 02-03-2014 04:32 PM

بصراحة من يريد شراء ميجان ... لا يفكر إطلاقاً فى لوجان أو كليو
ميجان أفضل كسيارة
وأسعار السيارات جديدة مبالغ فيه مقابل الإمكانيات .... والتقسيط سيزيد من هذا الغلاء
لا أنصحك بتقسيط لوجان جديدة وأرشح لك ميجان مستعملة

**aymanmu** · 03-03-2014 09:11 AM

السلام عليكم ورحمة الله وبركاته،
جزاكم الله استاذ محمد على الرد...

انا لا اشك مطلقا ان الميجان افضل سيارة وهى درة شركة رينو الغالية ولكن ما اخشاه هو كثرة اعطالها مقارنة بالكليو مثلا..

انا كان معايا كليو 2008 وكنت فين على ما اروح للميكانيكى بيها حتى لو فيها حاجة كنت بقدر امشى بيها فترات طويلة لحد ما اقدر اروح للميكانيكى ...

انا اميل للميجان بس خايف من الاعطال يعنى بعنى بصراحة كده محتاج حد يطمنى وخصوا على موديل 2005 و 2006 لان هما دول اللى ممكن اشتريهم على حسب الفلوس اللى معايا..

لان اذا كانت المشاكل هتكون كتيرة يبقى اقسط جديد لوجان او سانديروا واضحى بامكانيات وقدرات اعلى فى السيارة وكمان سعر مبالغ فيه جدا مقابل ان بالى هيستريح من ناحية العريبة..

يا ريت اسمع اراء بقيت الناس وجزاكم الله خيرا

**NaderNabil** · 03-03-2014 09:58 AM

يوم الجمعة كنت في سوق السيارات و بالصدفة لاقيت ميجان ٢٠٠٥ هايلاين بانوراما فابريكة بره و جوه و حالتها ممتازة و متحافظ عليها جدا و صيانتها كلها في الميكانيكيون العرب بس عدادها كان عامل ١٦٠٠٠٠كم

المهم العريية دي كانت تخلص على ٦٣٠٠٠جنيه... و ساعتها فكرت ان الواحد يجيبها و يحط مبلغ ٢٠٠٠٠ جنيه فوقيها كمصاريف متوقعه و ده مش معناه ان كلها هاتتصرف... يعني هاتقف في الاخر ب ٨٢٠٠٠... و تبقى راكب عربية بجد مش لوجان ام ٩٦٠٠٠ مع كامل احترامي ليها كوني احد ملاكها.

**aymanmu** · 03-03-2014 11:57 AM

شكرا يا استاذ نادر وجزاك الله خيرا على ردك

ما تقوله منطقى جدا ولكن هل الميكانيكة هيطلعوا الحاجة مظبوطة فعلا ولا هيطلعوا عينى ده مره كان عندى مشكلة فى الكليو طلعنوا عينى على ما اتظبطت ولا هنا لازم اشتغل فى التوكيل؟؟