الموضوع: فتيس سي اليزيه سيء للغاية

هو انت مقلتش ايه المشكلة

لكن عموما مش عاجبني انا كمان لكذا سبب:

1- اولا فرامل المحرك Engine Break دي حاجة زي الزفت وكذا مرة ادوس فرامل واحس ان العربية هتفلت مني وتنط وتخبط فى اللى قدامي
2- احيانا مثلا بضطر اشيل رجلي من على البنزين علشان حد كسر عليا وبيعدي وبعدها بدوس تاني .. هو بيفهم اني بغير للغيار اللى بعده .. طبعا ده بيطلع عيني وبضطر اضغط اكتر علشان اخليه يرجع للغيار اللى قبله
3- احيانا بلاقي الفتيس بياخر النقل من الغيار الاول للتاني بدون سبب .. يعني هو نفس ضغطه البنزين وبلاقيه مش راضي يغير .. حتى لما بشيل رجلي خالص وارجع ادوس الاقيه لسه فى الغيار الاول
4- احيانا بيبقى تقيل قوي فى اول طلعة .. السحب والتجميع يعني بيبقى حاجة زبالة اني مش عارف اعدي حد او اخلي العربية تجري شوية الحق الاشارة مثلا !!

انا مشكلتي اني كنت راكب كوري قبل كده .. بصراحة فرق كبير بين الاتنين (لصالح الكوري) اداء الموتور والفتيس احسن بكتير من الاوروبي

لكن كل دي مش مشاكل .. ده تعود واسلوب سواقة مختلف