ازاى انزل زيت الجير كلة الى يعرف يدخل يفيدنا

**mamd_3000** · 03-03-2014 11:25 AM

المشاركة الأصلية كتبت بواسطة د.أبونضال

تفضل يا سيدي
[youtube]https://www.youtube.com/watch?v=msdpaadc9fy[/youtube]

الف شكرا يا باشا بصراحة ممتاز والحمد لله كدا عرفنا الطريقة والغسيل كمان بالتر الى فاضل

**mamd_3000** · 03-03-2014 11:27 AM

المشاركة الأصلية كتبت بواسطة engonear

لازم لما تيجى تغير الزيت سواء للموتور او الفتيس تغير معاه الفلتر ودا أهم حاجه لان الناس بتقولك الفلتر تغير عليه الزيت مره او اتنين ومش عارف الكلام دا بيتعمل على اى اساس ودى طريقة فك الفلتر للفتيس واعادة تزويده بالزيت وبالتالى تضمن انك نضفت الفتيس ..

الخطوه الأولى

طقم عباره عن تغيير فلتر + جوان كاتيره

العده والأحزاء المطلوبه لهذا العمل عباره عن عده تقليديه وليست عده خاصه
__________________________________

الخطوه الثانيه

التعرف على مكونات الفتيس الظاهريه
.

مثل الكارتيره pan

كل الفتايس تحتوى على كارتيره تقوم بتغطية حوض الزيت من أسفل

ويكون داخل حوض الزيت ( الزيت والفلتر مركب على سحب الطلمبه )

أيضا يكون على جانب الفتيس ( شيلد وقايه لأبعاد حرارة الشكمان عن الفتيس

والحفاظ على عدم وصول الحراره للفتيس وسخونة الزيت

وبعض أنواع الفتايس تحتوى على طبه لأنزال الزيت دون الحاجه لحل الكارتيره

_____________________________

الخطوه الثالثه

وهى أنزال زيت الفتيس القديم

الشكل التالى يوضح حل طبة الفتيس لأنزال الزيت

بعض الأنواع لاتحتوى على طبه لتفريغ الزيت وهنا يلزم حل الكارتيره كاملة لتفريغ

الزيت

____________________________________

الخطوه الرابعه

أنزال الزيت القديم

بعد تهوية رباط الطبه ....حط وعاء تحت الطبه لأستقبال الزيت القديم

وشيل بأه الطبه وأنتظر لحين تفريغ كل الزيت

_________________________________

الخطوه الخامسه

وهى حل الكارتيره

حنحل مسامير تجميع الكارتيره على جسم الفتيس من أسفل بحل جميع المسامير

مع ترك مسمارين لمسك الكارتيره بجسم الفتيس من أسفل ( أو حوض الزيت )

_________________________________

الخطوه السادسه

حل الكارتيره

حتحط يديك تحت الكرتيره وتحل المسمارين الباقين

وبرفق حتنزل بالكارتيره لأسفل

_____________________________

الخطوه السابعه

فحص تواجد شوائب أو زرات معدنيه

حتفحص باطن الكارتيره من حيث تواجد بودره معدنيه أو شرائح دقيقه خاصه

بالكلاتشات

كل الفتايس الأوتو بيتواجد بعض البودره المعدنيه فى الكاتيره نتيجة تآكل الكلاتشات

ولكن أذا وجدت أجسام معدنيه ملفته للنظر وبأحجام كبيره

فهذا مؤشر على وجود خلل كبير داخل منظومة الفتيس

ولا تعتبر المناظر الحاليه هى الأوضاع العامه للفتايس

ولكن هنا الصور تشير إلى فتيس بحاله جيده جدا

ومعظم الفتايس بتحتوى على مغناطيس مثبت داخل الكارتيره لألتقاط أى زرات

معدنيه لعدم السماح لها بالسريان والدوران مع الزيت أثناء عمل الفتيس

لعدم أحداث خلل كبير بالفتيس

_____________________________

الخطوه الثامنه

تنظيف الكارتيره من الداخل

تتم عملية التنظيف للكارتيره مع تركيب جوان كارتيره جديده

___________________________________

الخطوه التاسعه

تغيير فلتر الفتيس

معظم الفتايس الأوتو تشتمل على فلتر داخل حوض الزيت

وأحيانا يوجد الفلتر مربوط بمسامير أو بكلبسات

وفلتر الفتيس فى هذا الشكل بيدعم برنج حابس للزيت فى مقدمة الفلتر

____________________________________

الخطوه العاشره

وانت حالل بأه حتتعرف على الأجزاء الداخليه للفتيس من أسفل

حتعمل نظافه لحافة الفتيس من أسفل

وحتقدر تشيك على التوصيلات الكهربيه لسولونيدات النقل

وهى راكبه على الفالف بودى

وفى الشكل التالى طريقة تركيب فلتر الزيت الجديد

وهنا يتم تركيب كارتيرة الفتيس

يتم التركيب بهدوء لعدم أتلاف جوان الكارتيره الجديد لضمان حبك جيد للكرتيره على

الحوض من أسفل

وعدم حدوث تسريب للزيت

وربط مسامير التجميع لغلق الحوض من أسفل

___________________________________

هنا بأه حنشيل مقاس الزيت

وهنا يتم تعبئة الفتيس بالزيت الجديد من خلال قمع مخصص لهذا

يتم وضع كمية الزيت المقرره للفتيس

دور مكنتك من أجل الوصول لدرجة حراره طبيعيه

أعد فحص منسوب الزيت وأضف زيت أن تطلب الوضع عملية تزويد

ولا تملأ الفتيس بكمية زيت أكبر من المقرره للفتيس

منقول

هذا والله أعلى وأعلم

باشا ان سمعت ان فلتر الانسر مبيتغيرش غير فى العمرة عشان جو الفتيس مش تحت فى الكرتيرة

**د.أبونضال** · 03-03-2014 04:40 PM

المشاركة الأصلية كتبت بواسطة mamd_3000

الف شكرا يا باشا بصراحة ممتاز والحمد لله كدا عرفنا الطريقة والغسيل كمان بالتر الى فاضل

أي خدمة يا باشا ... أنتم السابقون ونحن اللاحقون إن شاء الله ...

**MohammedAladel** · 04-03-2014 08:18 AM

من قال لك أن زيت الجيربوكس يدخل على الردياتير فى سيارتك ؟ قد يكون صحيح ولكن بالنسبة لسيارتى رينو ميجان

مبرد الزيت خاص بالمياه فقط ويمر به مياه فقط وإذا قمت بفك الخرطوم الواصل بينه وبين الرادياتير سينزل مياه تبريد وليس زيت

**mamd_3000** · 04-03-2014 10:58 AM

المشاركة الأصلية كتبت بواسطة mohammedaladel

من قال لك أن زيت الجيربوكس يدخل على الردياتير فى سيارتك ؟ قد يكون صحيح ولكن بالنسبة لسيارتى رينو ميجان

مبرد الزيت خاص بالمياه فقط ويمر به مياه فقط وإذا قمت بفك الخرطوم الواصل بينه وبين الرادياتير سينزل مياه تبريد وليس زيت

السيارة اتو ماتك ولا عادى لو اتمتك لازم يكون فى مبرد زبيت وبيبقى خرطوم داخل والتانى خارج وبيبقى فى جنب الرديتيار او من تحت وبتبقى خزنة منفصلة عن المياة

**MohammedAladel** · 05-03-2014 12:25 AM

المشاركة الأصلية كتبت بواسطة mamd_3000

السيارة اتو ماتك ولا عادى لو اتمتك لازم يكون فى مبرد زبيت وبيبقى خرطوم داخل والتانى خارج وبيبقى فى جنب الرديتيار او من تحت وبتبقى خزنة منفصلة عن المياة

أنا عندى جير بوكس أوتو ..... المبادل الحرارى للجيربوكس يركب بالفعل على الجيربوكس

ولكن إحدى خراطيم الرادياتير بها ماسورة متفرعة متجهة ناحية هذا المبادل الحرارى ليكون تابعا لدورة تبريد السيارة

وما يحدث ببساطة أن مياه التبريد تدخل على هذا المبادل الحرارى وتسحب الحرارة من الزيت دون التلامس
هذا يعنى أن المبادل الحرارى جزء من دورة تبريد السيارة والتى يمر بها مياه فقط
وحضرتك تقول أنك لو قمت بفك هذا الخرطوم تستطيع إنزال كمية الزيت الموجودة بالجير بوكس بالكامل ؟ كيف يحدث هذا ودورة زيت الجيربوكس مغلقة ولا تمر بالرادياتير
وأنما تمر المياه فقط بالرادياتير

**mamd_3000** · 05-03-2014 07:14 AM

المشاركة الأصلية كتبت بواسطة MohammedAladel

أنا عندى جير بوكس أوتو ..... المبادل الحرارى للجيربوكس يركب بالفعل على الجيربوكس

ولكن إحدى خراطيم الرادياتير بها ماسورة متفرعة متجهة ناحية هذا المبادل الحرارى ليكون تابعا لدورة تبريد السيارة

وما يحدث ببساطة أن مياه التبريد تدخل على هذا المبادل الحرارى وتسحب الحرارة من الزيت دون التلامس
هذا يعنى أن المبادل الحرارى جزء من دورة تبريد السيارة والتى يمر بها مياه فقط
وحضرتك تقول أنك لو قمت بفك هذا الخرطوم تستطيع إنزال كمية الزيت الموجودة بالجير بوكس بالكامل ؟ كيف يحدث هذا ودورة زيت الجيربوكس مغلقة ولا تمر بالرادياتير
وأنما تمر المياه فقط بالرادياتير