نويت ابيع عربيتي

**secondhand** · 02-03-2014 11:15 PM

على فكره تجيب اعلى من السعر اللي انت كاتبه
ممكن تبيع بـ28 كمان ومرتاح
انا كنت في السوق من قريب ومعظم الناس عارضه اتعب عربية اللي متهانه بـ28 واللي حالتها كويسه بـ32 وشفت اسعار اعلى كمان وفيه ناس كتير باعت
السوق شادد من فتره

**المنسي** · 02-03-2014 11:23 PM

ربنا يحسنلك بيعها ويفك كربك

**giedo** · 03-03-2014 04:22 AM

من 26000 الى 28500

**zxcv38** · 03-03-2014 07:25 AM

والله السعر مش وحش الاستعمال كله رفع انا عربيتي ريحة في دهيه شريها 25500 ربنه يسر

**أحمد جودة** · 03-03-2014 08:06 AM

موفق فى البيع إن شاء الله

**kar!m** · 03-03-2014 12:03 PM

المشاركة الأصلية كتبت بواسطة islamagdi

ربنا يباركلكم
انا والله ما زعلت ولا حاجة بس انا شايف انها تجيب اغلى من كده
وانا والله ما ببيعها عشان مشاكل ولا حاجة انا بلاقي ع الطريق عربيات جميع الماركات لانسر و دايو والله وسعات مرسيدس عطلانه
لكن انا ببيعها عشان الدنيا مأزمة معايا شوية دلوقتي ولو قعدتها مش هصرف عليها يبقى هخربها لكن والله انا بحب العربية جدا لانه بصراحة تستحمل

أخي الفاضل .. احنا مشكلتنا اننا بنتكلم بعواطفنا شوية .. و بنرتبط بالحاجه اللي معانا .. الفيليشيا فعلا فيها مشاكل كتير .. و قسم سكودا مليان مواضيع عن مشاكل العربية .. بص على أقسام تانية في المنتدى هتلاقي القسم عليه عنكبوت من قلة مشاكل العربية :-)

أنا والله مش قصدي أنتقدك .. أنا بس بحاول أكون واقعي .. احنا كمصريين صبورين .. و ممكن تقعد اسبوع عند الميكانيكي من مشكلة للتانية و في الاخر تقول العربية أصيلة .. أنا بتكلم بصفة عامه مش على عربية محدده.

و بالتوفيق في البيع.

**islamagdi** · 03-03-2014 08:53 PM

يا استاذ كريم كل عربية ليها مميزات وعيوب والواحد بيحاول يقارن بين المميزات والعيوب ويشوف اللي يناسبه بس مش اكتر

**aw2100** · 03-03-2014 10:47 PM

المشاركة الأصلية كتبت بواسطة kar!m

أخي الفاضل .. احنا مشكلتنا اننا بنتكلم بعواطفنا شوية .. و بنرتبط بالحاجه اللي معانا .. الفيليشيا فعلا فيها مشاكل كتير .. و قسم سكودا مليان مواضيع عن مشاكل العربية .. بص على أقسام تانية في المنتدى هتلاقي القسم عليه عنكبوت من قلة مشاكل العربية :-)

أنا والله مش قصدي أنتقدك .. أنا بس بحاول أكون واقعي .. احنا كمصريين صبورين .. و ممكن تقعد اسبوع عند الميكانيكي من مشكلة للتانية و في الاخر تقول العربية أصيلة .. أنا بتكلم بصفة عامه مش على عربية محدده.

و بالتوفيق في البيع.

مش مسئلة عواطف بس فعلا الفليشيا عربية مصفحة وعفشه دبابه بس طبعا عربية واطية على الأرض زىى كل العربيات الحديثة وده بيديها ثبات رهيب على الأرض والموتور 1300 يعتبر ضعيف بالنسبة لوزن العربية التقيل والموتور حساس من دورة التبريد ومحتاج صيانة مستمرة ليه وده فى كل العربيات الالمانى الموتور حساس للاهمال فى دورة التبريد والحمد لله على نعمة الفليشيا !!