نويت ابيع عربيتي

**islamagdi** · 02-03-2014 05:04 PM

سلام عليكم ورحمة الله وبركاته

يا جماعة الخير نويت ابيع عربيتي

سكودا فليشيا 1995
اللون احمر
فابريكة دواخل
جنوط سبور
رخصة باسمي مرور منيا القمح تنتهي في شهر 7 / 2015

طقم شنبر و طقم دبرياج الماني وسير كاتينة اصلي من شهر ونص و اسبراتير فيكا تركي
شهر 6 اللي فات مغير طقم كبالن الماني mayle وفردتين كوتش بريدجستون

العيوب :
العفشة محتاجة شوية شغل ممكن جلب مقصات وكشف على المساعدين
الموتور في بوجيه حواليه زيت خفيف خليت الميكانيكي يشوفه وبيقول ده من البوجيه ( الله اعلم ) بس انا لسه عامل طقم شنبر

السعر المطلوب : 26500

التليفون : 01116497295

الصور :

**sakr_skoda** · 02-03-2014 05:16 PM

ربنا يسر ليك البيع وبالتوفيق***

**sakr_skoda** · 02-03-2014 05:46 PM

المشاركة الأصلية كتبت بواسطة islamagdi

جزاكم الله خيرا استاذ صبحي

ايه رايك ف السعر ده ؟؟

السعر عالى جدا يعنى لو خلصت على 23 او 24 تبقا عال بالنسبة للبائع والمشترى**

**sakr_skoda** · 02-03-2014 06:30 PM

المشاركة الأصلية كتبت بواسطة islamagdi

ليه كده يا استاذ صبحي العربية انا كنت شاريها اغلى من كده و صرفت عليها بتاع 5000 اخرهم شهر واحد اللى فات 2000 جنيه وانا سمعت ان العربيات سعرها زاد .. والميكانيكي بيقول من 26 الى 27 وبيقول عاوز ياخدها هو بس يبيع اللي معاه وياخد دى لزبون ويظبطها ويدهالو على حسب ما بيقولي
الله المستعان

السعر اللى قال عليه الميكانيكى خرافى على فليشيا 95 يبقى انتظره لما يبيع اللى معاه وربنا يباركله واضح ان دكتور متمكن***

طيب تخلص فى فيفورتى 1994 على 25 الف اهى مش محتاجة اى مصاريف الا البنزين والزيت ها ايه رئيك لو وافقت ابارك لك مع العلم انا لسة مسقط شورط بلوك كامل متقفل وشاددها زيرو**والصورة اللى فى التوقيع حديثة امس السبت اول مارس 2014***

**adhmmaamon** · 02-03-2014 07:13 PM

انت شكلك زهقت ياعم اسلام ..صح؟؟؟
على العموم العربيه دى لو بعتها مش هاتعرف تعوضها .. خش بقى على العربيات اللى صاجها معمول من علب السمنه ..وقطع غيارها موجوده اه بس شهر والتانى وغير ..وميكانيكيه شغالين اه بس دباحين وكمان بهايم .. لو زى مانا فاهم وانت عايز تبيع علشان شويه المشاكل اللى واجهتك ..فتأكد ان العربيات التانيه فيها اللى العن من كده ...
فكر كويس ..ولو نويت يبقى توكل على الله ..واسمع بقى الارقام اللى هاتكرهك فيها اكتر مانت كارهها ..على فكره عم صبحى جابلك رقم من الاخر ..انت ممكن تسمع بقى 20 الف و18 الف ... كأنك بتبيع 128.
على العموم ربنا يحسنلك بيعها ...