حد ابن حلال معاه رينو كليو قبل 2003 يساعدني

**عماد السيد** · 03-03-2014 08:50 PM

السلام عليكم ورحمة الله وبركاته
معايا عربيه رينو كليو 2001 1400 سي سي
فيها مشكله في الكنترول عايز يتعمله فك شفره من جديد وعربيتي مركونه في اسيوط
والكنترول في الحرفيين في القاهره لكن محتاجين عربيه كليو موديل قبل 2003 سي سي 1400 علشان يفكلي الكود عليها
والراجل اديله اسبوع مش متصرف والعربيه مركونه وطالب مني اشوفله انا اي حد معاه نفس عربيتي علشان يشغل عليها
فلو حد يقدر يطلعنا من الورطه دي يا ريت
او يكون عنده اي حل بدل الخنقه اللي الواحد مخنوقه دي

**medohai510** · 04-03-2014 12:06 AM

يا باشا المشكلة مش واضحة، حاول توضح المشكلة في أية
أولاً الكنترول لو باظ لا قدر الله بيتغير مع طقم الكونتاكت والعربية بتشتغل تمام بحوالي 1500 جنية

ثانياً المفتاح لو مش بيدور الكونتاكت واللمبة الحمراء بتنور وتطفي بسرعة مع فتح الكونتاكت مع عدم القدرة علي تشغيل الموتور يبقي العيب في الشفرة بتاعت المفتاح (ممكن تكون وقعت منه أو باظت) وفي هذه الحالة بيتعمل مفتاح علي العربية بشفرة جديدة عند بتوع المفاتيح المشفرة بـحوالي 150 جنية
ربنا معاك

**عماد السيد** · 13-03-2014 09:55 PM

المشاركة الأصلية كتبت بواسطة medohai510

يا باشا المشكلة مش واضحة، حاول توضح المشكلة في أية
أولاً الكنترول لو باظ لا قدر الله بيتغير مع طقم الكونتاكت والعربية بتشتغل تمام بحوالي 1500 جنية

ثانياً المفتاح لو مش بيدور الكونتاكت واللمبة الحمراء بتنور وتطفي بسرعة مع فتح الكونتاكت مع عدم القدرة علي تشغيل الموتور يبقي العيب في الشفرة بتاعت المفتاح (ممكن تكون وقعت منه أو باظت) وفي هذه الحالة بيتعمل مفتاح علي العربية بشفرة جديدة عند بتوع المفاتيح المشفرة بـحوالي 150 جنية
ربنا معاك

الحمد لله العربيه اتعملت وشغاله تمام
اخدت الكنترول من اللي كنت سايبه عنده ووديته لو احد تاني اسمه الشيخ عيد في الحرفيين
بس راجل ما شاء الله عليه استاذ وفاهم جدا
فك شفرة الكنترول والعربيه اشتغلت تمام والحمد لله

**mamdouh.raft** · 19-04-2014 10:59 AM

لو سمحت كنت عايز اعرف مكان الشيخ عيد الى فك شفره الكنترول بتاعك عشان انا عندى مشكلة فى عدم تدوير المتور برده وبعد إذنك لو معاك رقم تليفونه عشان اتصل بيه قبل ما اروح له لاننى من المحلة ولحضرتك جزيل الشكر
ولو سمحت تقولى التكلفة كانت فى حدود كام والف شكر لحضرتك