الموضوع: باركولي ....اخيرا بقيت فلوانساوي :)

المشاركة الأصلية كتبت بواسطة medobat

اخواني الكرام
الحمد لله وبعد طول عناء اشتريت امبارح فلوانس 2014 فيراني e3 sr
الحمد لله ربنا موفقنيش في العربيه كسر الزيرو اللي كنت اتكلمت عنها من يومين
فحسيت ان ربنا بيختارلي الاصلح من فضل الله (اصل ان موسوس سيكه :) )
مش عارف احكيلكم عن انطباعي عشان سوقتها من التوكيل للجراج ولسه مركونه هناك و هتفضل مركونه لحد الترخيص

طبعا مش هبطل اسئله
عايز اتاكد من شويه حاجات بعد اذنكم: (انا اشتريت من المصريه علي فكرة)
1- مستلمتش مسامير الاستبن (قالولي هتفك اللي راكب و تستعمله). ايه رأيكم؟
2- مستلمتش دواسات اوريجينال (استلمت دواسات المصريه و غطاء شنطه)
3- قالولي الورق يوم السبت (بعد 4 ايام) الكلام ده منطقي؟

كمان عايز اامن مع شركه محترمه و عايز توصياتكم

واخيرا سعيد جدا عشان بقيت واحد منكم "حمدين صباحي استايل"

مستني ردودكم العظيمه :)

اخى الفاضل
الف الف مبروك لحضرتك و فرحانلك من كل قلبى....ربنا يباركلك فيها و يكفيك شرها
مرحباً بك اخاً فى اسرة رينو
اللون الفيرانى مميز جداً....اختيار رائع للفئة و اللون
بالنسبة لأسئلة حضرتك:
- كل دفعات 2014 مفهاش مسامير استبن و بتستخدم نفس المسامير الموجودة زى اى عربية
-الدواسات الاوريجينال ساعات التوكيل بيديها هدية مع العربية بدل ما يعمل خصم و لكن مش دايماً بيديها....حسب البيعة و حسب متاح و لا لأ
-انا لما استلمت الورق جه بعد اكتر من اسبوع....اربع ايام ده كويس جداً
- التأمين هسيب الرجالة يردوا على النقطة دى لأنى مش خبير فيها

الف مبروك مرة اخرى و فرحانين ليك كلنا
تحياتى

الف مليون مبروووووووووك
عمري ماشوفت حد اشتري العربية دي وندم
ربنا يعطيك خيرها ويكفيك شرها

المشاركة الأصلية كتبت بواسطة yasser100

الف مبروك و تدوبها فى حياتك :) , انا لسه برضه مستلمها من 10 ايام من القرش بس الورق لما وصل ما كانش معاه ضمان و اتصلت بالتوكيل قال لى الضمان بيبدأ من اول استلامك للعربيه و خدوا رقم الشاسيه و ادانى كود الكاسيت و قال لى الضمان 100000 كم او 3 سنين بس ما فيش حاجه مكتوبه خدتها مش عارف هل فيه حد استلم ضمان مكتوب ؟ احسن شركة تأمين مصر للتأمين علشان حكومه و مضمونه زى البنك الاهلى كده , انا مش باحب التأمين بس علشان ظروف البلد عملته

ياسر باشا الكبير

فعلاً مفيش حاجة مكتوبة بالنسبة للضمان
الضمان بيتفعل على السيستم فى التوكيل من ساعة استلامك العربية و لمدة 3 سنوات او 100 الف كيلو ايهما اقرب

تحياتى ياسر بيه