الموضوع: فتيس الاوبترا المانيول و وداعا للمشكلات .

الاول مسااااااااااااااء الخير

انا كنت ماشي علي الصحراوي و مرة واحده الغيارات قفشت و العربية مش بتاخد اي غيار نهائيا . وقفت العربية و نزلت ابص تحتها مش لقيت حاجه انا قلت الفتيس اتخبط او الكارتيرة نزلت الزيت . المهم مش لقيت حاجه كلمت الميكانيكي المبجل و قالي هات العربية علي غيار الرابع او الخامس و طبعا الغيارات كانت مش بتيجي الا و العربية واقفة فكلت السكة كدا لحد اسكندرية و طبعا الاسطوانه راحت في داهية و الحمد لله المهم روحت عند الميكانيكي فك الفتيس كله و قالي لا اشتري فتيس قلت له اسال علي سعره لقيته مولع نار عامل اكثر من 2500 جنيه انا قلت له لا اتصرف و حاول و كده المهم قعد يومين يحاول و قالي هاتلي مجموعة الخامس روحت جبتهالوا و ركبها و كلفني 1000 جنيه .

بعد 3 اسابيع الفتيس لقيته بيلخبط و خارب الدنيا فقلت لا انا همشي بالعربية كده .

بالصدفة رايح ازور اهلي في البلد واحد حبيبي قالي انته علاج المشكله دي عندي خدني في ورشة عند ناس حبايبة لقيتهم ناس تماااااااااااااااااام الراجل نزل و جرب معايا العربية و قالي ثواني نزل واحد من طرفة حل وش الفتيس الخارجي و العربية راكنه و غير تيلة ماسكة ترس الخامس ب 50 جنيه و بس و قالي جرب لقيت العربية تمام .

المفاجئة بقا اني لقيت عندهم شجر فتيسات من بتاعت الاوبترا بيركبوها بالضمان و تكاد تكون جديده و تخيلو بكام ب 800 شامل تغيير الاويسيلات و جوانات الفتيس تخيلو شامل كل المصناعيات


اللي يغيظ بقا انك لما تنزل الفتيس و تركب الفتيس الاستيراد من عند اي حد في الاسكندرية و يطلع بايظ يشتغلك و يقولك لا مش بتاعنا و يقولك اصبر الورة هتروح و كله من غير ضمان



الخلاصه اي حد عنده مشكلة في فتيس اوبترا مانيوال يكلمني و انا اساعده

ياريت تقولى العنوان ورقم التليفون لان الفتيس بتاع الاوبترا عندى فيه مشكله لان الثانى بيفصل وحده