suran vs sx4 vs terios vs matrix vs avanza

**gemaiy** · 30-09-2008 04:06 PM

عايزين نعمل مقارنة بين العربيات ديه اللى هيه :

1- فولكس فاجن سوران 1.6 مانيوال 100000

2-سوزوكى 1.6sx4 مانيوال 103000

3- دايهاتسو تيريوس 1.5 مانيوال 114500

4-هيونداى ماتريكس 1.6 مانيوال 93000

5-تويوتا أفانزا 1.5 مانيوال 104000

وتكون هذه المقارنة على اساس القوة والاداء والراحة بغض النظر عن التوكيل من حيث كونه جيد او سئ وبغض النظر ايضا عن اسعار قطع الغيار وتوافرها بالاسواق

يعنى مقارنة بين العربيات العربيات بس

والف الف شكر ومستنى ردودكم يا خبراء نايل موتورز

**gemaiy** · 30-09-2008 04:15 PM

انا رأيى المتواضع فولكس سوران

العربية دى جميلة اوى بجد قوية جدا ، شكلها رائع ، رغم انها تقفيل ارجنتينى ( ايوه فعلا ارجنتينى مش برازيلى انا قرأت كده فى الويكيبديا ) لكنها مكونات المانية قوية جدا ومريحة وواسعة من جوة والشنطة كبيييييرة وتقفيلها حلو

تحس انها حاجة نظيفة قوى كده

ده رأيى مياريت تردوا عليا واذا كنت غلطان ( لان انا خبرتى قليلة جدا فى العربيات ) تقولوا ارائكم

وشكرا

**gemaiy** · 01-10-2008 12:39 PM

يا جاعة فين الردود والاراء القيمة

هى المقارنة مش كويسة او غير واقعية ولا العربيات ملهاش علاقة ببعض ولا ايه ؟؟؟؟!!!!!!!!!!!!!!!

متهيألى انها كلها من فئة mini mpv station

فئة السيارات العائلية الصغيرة الرياضية

والرنج السعرى متقارب جدا فى حدود ال 100 الف

لو حد عنده اى رأى تانى ياريت يقوله

**Nile_Storm** · 01-10-2008 12:42 PM

رايي يا تيريوس يا ماتركس

لاني حطيت عامل اعاده البيع و سهوله التصليح خارج التوكيل

**Hosam_Optrawy** · 01-10-2008 12:48 PM

دايهاتسو تيريوس

**anamina_minaana** · 04-10-2008 07:48 AM

sx4 ثابته وزي العسل وكماليتها اعلي من كل دول والتيريوس سيئه ومسمينها القلابه بتقلب بسهوله اوي والله انا اعرف واحد قلب بيها علي مطب عادي في الشارع !!! تكييفها ضعيف جدا فانا رايي ال sx4

**M!NA** · 04-10-2008 10:17 AM

السوران تحفة طبعا ... و الفولكس مش محتاج أقولك ثباته عامل ازاي لحد 160 و 170 كمان...

بس للأسف هتضطر تصلح في التوكيل بس... و قطع غيار غالية جدا

التيريوس في رأيي أفضل اختيار لأنها من فئة الجيب الصغيرة...

عربية دفع خلفي و قوية و تتحمل شوارعنا و طرقنا... و سعر اعادة بيعها كويس جدا

**م.محمد شافعي** · 04-10-2008 07:00 PM

السلام عليكم ورحمة الله و بركاته
انا رايي ان التيريوس عربيه جيده جدا و طبعا هي زي ما قال اخونا العزيز سيارة دفع رباعي و طبعا موضوع قلابه ده للتيريوس القديم مش الشكل الجديد و العربيه للعلم حاصله طبقا لتقييم مجلهانجليزيه متخصصه في السيارات علي افضل سيارة دفع رباعي مدمجه يعني هي تفوقت علي كل السيارات المذكوره اعلاه في هذا التقييم.
ولكن هناك ملاحظه مهه جدا اني مجربتش غير التيريوس و علي الاساس ده حكمت عليها وهو ما ارجوه من كل الاخوه المشاركين انهم لا يحكمو علي اي سياره بدون تجربتها و لا يحكمو علي السياره من موديل سابق
ملاحظه اخري انني لا اعتقد ان الماتريكس تصلح للدخول مع كل هذه السيارات للفارق الكبير بينها و بينهم و لتجربه شخصيه مع الماتريكس و السياره خارجيا تدخل مع هذه الفئه من السيارات و لكن قدراتها هيا قدرات سيدان عاديه جدا و ايضا اعتمادية السياره وتحملها لا يقارن بالسيارات الاخري فهي لا تصل للمقارنه في هذه الفئه الا لمن يبحث عن الشكالخارجي و السعر الرخيص فقط مقارنة مع شبيهاتها.
اخر شئ انا بدعو اي واحد انه يجرب قيادة التيريوس الشكل الجديد علي سرعة 150 و 160 و يستمتع بقيادة سياره جيب مدمجه عائليه متزنه بما يناسب فئتها.