الموضوع: لانوس ولا فيرنا

المشاركة الأصلية كتبت بواسطة mmamdouh

اللانوس افضل من الفرنا...

و الاتنين افضل من اى عربية صينى... الا اذا كانت ناوى تحتفظ بالعربية 3 شهور فقط و تبيعها بعد كدة هنا ممكن تفكر فى الصينى

اللانوس تتفوق فى الثبات و الفرامل... اه الاتنين فراملهم زفت لكن الفرنا رايحة فى 60 داهية و عن تجربة عملية

اذا كان الناس بتعتبر ان موتور الفرنا القوى ميزة فيها انا بعتبرة اخطر عيب... ايه معنى انك تركب عربية بموتور عفى و انت معندكش فرامل توقفك ولا عفشة تخلليك تعرف تسيطر على العربية و تناور بيها على سرعة عالية؟؟؟

اللانوس كمان تتفوق فى الوسع الداخلى... مع ان الاتنين نفس الحجم تقريبا بس الفرنا ديقة من جوة

الشكل الخارجى مسالة اذواق بس انا شايف ان اللانوس احلى بكتير... الفرنا مربعة و خطوطها حادة زى متكون فيات قديمة و متقيفة

قطع الغيار و اعادة البيع اخر حاجة تشغلك... الاتنين من اسهل العربيات فى اعادة البيع و سهولة الصيانة و توافر قطع الغيار بسعر رخيص و لو جبت الاصلى العربية هتعمر معاك كتيييير

دا طبعا عكس الصينى اللى فى خلال اول 10 الاف كيلو هتلاقى نص الكماليات اللى انت اشتريت العربية عشانها باظت و نص مكونات العربية الاساسية باظت... و الاظرف لما تشترى قطع غيار التاجر هيديك قطعة غيار صينى و انت مش هتبقى عارف دى اصلية ولا مضروبة... مهو كلة صينى

mmamdouh

الف شكر على الافاده
فعلاً فرامل الفيرنا زفت وانا مجربها قبل كده لأني معايا فيفا حالياً وحبيعها واجيب جديد
فمحتار ما بين اللي الفيرنا اللي انا مجربها وبين أي حاجه تانية سواء لانوس او لوجان او سانديرو
لانهم قريبين كلهم من بعض في السعر

المشاركة الأصلية كتبت بواسطة aboomar22

بى واى دى عربية جميلة اوكبها تاكسى وشوف وسعها وراحتها وعفشتها واسال عليها السواق وشوف هيشكر فيها ازاى

مشكور أبو عمر
وحسأل عنها بس اهم حاجة في الصيني التوكيل عشان الضمان

لو هاتشتريها دايو مستعملة استعمال راقى يبقى هات لانوس لو هتجيب زيرو هات فيرنا لان لانوس 2014 بقت شخليلة

المشاركة الأصلية كتبت بواسطة mhi00002000

لو هاتشتريها دايو مستعملة استعمال راقى يبقى هات لانوس لو هتجيب زيرو هات فيرنا لان لانوس 2014 بقت شخليلة

والله التقفيل المصري كله بئه شخليلة
بس احنا بندور على اللي شخاليلها اقل

المشاركة الأصلية كتبت بواسطة mahmoud_eng85

لو هتجيب زيرو ... رأيي حرام تدفع في لانوس او فيرنا او حتى اي عربية صيني زيرو لو تقدر تصبر وتزود مبلغك او تدفع اللى معاك مقدم وتقسط الباقي على سنتين تلاتة هاتلك بيجو 301 ولا نيسان صني ولا سي ايليزيه عربيات زيرو ويبان عليها الزيرو ... لكن لو امكانياتك متجبش غير اللانوس او الفيرنا ... هات لانوس .... ده رأيي المتواضع

ا/ محمود العربيات اللي حضرتك بتتكلم فيها جميلة ونفسي فيها خصوصاً الستروين اليزية لانها روعة بس للأسف ملهاش سعر بيع سواء الستروين او البيجو او الصني خصوصاً أني مش بئني عربية يعني انا مضطر اني اغير كل 5 سنوات لظروف عملي

لكن انا لو بشتري عربية العمر كله كنت ممكن افكر في حاجه منهم
لكن كده يدوب اخلص قسطها يبقى دفعت فيها 20 الف مثلاً زياده وبعدين ابيعها بسعر بخس عشان ملهاش سوق فاللي حيطلع مقدرش اشتري بيه عربية تانية فحرجع احطه مقدمة وادفع أقساط والف في نفس الدايرة تاني
لكن انا دلوقتي معايا فيفا 2008 التقفيل الهندي وعايز ابيع ومخسرتش كتير لاني حبيع بـ50 وكنت شاري بـ 62 وركبت العربية 5 سنين ونص

لو فكرت في اعلى من كده ممكن اروح لحاجه شعبي بردوا يعني افيو او اوبترا عشان اعرف ابيعها بعد 5 سنين