لمالكي استرا انجوي ٢٠١٤ عاجل

**superdry90** · 04-03-2014 10:00 PM

يا جماعة انا لسه جايب استرا انجوي ٢٠١٤ . دلوقتي السماع تين الي في البابين الي ورا مش شغالين و جربت كذا عربية انجوي ٢٠١٤ برده مش شغالين فقط الي قدام هما الي بيطلعوا صوت مع التويترات الي في التابلوه. حتي المفروض الزرار الي اسمه fader الي بيقسم الصوت ما بين قدام و ورا مش نازل في الاختيارات علي الشاشة . كل ده في انجوي ٢٠١٤ . في انجوي ٢٠١٣ السماعات شغالة عادي و الزرار نازل في الاختيارات. ازاي يكونوا شالوا السماعات الورا في ٢٠١٤ و هل ممكن في التاريخ عربية يكون مجهزة بسماعات يعني السماعات موجودة بس مش متوصلة؟؟؟ ازاي منصور يعمل حاجة زي كده و بعدين لو هو عايز يوفر و يشيل السماعات الي ورا كان أولي منزلهمش اصلا مش ينزلهم و ميشغلهمش. كل الان جوي ٢٠١٤ السماعات الورا موجودة بس مش شغالة .حد معاه انجوي ٢٠١٤ يفهمني و ايه الشكوي الي ممكن تحصل في الحكاية دي . ساعدوني لو سمحتوا.و هل ممكن لو هما نازلين منظر بس اروح اشغلهم عند اي حد بتاع كاسيت ولا كده تخرج من الضمان ازاي عربية زي دي تنزل بسماعتين بس شغالين !!!!! يعني مش بس شابلين السنسور الخلفي لا و كمان سماعتين بس ؟!!!!!

**Abdo Taha** · 04-03-2014 10:30 PM

ازاي كده ؟ انا لو منك اروح التوكيل ابهدلهم و اخليهم يشغلوها و لو مرضيوش يبقى اطلع على حد يعملهالك بس انت متأكد ان السماعات موجودة من ورا عازل الباب و لا مفيش سماعات من اصله

**Mohab555** · 05-03-2014 12:16 AM

ياباشا حضرتك الموضوع و مافيه ان العربيات الجديده بتنزل بسيستم صوت جديد Audio 5.1 و ده بيشتغل ان كل سماعه ليها وظيفه غير التانيه يعنى الى 2 الى قدام صوت ..و ال 2 الى وار تريبل و بيز خفيف و هكذا ... عندى نفس الكلام فى ريو 2013