مشكلة رعشة دريكسيون وطقة عند العجلة الشمال فى سيتى 2009

**Totti999** · 05-03-2014 09:25 PM

المشاركة الأصلية كتبت بواسطة kokowasfy

بخصوص الطقى الى بتسمعها اعرض العربية على عفشجى محترم هيقولك اية فيها ولبنسبة للرعشة دى غالبا قواعد متوور

محدش يعرف عفشجي محترم يكون حنين وفاهم كويس لاني بصراحه كل واحد اروحله يقعد يفتي ويحسسك انه خبير وهو اصلا بطيخه وياخد فلوس والمشكله متتحلش علشان كده مش عايز اروح لحد معرفوش علشان ميفتحش شغل ويقعد يشتغلني

**Totti999** · 05-03-2014 09:28 PM

المشاركة الأصلية كتبت بواسطة janarad

قواعد الموتور بتبان اول ما تدور العربية .. لو العربية رعشت و انت بتدور تبقى قواعد موتور .. و لو بتحس الفتيش بيتحرك تحت ايديك و انت بتزود بنزين اثناء المشى يبقى قواعد موتور بردو .

انا معنديش الرعشه ديه وهي واقفه ولا الفتيس بيرعش تحت ايدي وهي واقفه

**Totti999** · 05-03-2014 09:39 PM

انا عندي مشكله في الدريكسيون بتاع السيتي 2009 لما بلف الدريكسيون سنه يمين و سنه شمال كذه مره بسرعه ورا بعض والعربيه واقفه بسمع صوت تخبيط جاي من تحت رجلي ومسمع في الطاره وواضح جدا ولما بصيت عليها من تحت الصوت مسمع في البارات وعلبة الدريكسيون بس الصوت مش واضح زي مابسمعوه من جوه العربيه وده ماثر شويه في مشي العربيه في الشوارع المكسره و للعلم الذوايا مظبوطه بس معرفش ليه بعد مبظبط الذوايا حتى لو كانت في التوكيل بلاقي الطاره مايله شمال مش عدله في الطرق الطوالي .. وربط الرجلاش بس تقل الدريكسيون ومحلش المشكله فرجعته تاني .. ورحت التوكيل كذه مره وقالولي ام ده العادي في كل العربيات الهوندا ... ممكن تكون دي المشكله

**janarad** · 05-03-2014 10:13 PM

المشاركة الأصلية كتبت بواسطة totti999

محدش يعرف عفشجي محترم يكون حنين وفاهم كويس لاني بصراحه كل واحد اروحله يقعد يفتي ويحسسك انه خبير وهو اصلا بطيخه وياخد فلوس والمشكله متتحلش علشان كده مش عايز اروح لحد معرفوش علشان ميفتحش شغل ويقعد يشتغلني

ما تتعبش نفسك كتير .. ادخل اى بنزينة و قولهم عايز اكشف على العفشة ... ها يقولك العفشة فيها ايه بكل امانة لانه مش بيصلح عفشة فا مش ها يعمل عليك شغل .. ها تدفع 5 او 10 جنيه كشف و تبقى عرفت عيوب عفشتك .

**janarad** · 05-03-2014 10:14 PM

المشاركة الأصلية كتبت بواسطة Totti999

انا معنديش الرعشه ديه وهي واقفه ولا الفتيس بيرعش تحت ايدي وهي واقفه

قواعد موتور سليمة

**janarad** · 05-03-2014 10:21 PM

المشاركة الأصلية كتبت بواسطة totti999

انا عندي مشكله في الدريكسيون بتاع السيتي 2009 لما بلف الدريكسيون سنه يمين و سنه شمال كذه مره بسرعه ورا بعض والعربيه واقفه بسمع صوت تخبيط جاي من تحت رجلي ومسمع في الطاره وواضح جدا ولما بصيت عليها من تحت الصوت مسمع في البارات وعلبة الدريكسيون بس الصوت مش واضح زي مابسمعوه من جوه العربيه وده ماثر شويه في مشي العربيه في الشوارع المكسره و للعلم الذوايا مظبوطه بس معرفش ليه بعد مبظبط الذوايا حتى لو كانت في التوكيل بلاقي الطاره مايله شمال مش عدله في الطرق الطوالي .. وربط الرجلاش بس تقل الدريكسيون ومحلش المشكله فرجعته تاني .. ورحت التوكيل كذه مره وقالولي ام ده العادي في كل العربيات الهوندا ... ممكن تكون دي المشكله

الصوت دا اللى فى الدركسيون حاجة من اتنين ... يا اما بيضات طرف عايزة تتغير او تتكبس ( لو عفشجى شاطر بيدق علي ضهرهم دقة خفيفة يخلى البيضة من جوة تشحط فى التيفلون و تضيع البوش اللى بيعمل الصوت ده ) و ممكن يكون دراعات الاسكاترا خفيفة عايزة تتغير .. الدراعات ممكن تصبر عليها شوية بس البيضات ما تصبرش عليها و لو احتاجت تغيير غيرها علشان ما تتخلعش منك و انت ماشى لاقدر الله ... اما حكاية ظبط طارة الدركسيون فى النص دى فا دا و انت بتظبط زوايا قول للراجل بتاع الزوايا سنترلى الطارة ها يعملهالك فى دقيقيتن ... و بعدين مش كل حاجة تسمعها فى التوكيل بتبقى صح .. فيهم ناس كتيرما كملتش تعليمها .. عن تجارب كتير مش تجربة واحدة .