مشكلة رعشة دريكسيون وطقة عند العجلة الشمال فى سيتى 2009

**Totti999** · 04-03-2014 10:38 PM

احسن رجاله في الدنيا الي انا دايما بستفيد منهم عندي مشاكل بسيطه في عربيه سيتي 2009

انا بسمع صوت طقه لما العجله الشمال بتنزل في حفره وانا ماشي على اي سرعه حتى لو كنت مش عميقه وناحية العجله التانيه مش بسمع اي صوت لما بتنزل في حفره

وبرضه عندي مشكله تانيه اني بحس ان فيه رعشه في الدريكسيون علي اي سرعه بس وهي واقفه مفيش الرعشه دي مع اني مرصص كذه مره واخرهم في بريدج ستون ممكن يكون حلها ايه

تم تعديل العنوان ليتناسب مع المحتوى
م ب 4

**janarad** · 04-03-2014 11:41 PM

بكل ثقة .. جلب مقصات .... كان عندى نفس المشكلة ف النوبيرا لحد اسبوعين فاتوا .

**aw2100** · 04-03-2014 11:47 PM

كده فية عندك كوبلن داخلى بايظ هو اللى بيعمل الرعشة مع المشى وممكن الطقة كمان !!

**tameem2010** · 05-03-2014 12:19 AM

على فكرة الطقة ديه ممكن تكون تيل فرامل او جلب مقصات

**simon659** · 05-03-2014 02:23 AM

وغير ده كلو في بتاعه بلستك كده المساعد بيتفك وبتتركب من جوه الياي بتبقه عمله زي الكوبايه كده حديد علي جلد الي انت بتشوفها في حوض العربيه والموضوع ده اكييييييييييييد

**Totti999** · 05-03-2014 11:05 AM

انا بخمن انها ممكن تكون من ناحية تيل فرامل علشان لما بدوس فرامل بسمع بردو طقه لما برجع لورا مع ان التيل لسه جديد

**janarad** · 05-03-2014 07:58 PM

المشاركة الأصلية كتبت بواسطة totti999

انا بخمن انها ممكن تكون من ناحية تيل فرامل علشان لما بدوس فرامل بسمع بردو طقه لما برجع لورا مع ان التيل لسه جديد

صدقنى جلب مقصات ... عملت معايا كدة فى النوبيرا ... طقة مع الفرامل و المطبات و غربة بعد ال 120 ... مع انى رصصت مرتين .. الفكرة انك لما بتدوس فرامل العربية بتنزل لقدام فا بتعمل نفس تاثير المطب على الجلب .. شيك على جلب المقاصات الاول قبل ما تعمل اى شغل ..غير كدة تيل الفرامل ما يعملش رعشة فى العربية و انت بتجرى

**janarad** · 05-03-2014 08:00 PM

المشاركة الأصلية كتبت بواسطة simon659

وغير ده كلو في بتاعه بلستك كده المساعد بيتفك وبتتركب من جوه الياي بتبقه عمله زي الكوبايه كده حديد علي جلد الي انت بتشوفها في حوض العربيه والموضوع ده اكييييييييييييد

انت قصدك البطاحات ... البطاحات تخبط معاك بردو بس ما تعملش رعشة فى الجرى ... تخبط معاك و تمسع طقة بالذات لما تلف الدركيسون

**janarad** · 05-03-2014 08:05 PM

المشاركة الأصلية كتبت بواسطة kokowasfy

بخصوص الطقى الى بتسمعها اعرض العربية على عفشجى محترم هيقولك اية فيها ولبنسبة للرعشة دى غالبا قواعد متوور

قواعد الموتور بتبان اول ما تدور العربية .. لو العربية رعشت و انت بتدور تبقى قواعد موتور .. و لو بتحس الفتيش بيتحرك تحت ايديك و انت بتزود بنزين اثناء المشى يبقى قواعد موتور بردو .