عارف اكتر حاجة تضايق هنا؟ ان دايموند المتخلفين منزلين فئة من الشارك فاضية خااااالص علشان ينزلوا سعرها وبالتالي نلاقي مقارنات من النوع ده... انا مش بلوم الاخ الفاضل صاحب الموضوع طبعا ولا اعوذ بالله بسخر من البيجو... لا والله بس فعلا يعني مينفعش الـ301 تتقارن بشارك!!!
عموما وبسبب ان الاتنين في الحالة دي سعرهم يكاد يكون واحد، فانا على عيني اقولك متخترش الشارك بس برضه مش حابب ابدا لحضرتك تركبها فاضية كده لا abs ولا جنوط ولا فوجات ولا اي حاجة!!! وبقول على عيني لأن الشارك الفاضية خالص دي تكتسح البيجو اكتساحا لو اتكلمنا بقى في 1. صالون اوسع 2. موتور افضل 3. فتيس قمة في الاعتمادية رغم تقليديته 4. تقفيل وخامات افضل 5. تعليق افضل بمراحل، وبالتالي ثبات اعلى وراحة اكبر وعدم تنطيط مع مطبات الهوا والحاجات دي...
مش عارف... بس اتمنى انك يا اما تستنى شوية وتجيب شارك فيها abs، يا اما تقسط مبلغ متبقي وتجيب شارك فئة اعلى (ويا سلام لو الهاي لاين)، يا اما تتوكل على الله وتخش في البيجو واهي عربية عاملة شغل كويس لحد دلوقتي وهتكون اعلى فئة وفيها وسائل الامان المطلوبة وملاكها بيشكروا فيها...
واستخير ربنا طبعا قبل ما تقرر!!
المفضلات