الموضوع: لانسر شارك اول فئة ولا بيجو 301 هاى لاين محتاج خبرتكم

المشاركة الأصلية كتبت بواسطة Dr_Smart

ربنا ييسرلك في اللي فيه الخير
كنت عايز اوضح نقطه بس انا بالتاكيد ماكنتش بقارن بين الفيرنا والبيجو ومفيش مجال للمقارنة عشان يبدو ان كلامي اتفهم غلط
والحقيقة انا ماركبتش ال٣٠١ ومعلوماتي عنها من نايل موتورز فقط
ولكن .. ليا تجربتين مع ٣٠٧ و ٢٠٦ والاتنين أسوأ من بعض ... مع العلم ان الاتنين فرنسي ١٠٠٪ مش مكونات او تقفيل دولة اخرى ... ركوبة وامان واوبشنز ممتاز ... لكن اعتمادية مفيش .. وفتيس اوتوماتيك سيء باظ بعد ٨٠ الف كيلو .. ده طبعا غير اسعار قطع الغيار وتوفرها

العربيات الياباني والكوري احسن في مصر من الفرنسي .. العربية الفرنسي الوحيدة اللي بره القاعده دي الفلوينس .. وهي ايضا هجين بين مكونات وتكنولوجيا نيسان اليابانية وسامسونج الكورية

انا مش خبير ولكن بنقل تجربتي ووجهة نظري وربنا ييسرلك الخير

كلامك بالنسبة لل206 من ناحية قطع الغيار مضبوط 100%
و عن تجربة كانت مطلعة عيني
أنا كنت راكبها مانيوال فمقدرش أحكم على اﻷوتو
لكن بالنسبة لﻹعتمادية أختلف معاك
البيجو عمرها مخذلتني إلا لو ودتها لصنايعي مبيعرفش يشتغل فيها
و ده حال اﻷوروبي كله....تحترمه و تصينه فالتوكيل أو مركز خدمة محترم يديلك
تديها لصنايعي نص كم....الدنيا هتخرب و هتفتح بقها و مش هتعرف تسد عليها
و أكبر دليل على إعتمادية البيجو ....ال504
بتجري فالشوارع من السبيعينيات و محدش أشتكى منها
فموضوع التعميم بأن الفرنسي غير إعتمادي و الياباني أفضل
برضه أظنه مش دقيق

طب ليه بعد الدوخة مع ال206 في قطع الغيار رحت أشتريت بيجو تاني؟؟؟؟
اﻹجابة
ﻷن ال301 تختلف
دي عربية موجهة للدول النامية و في فئة سعرية منخفضة نسبيا
فمشكلة توفر قطع الغيار إن شاء الله محلولة بسبب إنتشار العربية
و ده اللي الناس توقعته...و حدث بالفعل
العربية في إنتشار يوم بعد يوم
و حجزها بال4 شهور

نقطة إعتمادية ال301 أو الحكم عليها زي مانت فلت
لسه بدري
بس اللي بياخد وش القفص هو اللي بيككسب أو يخسر
لو حققت نجاح.....هتكسب ﻷن موديلاتها الجديدة سعرها هيزيد و هتلاقي عربيتك سعرها زاد جدا
و العكس صحيح
no risk no fun
و شوف اللوجان نزلت بكام و دلةقت بكام
ال301 مكملتش سنة و المانيوال زادت 2000 جنيه
و أتوقع باقي الفئات هتزيد قريب
لكن لو أنت من النوع التقليدي و عايز عربية مهروسة فالسوق يبقى عليك و على البومة
تحياتي