الموضوع: تجربة سفر بالرائعة رينو فلوانس

فيما بعد ال 1000 كيلو بالفلوانس فيس ليفت
قصة العودة بالفلوانس في ظروف ألامطار والشبورة
من اسيوط الى القاهرة
في صباح يوم ألاحد في تمام الساعه السابعه صباحا
وإذ بالامطار الغزيرة في أسيوط وانا لسه بقول ياهادي
المهم جمدت قلبي وتوكلت على الله
لغايت ماطلعت على الطريق الصحراوي الشرقي (( ط الجيش )) . ؟
والامطار شغاله وشبورة ضخمه ومش شايف على بعد 10 امتار
والمساحات مش عامله حاجة والاقي الناس ماسكة اليمين ومشغله الانتظار
والناس اللي معايا مرعوبين وبيقولو ياريتنا كنا سافرنا بكرة أو بعده
المهم أفتكر كلام أخونا م هاني meggiboy
ان الفلوانس فيها سخانات مرايات
وفجأة بعد ماكنت مش شايف نهائي
أشغل السخانات ألاقي
سحر إتعمل
الطريق جميل ومافيش تكثيف نهائي والرؤية ممتعه وإني الوحيد اللي سايق بسرعه
وكل اللي معايا قالو العربية دي حلال كل قرش إتدفع فيها
هو في كده يافلوانس ؟؟؟؟
الى ان وصلت لقاهرة المعز قبل الظهيرة
_________________________________

بعد ما رجعت امبارح
نزلت النهاردة الصبح شغل فالعاشر من رمضان
ودايما بخرج من م نصر الى طريق السويس ومن ثم الرحاب ومدينتي وبدخل مدخل الشروق الى طريق الاسماعيلية الى العاشر من رمضان
متوسط السرعه 140 -160
الاقي نفسي طاير بالعربية عشان الحق المعاد وبتخطي بشكل جنوني إلا أن توهت ولقيت نفسي فمدخل مدينة بدر
الفلوانس سحرتني فتوهتني
انا يمكن رحت المشوار ده بالصني 100 مرة ومتوهتش عن الدخله ماعدا النهاردة
المهم من بعدها دخلت مدخل بدر أخدت طريق الروبيكي الى العاشر
وفي العودة
متوسط السرعه 150 -160 واتحطيت فموقف صعب لكن فرامل السيارة أسعفتني بجد
العربية التحكم في فراملها ممتاز ولا تؤثر فراملها في إتزانها
اخدت وصله الفريق سعد الشاذلي ومنها الى الدائري ثم زهراء م نصر
وفي أأقل من 45 دقيقة كنت بالمنزل
وراجع فريش مش متكسر وفاستعداد أنزل تاني وثالث طالما الفلوانس تحت البيت
ااّحبيبتي يافلوانس :d

المشاركة الأصلية كتبت بواسطة ramymechanics

معلش يا جماعة انا مفهمتش موضوع سخانات المرايات دة ممكن حد يبسطه شوية بيشتغل ازاى ؟؟ ولو فى تكثيف عالازاز القدام واللى ورا اشيله ازاى لحسن انا اتعذبت فالموضوع دة ؟؟

معلش ياعمو رامي
غبت عليك فالاجابة
في السطر الثاني فالتكييف
فالنص علامة فالوسط من اليمين قبل مفتاح max على طول
هتدوس عليه وفثواني مش هتشوف التكثيف اللي فالازاز نهائي