كلام سليم بس لحد ما الخاطب يكتشف ان جمالها خارجى فقط
عرض للطباعة
المفترض حضرتك اللي تحاوبي السؤال ده مش احنا..
البنات بتحب حو الجيمز واللف والدوران
انما لو حد عجبها الصح اصلا انها تصرحله بده سواء باسلوب مباشر او غير مباشر
والاغالبيه من الشباب بيقدروا البنت اللي بتحسس بقيمتهم.. بس البنات عندنا يحبوا اللوع وان الولاد هم اللي يجروا وراها وهي مش علي بالها
المبادئ ما بتتجزأش و من ساعه ما وعيت ع الدنيا وانا فعلا اعرف ان القفه ان ودنين يشيلوها اتنين و مسيرك تقع في ناس من النوعيه دي.
اعرف اهالي كتير بيتعاملوا بالمبدأ دا و يارتهم بيلاقوا اللي يراعي
اما بالنسبه لموضوع العربيه بتكلم عن البنت اللي عندها عربيه مش الولد
و الله انا كمان عارف ان القفه ام ودنين يشيلوها اتنين بس المشكله مش فينا احنا المشكله فاللى علمونا ده بس نسيوه
اللى يغيظ فعلا ان لما تلاقى العريس محترم اوى تلاقى الأهل .... و لما تلاقى الأهل محترمين يطلع العريس .......
انا عارف ان الكلام عن البنت بس انا اول مره اسمع الكلام ده بالعكس دا الواحد ما بيصدق مراته تكون عندها عربيه علشان بتريح كتير اوى
ينفعو مينفعوش ليه .. اصل البنات الحلوين بيتخطبو فى الكليات انما الوحشين بيكونو معاهم وظيفه ومش لاقيين حد او الاقبال عليهم مش زى الحلوين وبرضو زى ما قولتى ان الجمال والقبح مش المقياس علشان فى حاجات تانيه كتير مهمه من اخلاق وتربيه وغيره .. الخ
انما بالنسبه انهم حلوين وبيشتغلو ومش لاقيين حد يبقى ده شىء غير طبيعى الصراحه .. ولو مفيش حد انا موجود :grin21:
بصى يا دكتوره انا قبل ما اجيب عربيه اترفضت علشان معنديش عربيه
واترفضت علشان هجيب شقه 90 متر(فى العبور)
واترفضت علشان شغال قطاع خاص ومليش معاش
واترفضت علشان مرتبى 2000 جنيه (من سنه)انتو مش غرب يعنى احنا اخوات وبنفضفض
كل انسان وليه تفكيره بس صدقينى زى ما شيكو قال فى حاجات كتير اوى بنفهمها و الاهل بيفهموها متاخر جدا
يعنى مع الوقت بتزيد التنازلات اللى بتفضل بردو مع مرور الوقت غير مرضيه
ومتزعليش منى البنات فى سن 20-25 هما اللى بيعقدونا بتبقى البنت تفكيرها بالظبط كده
1- عاوزه عريس يجبلى شبكه زى منى صاحبتى
2- عاوزه عريس يجبلى شقه زى سعاد صاحبتى
3- عاوزه عريس يجبلى كل شويه ورد وشكولاته وهدايا زى امال صاحبتى
4- عاوزه عريس يعملى فرح زى هدى بنت خالتى
5- عاوزه عريس يكون ظابط زى ايمان بنت عمى
6- عاوزه عريس معاه عربيه زى سهام بنت صاحبه ماما
7-عاوزه عريس يكون كيوت وامور زى منال صاحبتى
8- عاوزه عريس يكون دمو خفيف زى فتحيه بنت البقال
9- عاوزاه يكون راجل زى بابا
10-............
11-............
12-13-14-15
زكملى انتى عد علشان تعبت
مش عيب ولا حرم انها تحلم
بس الحرام اللى بجد انها تبقى عاوزه كل ده فى شاب واحد ونسيت ان الكمال لله وحده
ونصيحه من شاب بلاش تفكرى كتير فى موضوع انك تتقدمى صريحه كده لحد ومش هقولك هتنزلى من نظرو بس هقولك ان مبقاش الزمن ده ولا التفكير والعادات دى اللى تخليكى تعملى كده من غير ما تتسببى فى احراج لنفسك
مبدئيا بس انتوا فهمتوا الموضوع غلط انا مافيش حد معجبه بيه عايزة اتقدمله او حتي احسسه باني معجبه بيه. الموضوع كان مناقشة بشكل عام
بالنسبه لموضوع العربيه انا قصدت ان البنت هي اللي عندها عربيه بحس ان الشاب او اهله باصينلها بصه مش مضبوط علي اساس انها مدلعه و مش هتعرف تتحمل مسئوليه بيت.
مش ذنبي او ذنب غيري انك و غيرك كتير وقعتوا في عينات منيله من اللي بتفكر في الماديات بالشكل دا
و في ابهات كتير بيبقوا حنين علي الشباب بس مش علشان بنتهم كبرت في السن ولكن علشان دا اسلوب حياة و طريقه تفكير بس معلش في شباب لما بتلاقي كده بتسوق فيها و بتستسهل
في ابهات قالت الشبكه دي هدية العريس و في ابهات قالت كل حاجه بالنص
و سبحان الله الابهات دي بتقع في ناس جميله ماشاء الله و كل حد انقح من التاني
اترفضت علشان كل ده ؟؟ معلش يا باشا والله انت الكسبان الناس اللى بتفكر كده البعد عنهم غنيمه
المشكله ان الناس بتنسى, الأب مكنش عنده عربيه قبل الجواز ولا شقه 200 م و لا فرش مودرن و لا ......
و المشكله ان حتى لما بيفهموا ده متأخر بيعتقدوا انهم كانوا بيدوروا على مصلحة بنتهم, تخيل !!!
انا مش متفق معاك فالنقاط من 1 لــــ 9 معلش مفيش بنت بتقول كده
هى بتقول عاوزه عريس يجبلى ..... احسن من مش زى ...... صاحبتى ( اصل فلانه صاحبتها مش اجمل منها و لا ارق منها معقوله تقارن نفسها بواحده صاحبتها ولا قريبتها حتى !!!! دا كلام يا رجل
و معلش انا هختلف معاك فالنقطه دى " مش عيب ولا حرام انها تحلم بس الحرام اللى بجد انها تبقى عاوزه كل ده فى شاب واحد" انا شايف ان ده حقها بس امتى ؟! لما تكون هى فيها نفس كل المواصفات اللى الشاب عايزها و تكون اجمل بنت فالكون و احسن بنت فالكون و .... فا يجيلها احسن واحد فالدنيا و طبعا ده مستحيل
و لو كل واحد او واحده يعرف ان الكمال لله و ان الرضا نعمه و ان الرزق بيد الله سبحانه و تعالى و ان الجواز مش بيع و شراء و ان الحياه مش للعب و الفسح و المنظره و ان الغنى ممكن يبقى فقير و ان الفقير ممكن يبقى غنى المشكله دى هتتحل
و اؤيدك بشده و اضيف انه مش هيبقى احراج لا هيبقى فيه شك كمان و اظن الكلام مفهوم و مش محتاج توضيح
احنا عندنا ان كل ما هو جديد فهو غلط
انا شايف بصراحه الموضوع مش ظريف غير لو بتلميحات بسيطه غير كده يبقي مش حلو
انا يعتبر جربت الاتنين شغل تلميحات و نوع تاني بس تلميحات بزياده شويتين تلاته
وبصراحه شغل الزياده حتا لو عجباني الطريقه نفسها مش ظريفه و معجبنيش الموضوع
لأن البنت ذي ما ناس كتير قالوا بيبقي المفروض عندها حياء زياده عن الولد
يعني لو واحده جت تقولي عايزه مثلا اتجوزك بصراحه هتنزل من نظري علشان اقلق من موضوع الجرأه نفسها
اما ان والد بنت يروح يطلب واحد لجواز بنته ديه مافيش مشاكل اوي و برضوا بالطريقه علشان البنت لما تترفض بتبقي اصعب من الولد اللي بيترفض
و بخصوص ان البنات الحلوه بتتخطب بسرعه و الكلام ده مش قاعده
لأن الجواز قسمه و نصيب و ممكن تلاقي فعلا بيجلها عرسان كتير بس مافيش توافق بينهم و الموضوع بيفركش
لما قريت الموضوع من الاول لحد الاخر و كنت عاوز اعلق على مشاركات كتير و خصوصا فيه مشاركات اتكتبت تحس فيها بمشاعر كاتبها و كأنه بيحكى اثناء الموقف مش من مدة فعلى عكس اللى احنا بنحاول نوهم بيه نفسنا ان كان موضوع عدى و اتنسى فده مش حقيقى كل موضوع حصل لحد ترك الم و وجع بيحسه لما بيفتكر الموضوع و انا عن نفسى افتكرت حاجات حصلت ليا جائت بالاحاسيس بتاعتها كمان
على العموم مش هو ده المهم ممكن نتخيل موقف كده ان فيه واحدة اختارت واحد كويس و محترم بس مش مكون نفسه او ظروفه مش و لا بد و فاتحته فى موضوع الجواز و هو طلع ابن حلال و ما استغل الموقف و دماغه ما كنتش شمال و راح يتقدم ليها من اهلها و اتكلموا على التفاصيل و هو قالهم على ظروفه ح يكون طبعا رد الاب طيب ما دام مش جاهز جى ليه؟ ساعتها ح يرد عليه و يقوله اصل بنتك هى اللى عاوزه تتجوزنى؟ و ما اظنش فيه اب دلوقتى غير من رحم ربى يكون عاوز لبنته واحد مستريح علشان يطمن عليها معاه و يدفعه دم قلبه علشان يعرف قيمتها
دي ثقافه عامه في العالم كله .. الراجل هو اللي بيطلب المدام بتاعته .. بس بصور مختلفه من بلد لبلد
مفيش فهم غلط ولا حاجه احنا بنتناقش معاكى وبصفتك بنت بنسالك عن رد فعلك احنا بنحطك فى الموقف بس
وانا بقصد ا فى ناس كتير وبنات كمان حتى لو مقلوهاش صريخه بتبقى فى اولوياتهم ان اللى جاى يتقدم يكون معاه عربيه واكيد انتى سمعتى جمله عندو شقتو وعربيتو
اما البنت اللى راكبه عربيه عادى فى ناس تعتبرها ميزه وناس تعتبرها عيب
انا مقلتش انو زمبك بس انتى جزء من مجتمع لازم كلنا نحاول نغير تفكيرو وعاداتو الغلط
اما موضوع الابهات التتى بتتساهل ده اكيد موجود ومحدش يقدر ينكر ان فى الحلو وفى الوحش بس النسبه كام 10 او 20 % والباقى بيفكر ازاى
لاحظى ان اصلا اختيار الشريك المناسب اللى بيراعى ربنا فى حد زاتو مشكله كبيرة فالواحد بيخلص من عقبه يلاقى حاجز فى وشو
انا واحد من الناس 28 سنه خطبت مره وقريت فاتحه 3 مرات واسباب الانفصال بين الكدب وتغير الشخصيه والبرود والظروف الماديه
انتى تقدرى تقوليلنا شفتى كام حاله من بنات قرايبك او اصدقائك المقربين مكنوش حاطين الاساست الماديه ركيزه فى الاختيارورفضو عرسان بسبب ظروفهم او وظيفتهم ودخلهم الشهرى وكام حد استغنى عنها وتساهل؟؟؟؟
هههههههههههههههههههه انت قتلتنى ضحك لما قلتلى انك مش متفق معايا
هو فى الاول والاخر الحمد لله ده نصيب والواحد ديما يقول يا رب قدملى الخير
اما بخصوص حتت الرضا والفقر والغنى للاسف فى ناس كتير ممكن ترفض شاب محترم علشان فقير وتوافق بشاب بايظ او مدلع او مش كويس علشان غنى ويقولو بكره بعد الجواز ربنا يهديه
هو مش الهادى هو هو الرزاق بردو !!!!!
ياباشا كل الجوازات بتبوظ علشان الفلوس اما خناقه على الشبكه او الموخر او التجهيز او الفرح او القايمه
و اول سؤال انت مرتبك كام؟؟؟
اهم حاجه الماده عند الناس عمرك سمعت عن جوازه اتفشكلت علشان العريس مبيصليش او مش حافظ قرأن او العروسه مش حافظه جزء عم
نادرا الا من رحم ربى
بخصوص التلميحات
فى بنات كتير جدا (بالذات البنات اللى مبتكلمش ولاد وول عمرها وفى حالها ) متقدرش حتي تملح لو حبت حد لان حيائها بيمنعها
وفى بنات متقدرش تلمح عشان مبيحصلش بينها وبين الشاب اللى معجبه بيه اي مواقف مشتركه او معاملات مشتركة
يعني لو واحده حبت ابن الجيران مثلا وهو معروف عنه الاخلاق والاستقامه بس مش معاها فى جامعه ولا شغل هتلمحله ازاي؟ هتعاكسه من البلكونه؟
البنات فى مصر مظلومه جدا والرجاله كمان
لكن البنات اكتر
لانها لازم تتجوز فى سن معينه والا تكون فاتها القطر
والموافقه على العريس مبيكونش فى ايديها لان غالبا اهلها بيتحكمو فيها وهي اصلا بتكون اتربت على انها متخدش قرار حتي في شراء لبسها مابلك قرار مصيري زي الجواز
الموضوع معقد وفى رائي من اخطر مشاكل مصر
محدش بيعرف قيمه الفى ايدو الا لما بيروح منو
لو كل بنت عارفت تحافظ على واحد كان عايزها بجد و فكتها من المظاهر الاختماعيه و الفلوس و الهلس ده كنت الدنيا ظبتط مع ناس كتير
لاكن دلوقتى متقسمه مراحل
من 18 الى 23 فى عز مجدها
من 23 الى 25 بتبدا تقلق
من 25 28 بتبتدى تتنازل
من 28 الى 30 بتتنازل عن حجات كتير من 30 وطالع انسى الموضوع
احنا بقينا فى مجتمع نسبت البنات كتير جدا
ظروف معظم الشباب صعبه
فا البنت بتتنك و الولد ممعهوش فايقولك خلينى فى بيت اهلى اكرملى
انا مثلا لما بشوف مناطق الشعبيه و الريف
بلاقيهم كلهم مجوزين فى سن صغبر
الراجل بيبنى دور لبنو معاه فى البيت او بيديلو غرفتين
و التجهيزات بينهم و بين بعض
و لا عايزين عربيه و لا شقه 500 متر و لا عفش من عند مش عارف مين و دبلتين و محبس و قديت الليله
و مبسوطين و مخلفين
و دور على القناعه
فى وسط الزحمه دى بقا بنات كويسه بتضيع راضين بقاليلهم و عايزين يعملو بيت
شان يحفزو على نفسهم مش علشان سوسو اجوزت و انا لسه
لاكن مش بيانين لان الانطباع العام ان كولو بيتنك
مش عيب ان البنت تلمح لحد شيفاه مناسب انا خطبت بطريقه دى
و لحد انهاردا لو مكنش دح حصل معيا مكنتش خطبت بس النصيب بقا
أولاً :
واضح أنك بتشتغلي وليكي راتبك وليكي وضعك في شغلك وشخصيتك القوية
فلو أفترضنا إن الجواز دا عرض وطلب من شركة مثلاً ( مع الإختلاف طبعاً )
فهل ينفع تروحي تعرضي نفسك في شركة وواخدة معاكي أحلى cv، وكل الكورسات اللي أنتي أتدربتي عليها من غير ما يطلبوا ويوضحوا وجود وظيفة شاغرة
لأ طبعاً
لأنك هترخصي نفسك ، ولو أنتي عجبتي الشركة فعلاً وكنتي بالنسبة للشركة أحسن مواصفات
هيكون عرضهم سيئ للغاية
ولو مش عاجبك خلاص – زي ما جيتي زي ما هتروحي
وهتكوني خسرانة لو وافقوا عليكي أو لو ماوفقوش
لكن لو الشركة دي أعلنت بطلب وظيفة شاغرة
وأنتي عرضتي نفس الـ cv ونفس الشهادات شوفي تمسك الشركة دي هتكون إزاي
ولو اللي عرضوه عليكي مش مناسب ليكي ممكن تطلبي التعديل وهيوفقوا علي أي تعديلات
وهتكوني معززة ومكرمة
والأهم من كل دا
الجواز دا رزق
زيه زي رزق الصحة ورزق المال ورزق الأولاد
ورزقك هتشوفه هتشوفه ( للطرفين طبعاً )
ما كان لك سيأتيك على ضعفك, وما ليس لك لن تناله بقوتك, وعزتيوجلالي لأرزقن من لا حيلة له حتى يتحير أصحاب الحيل
ربنا يصلح حال كل البنات والشباب
ثانياً : في مشاركة تانية إن شاء الله
مهو ده اللى بقولو يا احمد بيه احنا فى مجتمع مادى ولو الاهل تفكيرهم مش كده البنت تفكيرها كده
تلاقى البنت لما تحب تقولك استغغنى عن كل حاجه الاهل يقولك لا ادفع الاول
ولو جاى صالونات البنت تقولك طالما مفيش حب يبقى اخد واحد مرتاح
اللى معاه فلوس يتقبل و احيانا قليله يترفض علشان اخلاقو
لكن اللى معهوش فلوس ديما مرفوض
وسوالى لكل بنت او ام او اب هنا فى نيل موتورز يا ترا اقبل تجوز بنتك او بنتك او البنت نفسها تتجوز شاب على خلق ومرتبو 1200 جنيه (الحد الادنى اللى الحكومه قررتو) يا ريت نجاوب علشان نشوف النسبه وتكون بصراحه؟؟؟؟
اصل كل واحد وكل الناس تقعد تقول مش مهم لكن وقت الجد يتحطلك لسته بالحاجات الكطلوبه
انا عارف ان معظم الشباب حالته مكحرته و بالبله كمان
بس برضوا بالعقل يعني
ازاي واحده ترضي ولا اهله يرضوا بواحد مرتبه مايعرفش يفتح بيه بيت
يعني الاهل اكيد عايزين مصلحه بنتهم و عايشه في بيت ابوها اي ان كان مصاريفها
مش يرموها يعي و تتجوز واحد مش عارف يصرف عليها و لا علي بيته
انا شايف ان الموضوع المرتب مافيهوش ادني نقاش كل واحده و ليها مستوي معيشه معين ممكن واحده تقدر تعيش بمصاريف قليله بس مش الطبيعي انها تعيش بمصاريف ماتنفعش اساسا تفتح بيت
وفي نفس الوقت الشاب المفروض يكون عارف هو بيعمل ايه مش علشان عايز يتجوز يروح يتمرمط و يمرمط بنات الناس معاه علشان يقولك عايز اتجوز و اكمل نص ديني
طيب ما هو ده اللي مودي معظم البلد ورا لأن معظم الجوازات تعبانه و ناس كتير بترضي بقليله و تروح تتجوز و يوم ما يخلف مافيهوش دماغ انه يربي اساسا لن كل تفكيره عايز يأكل الناس ديه و التربيه تبوظ و نشوف البلاوي اللي في الشارع ديه كل يوم
ياريت مش كل حاجه تتجاب علي البنت انها المشكله في مشاكل كتير تانيه مش سببها البنت بس
ثانياً :
بسبب الظروف الإقتصادية ورداً على الآخ Hmatchy
اللي موجود دلوقتي مش جواز
لأ – دا أتغير أسمه أصبح صفقة تجارية أو جواز المصلحة
وبقى مافيهوش حب ولا ألفة لكن مغطى بسولفانة الحب
مبني على الإستغلال والوصول لشئ معين
وممكن يكون هذا الأستغلال شئ مش غلط
يعني مش لازم يكون زواج المصلحة علشان الجنسية أو الثراء
لأ ممكن يكون علشان الأمومة والأبوة والمتطلبات الجسدية للطرفين والإستقرار
ومع ذلك كل طرف هيفكر هكسب أيه من الجوازة دي
وممكن تلاقي الراجل بيطلب العروسة تكون موظفة علشان تشيل عنه من الأحمال أو أهلها أغنياء
وممكن تلاقي البنت بتطلب من العريس كل اللي ناقصها واللي مش ناقصها في بيت أهلها
أنا شايفة إن الراجل ما يفكرش في الجواز إلا لما يكون جاهز ( جاهز على آد مستواه الإقتصادي )
ولما يفكر مش يفكر في بنت الوزير ولا زميلته اللي كانت معاه في الجامعة وساكنة في فيلا ومعاها عربية بي أم دبليو ( أصلها بنت ناس !!! )
وأنت كان معاك 128 أو مش معاك عربية أصلاً
لأ - على آد لحافك مد رجليك
يعني فيه عروسات كتير تتمنى الزواج بنصف التكاليف اللي معاك
لكن أنت بتبص للعالي مش آد اللي معاك
وفي الآخر تقول البنات بتتنطط ليه
لأنك أنت اللي بتتنطط على اللي في مستواك
فاللي أعلى منك من حقها تتنطط عليك
يارب تكونوا فاهمين قصدي
ربنا يصلح حال كل البنات والشباب
ايوه بقى يا شنورى يا جامد منك نستفيد
ايه المقوله الجامده دى
بما ان المشاركتين نفس المضمون تقريبا ما عدا نقطه واحده هقولها فى الاخر فاسمحولى هرد عليهم مره واحده وان كنت واخد على خاطرى من حده الرد اللى موجه ليا رد على كلامى
اولا العالى عالى باخلاقو وتفكيره وشخصيته مش بفلوسو
كلام انشاء انا عارف ومايكلش عيش فى الزمن ده
بس الزمن ده بقى كده علشان بقينا بنفكر كده
اولا من المنطق ان مفيش حد هيروح ياخد واحده ماديا تفوقه بمراحل وده شىء طبيعى جدا لان مفيش راجل هيقبل على نفسو ان يطلب منو حاجه هو مش قدهاوكل الحالات اللى بتحصل يا اما حب مراهقه او استغلال وطمع وربنا يبعدنا عنهم
بس اللى مش من الطبيعى ان تكون البنت نفس المستوى او اقل كمان ومطالبها تفوق قدره اى حد فى مستواها
وبعدين مفيش حاجه اسمها ابص للعالى علشان فلوسها
عن نفسى مستعد اخد بنت من اى مستوى مادى شرط الاخلاق والشخصيه وطريقه التفكير والتعليم
اما بقى اختلافى الجوهرى لكلام استاذ عمرو ان سبب فشل الجوازات وسوء التربيه راجع للاحوال الماديه....انا اسف يا استاذ عمرو بالنسبه ليا الكلام ده غلط تماما ياما ناس ظروفها الماديه على قدها واولادهم قمه فى الادب والاحترام
سبب فشل الجوازات هو هو اللى اتقال فى مشاركه فريند شب ان الجواز بقى صفقه ومصلحه لان بمجرد الوصول للهدف بنبتدى ندور على هدف تانى بطريق تانى ولو تعارض مع الهدف الاولانى بنتخلى عنو
يا رب اكون وضحت وجهه نظرى من غير ما حد يزعل منى
مش معني كلامي انه عام علي الكل بس نسبه كبيره موجود
لما يكون الاب و الام مطحونين في الشغل و طالع عينهم و يرجعوا البيت فيه ناس كتير من نفس العينه مابيبقوش ليهم دماغ اصلا لعيالهم و لا لتربيتهم
وفي نفس الوقت اللي اخلاقه تعبانه اي ان كانت مستواه المادي عالي برضوا موجودين
هي مش قاعده بس كلها اسباب بتساعد علي التخلف المجتمعي و الاخلاقي اللي احنا فيه
و مانقدرش ننكر ان التربيه قلت عن زمان و من ضمن الاسباب صعوبه الحياه اي ان كانت ماديه او نفسيه ده كفايه الشغل و الطريق و انت راجع منه بتبقي راجع البيت مش طايق نفسك و لا طايق كلمه من حد يبقي اكيد نسبه كبيره من الناس مش هتفوق تشوف العيال مالها ولا تربيها ازاي
طيب لو الشاب متدين و محترم و اخلاق و مستواه المادى كويس جدا و من عائله محترمه و اسره محترمه جدا و بيحب البنت و البنت بتحبه و اهلها يرفوضوا انهم يقابلوه حتى علشان هم فدماغهم حد معين
نقول ايه ؟؟
كده ميبقاش ظروف ماديه كده يبقى تلاهى فى الحياه وبعد عن ربنا
وبعدين بص بقى انا هعمل زى ما بتقول مش هتقدم الا لما يبقى مرتبى 5000 و جبت شقه 200 متر وعربيه بى ام بس تفتكر هتصدى ولا موديلها بس هيعدى ههههههههههههههههههه:dontudear:
والله ضحكت جامد اما افتكرت كلامك وشفت توقيعك شكلك يا عمرو بيه ماره الجواز والمتجوزين
هو انا قولت لازم اركب بي ام و شقه 200 متر و مرتب 5000 علي الاقل !!!!!!!!!
و علي فكره الموضوع مش كله فلوس يعني فيه واحد يقولك انه شقيان فعلا ليل و نهار علشان يعمله في الشهر مثلا 20 الف و هيبقي برضوا مش فاضي ولا ليه دماغ لبيته
و انا فعلا مش دماغي موضوع الجواز قوي بس لاسباب كتير اكثر من المديات
واولهم البلد المعفنه اللي عايش فيها ديه ماستحملش اربي عيال و مش عارف اعلمهم الصح من الغلط و بعدين يلاقوا واقع ذي الذفت