شكلهم كده شغالين في ادارة قانونيه
بس القانون دا اتغير ممكن يرجع يتقدملها تاني
عرض للطباعة
عموما بتختلف من شخص لشخص يعني المسألــة نسبية
والموضوع مش غلط بس بشرط الاختيار السليم
مجرد رأي ..
ماقصدتش نفسي طبعا
أنا بقصد إنك تجربي لو إنتي معجبة بحــد .. إطلبي إيده
وهو لو شايفك عاقلة موزونة..هياخد عرضك بجديه من غير مايفكر تفكير تاني أو مخه يروح لبعيد
...
خلاصة الهري في الموضوع ده
أن لو الموضوع هيمشي بالطريقة الي انتي عاوزاها..هتلاقي البنات بتتقدم للشباب المميزين أوي(طويل-عريض-طبيب او مهندس-غني-عريية...إلخ)
وهياخدو صدمات في حياتهم لما يولعو في نفسهم
وفي النقطة دي
الشباب بتتغلب على البنات
الولد لو اتقدم لبنت..وإترفض
الموضوع بيعدي عادي
إنما تخيلي لوبنت أتقدمت لولد,ورفضها
وإتقدمت لواحد بعده..ورفضها
تخيلي ..دي ممكن تنتحـــر
فالوضع كده حلو
وإحمدو ربنا على نعمته
وغير كده
البنات مابيحتاجوش انها تتقدم بعرض مباشر للولد
شوية سهوجة..على نحنحه..على تمثيل
والرسالة بتوصله انها (معجبه)بيه
وربنا يرزقك بإبن الحلال
10 على 10
انا اترفضت مرتين ومبسوط جدا بكده وبحمد ربنا على الرفض ده دلوقتى
افه البنت المصريه انها فاكره ان اللى خلق لها ال &*)() مخلقوش لغيرها
وتلاقى الام تسخن فى بنتها اللى معاها دبلوم ... ده انتى ميجوزكيش اقل من دكتور والبت تاخد مقلب فى نفسها ولما السنين تعدى ويتقدملها سواق توكتوك تقولها نصيبك يابنتى وهنعمل ايه !!! ولو فيه مشكله بعد الجواز تقولها اجوزك سيد سيده !!
بعد العيد مايتفتلش كعك ياحاجه ... كنتى تجوزيها السيد ده وهى صغيره
ال 1 بيستغرب من الست المصريه هم مابيتفرجوش على بنات البلاد التانيه عاملين ازاى !!!
ادخلى المحتاره يادكتوره وشوفى العقد والنفسنه وقله القيمه اللى بجد علشان تعرفى ليه ناس كتير زينا مش عايزين يتجوزوا ..الواحد مش ناقص مرازيه
للحديث بقيه
قلتى كلمه وسط كلامك عن الفكره السيئه اللى المجتمع عملها للست اللى بتركب عربيه
فيه شويه من الستات اللى بيركبوا عربيات مستقلين بحياتهم بعض الشىء يعنى بيا من غيرى هيعرفوا يعيشوا يعنى ناقر ونقير ومناهده على الفاضى وانا مش مطلوب منى اتربط فى الساقيه ويطلع 3 &*)**)( اهلى فى الشغل علشان الهانم مابتسمعش الكلام وتناهد على الفاضى والمليان لانها حاسه باستقلاليتها وانا لو مجوزتكش كان زمانى ماسكه منصب كبير او اى بتاع من الوهم اللى الستات بتتوهمه
برضه ممكن لها نشاطات اجتماعيه, زملاء عمل كتير صحاب دكوره من الفيس ...على ايه ده كله ماشوف قطه مغمضه واربيها على يدى احسن بدل من واحده لفت هنا وهنا وعاشت حياتها بالطول والعرض رغم انها محترمه وال 1 متاكد انها محترمه
تقولوا عليا رجعى متخلف فلاح ...قولوا اللى تقولوه دى قناعتى وقناعه ناس كتير -علشان متستغربيش-نهلس زى ما احنا عايزين لكن ساعه الجد جد ..عايز اتجوز واحده لما اطلع بره يبقى سايب دكر فى البيت ماتعرفش حد الا انا علشان ماتزولش على الفاضى ولما اكون معاها تبقى الاه اه واللا لا وساعتها لو طلبت لبن العصفور هيتوجد
1+1=2 شفتى ياستى دماغ الرجاله سهله ازاى
أنا عجبتني الفكرة و مرحب جداً lol
الحقيقة موضوع الجواز في مصر ده صفقة فاشلة بكل المقاييس و التفكير فيه أصبح درب من الجنون في وسط مجتمع مريض نفسياً يسيطر عليه المادة و عادات و تقاليد بالية أفقدت الجواز معناه و قيمته الأنسانية و أبقت فقط على قيمته المادية..
أنا واحد من الناس بنزعج جداً كل ما تيجي فكرة الجواز دي في دماغي أو أن حد من الأهل أو الأصدقاء يسألني السؤال التقليدي "هنفرح بيك أمتى؟", و كأني يعني مزعلهم في حاجة بوضعي الحالي lol
مش كل البنات اللي معاها عربيات مستقله بحياتها في بنات اعرفها مقدرش تتحرك بعربيتها من تحت البيت إلا بأذن باباها
الرك ع التربيه و التعود و بعدين مش شرط يكون معاها عربيه تكون ناقر ممكن تكون دي طبيعتها اصلا مش بالعربية
و بعدين مراتك تمشي كلامك عليها مش عايز يكون ليها صحاب ع الفيس انت حر. انا مش هقول رجعي و الكلام دا دي قناعتك الذاتيه و انت حر فيها.
اللى فى طبعها المناهده تتفسخ خطوبتها ولو الفاس وقعت فى الراس ولبستها تتطلق واللوم عليا لانى مخترتش صح فى الاول
------------
وليه يكون لها اصلا صحاب على الفيس !! لو لها يبقى بالسلامه من الباب وخليها مع اصحابها ينفعوها
don't mix على فكره ماتنزلش من البيت الا باذن اهلها وهم عارفين ان لها اصحاب رجاله .. ايه الخيبه اللى احنا فيها دى
الموضوع مش قناعه شخصيه او تربيه وتعود ..الموضوع ان ده الدين الصح وده اللى اهالينا ربونا عليه
بص أولاً دي حريه شخصية مبدئياً وكل واحد متعلق من عرقوبه و بعدين احنا مدخلناش في دخليات كل بني ادم و عرفنا اصحابه دول عرفهم منين ولا إزاي المهم يكون في احترام و حتي لو مافيش احترام برضه دي حريه شخصية لكل واحد و واحدة مش هنقول للناس تعمل ايه او متعملش ايه
هو حضرتك aggressive كده ليه احنا بتتكلم بشكل عام و بتتكلم علي مشكله قائمه فعلاً محدش ولول علي عدم الجواز لان لو كان الخير فيه كان بقي موجود و واقع.
و ياما ازواج و زوجات ميعرفوش حقيقة الطرف التاني و فاكرينه او فاكرينها ملاك منزل من السما.
سلام و رحمة الله و بركاته
الغريب في الموضوع
إني زي مانا قولت.. البنت مش محتاجة تصرح بشكل مباشر انها معجبة بفلان
شوية سهوكة على تسبيل من تحت لــ تحت
على شوية نظرات..وهي هتصطاد رزقها
والي عاوزة تمشي عكس الفطرة..يبقا تستحمل النتايج للأخر
والموضوع ملوش دعوة بمجتمع ذكوري او مجتمع متنيل على عينه
حتى الدول المتحررة..مابشوفش فيها واحدة بتطلب ايد واحد
والمشكلة
ان البنات عموما..بالنسبالهم الجواز هو المنتهى
غايتهم في الحياة(زي الطفيل-مع فرق التشبيه)..إنها توصل للعائل الأساسي بأي شكل
وربنا يرزق الناس بالحلال
أصلى يا مزاجنجى
انت بتقول كلام كتير انا عاوز اقوله
اشمعني الراجل هو اللي يختار عروسه ليه البنت هي كمان متختارش العريس المناسب ليها؟؟
يكفيها فخراً ان الموضوع بيبقي في ايديها في الاخر يعني مثلا لو اتقدملك 2 في نفس الوقت انتي اللي بتختاري وتشوفي مين احسن ده ولا ده وبتختاري فهماني بتختاري زي ما الشاب كان له فرصه انه اختار بيجي عليكي وقت انك كمان تختاري
وحتي لو شاب واحد متقدم بتختاري تكملي ولا لاء .
الأخت الكريمة ..
هو الموضوع أصله حلال طبعا . لكن فى مجتمعنا غلط جدا . لأن مجتمعنا ذكورى بالدرجة الأولى .
لازم الرجل هو اللى يتعب و يبحث عن من يرتبط بها و البنت تختار من يناسبها .
و هو لو شعر للحظة أنه مرغوب فيه "بزيادة" ما هيصدق :)
فلازم الأصول فى أمور الزواج . لأن لم تعد البنات مثل السيدة خديجة أو الرجال مثل سيدنا محمد صلى الله عليه و سلم .
فقط عليها الدعاء ان يكتب الله لها الخير و يصرف عنها الشر .
فأنتى لا تدرى ارتباطك به خيراأم شر .
أعرف بنات كثير فكرن مثلك هكذا و بعد ما ارتبطت بمن اختارته هى ندمت ندما شديدا لأنها تنازلت كثيرا
و بالنهاية انتهى بالطلاق .
و ربنا يفرح شباب لامسلمين و بنات المسلمين يارب :)
متشكرة جداً لمشاركتك
على فكرة انا مفتحتش الموضوع علشان عاجبني حد و مش عارفه اصرحله و لا ﻻ. لأن الراجل بيكون عارف و حاسس من غير كلام و الست كذلك
الموضوع الهدف كان الهدف منه اولا واخيرا استطلاع راي او حوار ما بين طرفي المعادلة و بيان اوجه النظر المختلفة.
و يمكن تبادل آراء وخبرات
هوه ده مربط الفرس
ان فيه مثلا بنات بتبقى كويسه واخلاقها كويسه وفيها مميزات كتير بس بتعمل تصرفات من وجهه نظرها انها عاديه انما بالنسبه لكثير من الرجال لما بيجوا يتجوزا ممكن ميفكرش فيها كمثال عام
يعنى ممكن تكون واحده فى محيط الشغل وعماله تهزر اوفر مع زمايلاها ولو حصل وواحد من قسم تانى دخل شاف الوضع ده ومعجب بيها مش هيفكر يتجوزها ليس لعيب فيها اعتبريه رجعى اعتبريه اى حاجه بس هوه كده تفكير اغلب الرجال
واى واحد فى مصر بنسبة 99.9999 لو حصل وخطب واحده ولقى ليها زمايل على الفيس او بتكلم حد شات هيفسخ الخطوبه رغم ان وجهه نظر البنت انها عادى وانهم اخوات بس هوه تفكيره غير كده تماماً
فالمضمون ان مش معنى ان البنت بتعمل تصرفات شايفاها من وجهه نظرها عادى وبعد كده تستغرب انها ليه محصلش نصيب بيكون من ضمن اسبابها بعض اللى ذكرته فوق
وربنا يوفق الجميع ان شاء الله
انا معاك ان دا مربط الفرس و في بنات كتير بتحب بعد الجواز او الخطوبة بتعمل كده من غير ما خطيبها يطلب منها.
وبعدين لو شاب شاف بنت عجباه فعلاً بس فيها سلوك ما مش عاجبه يقدر يقولها و يطلب منها تبطله و في بنات بتعمل كده.
انما يحكم بشكل عام لمجرد انها بتكلم شاب يبقي منتهي السطحية متزعلش مني
ممكن فعلا , ليا صديق من كتر ما زهق من الموضوع ده , اتجوز من بره مصر و عايش مع والده لان والده رافض يعيش بره بيته و مرات صديقى الاجنبية متقبلة الوضع جدا , ولا فيه كلام حتى عن تغيير غرفة النوم و الذى منه , احنا مجتمعنا محتاج ثورة اجتماعية على العادات الكتير الغلط فى الجواز, من حوالى 4 سنين التقيت صدفة بواحدة كانت معاية فى المدرسة من اول الحضانة لحد ثانوى و هى جميلة و محترمة و بنت ناس جدا و اتصدمت لما عرفت انها لسه متجوزتش و موضوعك فكرنى بده.
هههههههههه لا طبعاً بهزر
بس فعلا بنات كتير جدا و ولاد كمان وصلو لمناصب كويسة فى شغلهم و الحالة المادية تمام و سنهم اتاخر جدا فى الجواز ده انا فجاه لقيت كل اصدقائى و معظم قرايبى اتجوزو زى ميكون الزمن جرى فجاة و انا مش واخد بالى
اسمك د. عُلا زي المسلسل بتاع هند صبري ؟؟ d:
كلامي مش محتاج تفسير
البنت مش محتاجة تتقدم بشكل مباشر للولد لو هي معجبه بيه
كفايا لغة الاشارة ولغة الصمت
وموضوع رزقها..مش مقصود منها حاجة مش مظبوطة..الجواز رزق..والمرتب رزق...إلخ
سؤال بس
لو حصل وإنتي إتقدمتي لشاب
ورفضك
هتستحملي الصدمة لو أتكررت كام مرة
يعني لو الوضع مشي زي مانتي عاوزاه..هتستحملي تترفضي أكتر من مرة
الشباب بتستحمل
البنات لا
وعلشان كده دي الفطـــرة