هو الجواز حرا؟؟؟!!!!

**drola** · 08-03-2014 03:51 PM

اولا من باب الامانه انا اصلا عضوة قديمة في المنتدي بس عملت الاكونت دا علشان عايزة اتكلم في الموضوع دا.
اه متستغربوش انا بسأل هو خلاص الجواز بقي حرام؟؟
اشمعني الراجل هو اللي يختار عروسه ليه البنت هي كمان متختارش العريس المناسب ليها؟؟
ومش قصدي هنا حرية الاختيار لما حد يتقدم ليها، انا قصدي ليه لو شافت حد مناسب ليه متحاولش بشكل محترم برغبتها في الجواز بيه.
محدش يقولي ما هي السيدة خديجه جوزت نفسها للرسول عليه افضل الصلاة والسلام لاننا مش عايشيين في العصر دا.
ليه الناس بتتهم البت بقله الادب و قله الحياء لما تحاول انها تنشئ بيت و اسره.
هو حرام ان البنت لما تحس فعلا انها بتكبر انها تدور علي عريس مناسب او انها تقبل بأي جوازه والسلام علشان نفسها تكون ام ؟؟
انا عارفه اني صدعتكم بجد بس الموضوع دا صعب و شائك جداااااااا
و كنت محتاجه اعرف ارائكم

**ramymechanics** · 08-03-2014 04:06 PM

على فكرة البنت اما بيعجبها واحد مش بتسكت الا اما تلمح له يعنى والراجل صدقينى ذكى وبيفهم ولو الموضوع على هواه بيكمل ولو مش على هواه بيعمل من بنها :d :d

على فكرة انا مراتى مكنتش واخد بالى منها فالكلية وهى اللى لفتت انتباهى من بعيد وانا كملت عادى يعنى

**drola** · 08-03-2014 04:17 PM

مش الفكرة بس في ان في حد في بالها لانها فعلا ممكن تلمحله و زي ما قولت حضرتك يا يتجاوب معاها و يكمل هو يا يايعمل من بنها.
ولو اتجاوب معاها هنكون قدام احتمالين يا يكون كويس فعلا و يحترم دا فيها. او يعايرها بعد الجواز في اقرب مشكله.

**ahmad--ezzat** · 08-03-2014 04:17 PM

مين قال لحضرتك ان البنت بتسكت لو عجبها واحد !!!!

عموما هو الموضوع في الاول وفي الاخر رضا بين الطرفين سواء مين قال لمين الاول

**drola** · 08-03-2014 04:22 PM

البنت مش بتسكت المشكله في المردود بتاع كلامها.

**Ahmed_m7md_A5** · 08-03-2014 04:34 PM

على فكرة حلال ان البنت و ولى امرها يروحوا يخطبوا الولد , بس احنا مش بنعمل كده متأكد بنسبة 90%

**hilal** · 08-03-2014 04:36 PM

المشكلة عندنا أن المرأة عاطفية وتفكر بقلبها وليس بعقلها
وقد يؤدي ذلك إلى اختيار خاطئ ، لذلك يشترط الشرع موافقة وليها على الزواج
كما ان الحياء هو أجمل ما يميز المرأة ، والحياء صفة من صفات الرحمن ، وحياؤها يمنعها من ذلك
ثم ان هناك تساؤل مهم:
هل تطلب الزهرة الجميلة من يقطفها ، أم أن هذا الدور لا يتناسب مع طبيعتها؟

**drola** · 08-03-2014 04:39 PM

المشاركة الأصلية كتبت بواسطة akedwany

على فكرة حلال ان البنت و ولى امرها يروحوا يخطبوا الولد , بس احنا مش بنعمل كده متأكد بنسبة 90%

هاتلي بقي راجل يرحب بالموضوع دا.
للاسف احنا في مجتمع ذكوري

**drola** · 08-03-2014 04:41 PM

المشاركة الأصلية كتبت بواسطة hilal

المشكلة عندنا أن المرأة عاطفية وتفكر بقلبها وليس بعقلها
وقد يؤدي ذلك إلى اختيار خاطئ ، لذلك يشترط الشرع موافقة وليها على الزواج
كما ان الحياء هو أجمل ما يميز المرأة ، والحياء صفة من صفات الرحمن ، وحياؤها يمنعها من ذلك
ثم ان هناك تساؤل مهم:
هل تطلب الزهرة الجميلة من يقطفها ، أم أن هذا الدور لا يتناسب مع طبيعتها؟

طب والزهرة الجميلة دي المفروض تستني اللي يقطفها و سط الزهرات البلاستيكية اللي لا لون لها ولا طعم ولا ريحه

**amrelsha3er** · 08-03-2014 06:53 PM

شرعا ودينا حلال ونستشهد بذلك بزواج سيدنا موسى وقصته المعروفه قال تعالى(انى اريد ان انكحك احدى بنتى هاتين)وبذلك يجوز شرعا ان ولى البنت انه يفرض نفسه على الشاب اذا راى منه خلقا ودينا وانه يكون صالح لبنته
انما احنا اليومين دول للاسف ماشيين تبع التقاليد والعيب واللى ميصحش والاتيكيت وتدخل اجنبى غربى على عادتنا نسيتنا دينا واللى يجوز واللى ميجوزش
ربنا يرزق كل البنات بالزواج والزوج الصالح ويرزق جميع الازواج بالخلف الصالح

الموضوع: هو الجواز حرا؟؟؟!!!!

LinkBack

أدوات الموضوع

عرض

-

-

-

-

المواضيع المتشابهه

الجواز ولا العربية

هو لية الجواز فى مصر كدة

فرق السن في الجواز

الجواز فى مصر

هو الجواز بالعافيه

الكلمات الدلالية لهذا الموضوع

المفضلات

المفضلات

ضوابط المشاركة