افيدونى افادكم الله فى فليشيا 97

**f0lf0l** · 08-03-2014 05:05 PM

بعد اذنكم يا جماعه عايز استشاره سريعه
انا معايا سكودا فليشيا كومبى 97 وانا بسخنها انهارده الصبح لقيت الميه ناقصه شويه فزودتها
المهم سبتها تسخن ورحت اعمل حاجه مفيش عشر دقايق نزلت لقيت
تحت العربيه غرقان ميه من ناحيه الراكب المهم انا اتخضيت وبطلت العربيه فورا
وفتحت القربه لقيتها فاضيه خالص وكل الميه نزلت
واحد جارى شافها قالى شكلها جوان وش سلندر وخصوصا انها عامله طحينه فى غطا الزيت
انا مش عارف اعمل ايه واروح بيها ازاى للميكانيكى وهى كل اما احطلها مايه تنزل كلها
ويا ترى لو جوان الموضوع سهل ولا لا ويتكلف كام وشكرا جزيلا

**aw2100** · 08-03-2014 09:37 PM

ممكن تجيب الميكانيكى يبص عليها علشان انا اعتقد ان فية خرطوم انقطع او ممكن تكون القربة نفسها اتخرمت والميكانيكى يصلحهالك او ممكن تخلى عربية تقطرها وتوديها للميكانيكى قطر و 1000 سلامة على عربيتك !!!

**sakr_skoda** · 08-03-2014 09:49 PM

بص املاء القربة مية ودور العربية وبص تحت العربية من ناحية الدينمو ممكن تجيب حاجة وتنام على ظهرك وحتشوف المية بتنزل من فين اعتقد ان ماسورة الشجرة عندك مكسورة او خرطوم طلومبة المية وممكن تكون طلومبة الميه نفسها**

لأن لو جوان وش السلندر مش حتلاقى المية على الارض لالالالالالالالالا المية بتدخل قلب الماتور وتختلط بالزيت***

**المنسي** · 08-03-2014 11:07 PM

المشاركة الأصلية كتبت بواسطة f0lf0l

بعد اذنكم يا جماعه عايز استشاره سريعه

انا معايا سكودا فليشيا كومبى 97 وانا بسخنها انهارده الصبح لقيت الميه ناقصه شويه فزودتها
المهم سبتها تسخن ورحت اعمل حاجه مفيش عشر دقايق نزلت لقيت
تحت العربيه غرقان ميه من ناحيه الراكب المهم انا اتخضيت وبطلت العربيه فورا
وفتحت القربه لقيتها فاضيه خالص وكل الميه نزلت
واحد جارى شافها قالى شكلها جوان وش سلندر وخصوصا انها عامله طحينه فى غطا الزيت
انا مش عارف اعمل ايه واروح بيها ازاى للميكانيكى وهى كل اما احطلها مايه تنزل كلها
ويا ترى لو جوان الموضوع سهل ولا لا ويتكلف كام وشكرا جزيلا

اولا شوف المية اللى نزلت دى نزلت منين يعنى عندك الخرطوم اللى داخل على الموتور وجاى من الردياتير اللى هو تحت ترموستات المروحة ممكن يكون عمره الافتراضى انتهى ده حاجة تانى احتمال تكون ماسورة الشجرة هيه سبب التسريب وعلى العموم شوف انهى فيهم وغيره وسيب العربية تبرد خالص وزود مية والعربية باردة يعنى لو هتسيبها يوم وتانى اليوم الصبح تكون غيرت الحاجة سبب التسريب وزود مية ودور العربية وروح بص على الشكمان وشوف فيه مية خارجة منه ولا لا وتانى حاجة ياريت تشوف غطا الزيت هل الطحينة اللى عليه خفيفة ولا ولا وكمان بص على مقياس الزيت مطحن ولا لا اعمل الحاجات دى وبعدين نشوف