الموضوع: صوت رزعة مش عارف ايه سببه

عربيتي لانوس 2009 عاملة 62500 كم

من كام يوم العربية حكت في حتة اسفلت من ال بايظين على الدائري بس كانت حكة بسيطة خالص

من بعدها بقى في صوت رزعة "رزعة واحدة بس" على سرعة من 100 ل 120
و رزعة تانية على سرعة اقل و السرعة بتقل من 40 ل 80 كدا

يعني و السرعة بتزيد بيبقى في رزعة و السرعة بتقل بيبقى في رزعة ولو الاولانية مجتش التانية مبتجيش

كان في حاجة بتحصل مع الرزعة الاولانية و ترد تاني مع التانية

روحت لعفشجي و طلع يجرب معايا و الصوت دا قرر ميطلعش وهو راكب معايا نهائي و طبعا بعد ما نزل على طول و انا خدت العربية الصوت رجع تاني

يا ترى ده عيب في العفشة و لا في حاجة تانية ممكن تكون السبب

أحب أضيف حاجه كمان لمشكلة حضرتك ..إن الصوت ما بيجيش وفي حد قاعد جنبك ..يعني والناحيه اليمين فيها حمل الصوت ما بيجيش ..دي ملاحظه أنا خدتها من كلامك ...وأنا أعتقد إنها قصة قواعد