الموضوع: مشاكل بميجان 2006

شكرا علي الرد
ممكن توضحلي ارحلوا ازاى ولو في رقم تليفون ربنا يباركلك

المشاركة الأصلية كتبت بواسطة أسامه الحسيني

الاخوة الاعزاء
الحمد لله ربنا اكرمني واشتريت ميجان 2006 مستعملة عاملة 90 الف كيلو وبعد اشتريتها اكتشفت الاتي
1- المرايا الشمال مش شغالة كهرباء
ممكن يكون السلك بتاع المراية مقطوع
2- التكييف ادائة ضعيف
اسباب كتير اوى، ممكن يكون محتاج شحن فريون او ممكن يكون الكمبروسور فى حاجة لأن واضح ان حالة العربية تعبانة
3- وجود فيشة اسفل السيارة مفكوكة
فين الفيشة دى، اعتقد انها فيشة الsensor بتاع الشكمان (كان اسمة حساس الاكسجين لو انا فاكر صح)
4- وجود تسريب بسيط للمياة من اعلي الزجاج الامامي داخل العربية
3- كنت ماشي بيها وخبط فى رصيف والحمد لله الخبطة عدت علي خير بس بعد كدا ظهر عندي فى التابلوة check gear box ولمبة ABS , service و الحزام منورين والعربية مابتسحبش خالص اخرها 60 كيلو ولما ابطلها وادور تاني وابداء اتحرك يظهروا تاني وبما اني جاااااااهل بعالم السيارات مش عارف اروح فين ولا اعمل اية
كدة للأسف الخبطة معتدش على خير، انت خدت الخبطة فين؟، الفتيس خد خبطة محترمة و عايز حد فاهم فى العربية يبص علية و نفس الكلام مع الكنترول بتاع الabs او المقص اتعوج فالabs مش شغال، العربية زواياها عاملة اية؟ و اعتقد ان لمبة الairbag منورة برضة، مش كدة ولا اية!!
فيا ريت يا اهل الخبرة دلوني اعمل اية مع انى سكنى فى مدينة نصر
ولكم جزيل الشكر

انا مش بفضل عادل بصراحة، ممكن تروح للعسكرى فى الحرفيين (اسأل علية فى شارع المرسيدس) او طارق فى الهرم (بعد كايرو مول و انت رايح على الجيزة تاخد اليمين اللى قبل three pyramids hotel، انا مش فاكر اسمة اوى بصراحة، بس هو بعد كايرو مول ببتاع 500 متر و بعدين تاخد 2 شمال هتلاقية على شمالك)

شكرا جزيلا
انا خت الخبطة بالعجلة الامامية يمين وفعلا لمبة airbag منورة
شكلا الموضوع كبير - ربنا يسترها وان شاء الله هروح لحد فى اقرب فرصة

المشاركة الأصلية كتبت بواسطة أسامه الحسيني

شكرا جزيلا
انا خت الخبطة بالعجلة الامامية يمين وفعلا لمبة airbag منورة
شكلا الموضوع كبير - ربنا يسترها وان شاء الله هروح لحد فى اقرب فرصة

طيب، من غير ما أقلق حضرتك، هو كدة مبدأيا فيها شريط airbag واعتقد فى حاجات مش متظبطة فى العفشة و اعتقد مدافع الحزام و ممكن تكون بوظت قواعد (فى هبد معاك و انت بتنقل ولا لأ؟) و لازم يتبص على الفتيس و فى الغالب زيت الفتيس بالمرة (لو مكنتش غيرت الزيت لما اشتريتها)، عامة العربية شكلها عايزة شوية شغل عشان تتظبط عشان واضح ان صاحبها الأولانى هاينها شوية، فزى ما قولتلك مينفعش تروح لأى حد وخلاص، روح لحد يكون كويس و فاهم فى العربية و متقلقش برضة العربية بقى كتير شغالين فيها و حفظينها حتة حتة. هى هتأخد منك شوية مصاريف بس هتتظبط إن شاء الله؛ انا عملت حادثة بالميجان قبل كدة و دمرت العربية كلها من قدام بس كلة اتغير و بقى زى الفل

ربنا يطمئنكم
ان شاء الله هاخد العربية لعادل الى فى صقر قريش واخلية يبصلي علي كل حاجة واعمل حاجة جاجة علي حسب التكلفة والاولية

المشاركة الأصلية كتبت بواسطة أسامه الحسيني

ربنا يطمئنكم
ان شاء الله هاخد العربية لعادل الى فى صقر قريش واخلية يبصلي علي كل حاجة واعمل حاجة جاجة علي حسب التكلفة والاولية

عادل محترم وخبره كبيره و الناس التانيه برضوا كويسين بس مادام عندك حاجه في الفتيس يبقي عادل لو عفشه يبقي طارق و معتز لو ترويق و تظبيط يبقي العسكري
تليفونات
عادل 01001718256
طارق 01006241474