تغيير علبة البيئة فى شكمان الميجان 2

**knightmido** · 10-03-2014 08:36 PM

السلام عليكم شباب ... الحمد لله ظهر عندى صوت شخللة معدن اسفل العربية وبعد الكشق طلعت علبة البيئة عايزة تتغير ... المهم الصنايعى شالها وفضاها وعمل مصفى فيها او حاجة زى كده بعد ما فضى المادة الموجودة (غالبا كربون) ... للاسف صوت العربية عالى شوية ... يمكن علشان انا بحس باى تغير فى الميجان خاصة من ناحية الصوت ... المهم سؤالى عن رايوكم هل اشترى علبه بيئة استيراد (وبكام) ولا مفيش داى والصوت هيخف مع الاستخدام .... شكرا

**Ahmed Koller** · 10-03-2014 08:57 PM

انا شلتها قبل كده في عربيتي القديمه ..... كان عندي نفس الصوت ... بس الراجل فتح مكان الصوت مربع حوالي ٥ سم ونزل الفحم ال في العلبه كله ورجع لحم تاني ... والصوت راح ..

ممكن تشتري علبه استيراد او تروح لواحد يشيل الفحم ده كويس والصوت هيروح

**MohammedAladel** · 10-03-2014 09:14 PM

يجب الأخذ فى الاعتبار أنه حتى بعد إزالة المواد المتكسرة من العلبة يظل صوت العلبة عال ... ويتم تركيب ماسورة بداخلها لكتم الصوت ولكنه قد لا يكون بنفس كفاءة كتم الصوت والعلبة سليمة فقد تشعر

صوت المواد المتكسرة بداخل العلبة واضح ومميز ويختلف عن صوت صدى الصوت بعد إزالة حطام العلبة

ومن الممكن أيضاً أن يصدر صوت مشابه وتكون العلبة سليمة ! وهذا يحدث فى حالة ما إذا كان الصاج الحرارى المحيط بالشكمان غير مثبت جيداً فيصطدم بالشكمان ويحدث صوت مزعج

طبعا تغيير العلبة بعلبة أخرى سليمة أفضل حل لسببين
الأول وهو الحفاظ على سلامة البيئة لأن المحول الحفاز ينقى العادم ويحول الغازات السامة إلى ثانى أكسيد الكربون ومياه
وستجد بعد تلف العلبة رائحة العادم تغيرت للاسوأ
والثانى وهو أن بعد علبة البيئة حساس أوكسجين يسمى downstream oxyen sensor وهو يعطى قراءات للكمبيوتر تساهم فى جودة خلط الوقود وتؤكد قراءات حساس الأوكسجين الرئيسى upstream oxygen sensor

وللعلم فى التوكيل يتم فك العلبة عن طريق منشار .... ويتم تركيبها مرة أخرى عن طريق قفيز وليس عن طريق لحامات ... ولكن التكلفة عالية جداً جداً

**Sherif Mandoor** · 10-03-2014 09:51 PM

على قكره الفحم ده بيتياغ ب 150 او 200 جند

**ضى القمر** · 10-03-2014 10:03 PM

هات واحده استيراد افضل

**knightmido** · 10-03-2014 10:08 PM

اشكر حضرا تكم جدا انا فعلا قررت اشترى علبة استيراد

**MohammedAladel** · 10-03-2014 10:35 PM

سمعت فعلاً أن حطام العلبة يباع ويستخدم فى صناعة مواد متفجرة والله أعلم

**Sherif Mandoor** · 10-03-2014 10:52 PM

عندى الفحم بايظ والعلبه سليمه وركبت علبه عاديه بس الصوت وحش ومش لاقى استيراد خالص وبتاع الشكمان كان عايز يشترى العلبه القديمه بالفحم بس انا مرضيتش وحاطر اركبها تانى