الموضوع: فلوانس فيس ليفت بعد 3500 كم....تحديث

انا كمان لسة واصل القاهرة و بصراحة شتان اافرق في استهلاك البنزين عن المرة السابقة كان 9 و سرعتي 170 .. انهاردة متوسط 13.5 و سرعة ثابتة 110كم مع اني مش متعود كده بس استهلاك البنزين يشجع برضه :D

انا عملت بها 4000كم و طبعااا صوت الموتور اختلاف واضح بقى اوطى وخاصا في الجراج بيبان الفرق اكتر.. بس بصراحة معتقدش كل الناس ممكن تتعود على cvvt بسهولة لان له طريقة خاصة للسواقة حتى اعتقد صعب تتشرح. غير كده بصراحة عربية ماشاءاالله مفيهاش غلطة

ربنا يباركلك فيها

تقريرممتع

المشاركة الأصلية كتبت بواسطة Meggieboy

انا تقريباً كل اسبوع ليا مشوار القاهرة....لسه راجع انهاردة و العربية الحمد لله عملت 3500 كم حتى الان و حابب اشارك انطبعاتى بعد ال 3000 كم للأستفادة:
- صوت الموتور انعم بمراحل....فعلاً تحس انه ريح كده مع بعضه و مبقاش ينعر مع الشد و الصبح فى التسخين صوته بقى اهدى بمراحل
- تسارع ممتاز جداً و جربت بقى اكبس و اجمد قلبى و انطلق الوحش الكاسر، اتعودت اكتر على ال cvt و ال rpm مبقاش يطلع عالى لفوق لانى فهمته و حتى لما بيطلع صوته اهدى جداً عن الاول
- استجابة ال cvt فى الطلعة الاولى ممتاز و ذلك لانعدام النقلات...جرب كده تقرص خفيف مع اى عربية مانيوال و لا اتوماتيك من 0-60 و هتلاقيه اتعقد علشان مش عارف ان الcvt بياخد الطلعة دى على نفس واحد....جربتها كذا مرة انهاردة و افتكرونى بشد معاهم بس طبعاً كنت بجرب و اسخنهم و بعدين امشى براحتى
- حاسس ان العفشة برده بقت كده متناغمة و العربية بقت انعم ككل
- تكييف مممتاز بمعنى الكلمة....درجة الحرارة الخارجية كانت 31 و العربية سودا بفرش جلد اسود و مركونة فى الشمس، هوتها و شغلت التكييف على 21 و كان التسقيع ممتاز....اقل من كده ايدى بتبرد من سقوعيه التكييف و اعلى من كده كان الجو لطيف لكن مش ساقع.....انا كنت جايب الهوا من بره مش عامل تدوير للهوا
- عملت 600 كم من الاسكندرية للتجمع الخامس لمصر الجديدة ثم للتجمع ثم عودة للأسكندرية بمتوسط استهلاك بلغ 14 كم فى اللتر و استهلاك بنزين بلغ حوالى 45 لتر....200 كم من ال 600 كانوا زحمة محور التعمير و العامرية و الدائرى و مصر الجديدة و التجمع و 400 كم كانوا الصحراوى نفسه
سرعة ثابتة على الصحراوى 100 كم/ساعة
- بسيب الدريكسيون و انا سايق و بديله زقه خفيفة جانبية علشان اشوف ايه اخبار الباور الكهربا، طبعا ثابت جداً على السرعات و مفيهوش رمشه
العربية ممتعة جداً....انا بتكلم على سواقتى و طبعاً حد غيرى سواقته تختلف ممكن ميستريحش للعربية....بالنسبة لى الشنطة بملاها حاجات و العربية ناعمة قوى، مفيش اى اصوات او تزييق او خلافه، عزل الهوا ممتاز طبعاً انا سواقتى غالبيتها لغاية 120 ، تكييف ممتاز، ساوند سيستم رائع و التليفون متوصل بالبلوتوث و العربية ما شاء الله ثابتة على الأرض و مفيش اى مشكلة فى كل جبال المطبات اللى على الطريق و مبخدش اى مطب بحرص و لا بالجنب.....مشغل الكروز كنترول و مريح رجلى و مستمتع بالرحلة، الكراسى مريحة جداً فى السفر
الخلاصة كنت عايز عربية سفر بامتياز و الحمدلله ربنا وفقنى فيها و فاقت توقعاتى
تحياتى

ربنا يبارك لك فيها ياباشمهندس هاني
الواحد بيفرح لما يلاقي حد فرحان بالعربية (خصوصا بعد ما حجزتها)
ايه اخبار الصوت اللي في الدريكسيون اللي كان بيظهر عندك في اخر مشوار الدريكسيون اليمين؟!
والف مبروك مرة تانية

ربنا يبارك لك فيها يا باشمهندس / هاني ويكفيك شرها وعقبال ما حصلكم أنا لس العربية 90 كيلو بس وان شاء الله هرخص بكرة وأستمتع بيها