الموضوع: ثورة الانترنت حد دفع فاتورة النت فضه انا دفعت فضه

المشاركة الأصلية كتبت بواسطة Trondo

انا حاسس ان موضوع اسعار النت بره مصر دا افتعال مش اكتر
انا سافرت دول كتير و كلها النت و الموبيل اغلى من مصر
اخرها امريكا الموبيل ب ٥٠ دولار فى الشهر (موبيل نت و مكالمات و رسائل) هنا فى مصر نفس الخدمه ب ٧٠ جنيه
النت هناك كان ٤ ميجا ب ٨٠ دولار شهريا

ياريت اللى سافر فعلااا يقول تجربه خدمه النت و سعرها فى البلد اللى سافر لها


مش معنى كده انى راضى عن خدمه النت فى مصر

في الكويت 2010 دفعت 150 دينار (3000 جنيه بسعر العمله وقتها) لاشتراك سنوي 1 ميجا غير محدود
دلوقتي 1 ميجا اشتراك سنوي 48 دينار وال 148 دينار يعملو اشتراك 5 ميجا يعني 5 اضعاف السرعه من 2010 لدلوقتي بنفس السعر.

FASTtelco | The best DSL, Voice, Data and Business Services in Kuwait

و ب 450 جنيه في الشهر تاخد اشتراك 10 ميجا مقابل 4 ميجا في مصر.

المشاركة الأصلية كتبت بواسطة MaZaGAngeE

فعلا محتاجين ثورة انترنت .......... انا هعمل كده بس لما تي داتا تدخلي نت بعد شهرين تلاتة ويمكن اكتر ...ده كلام الموظف
و ده في سنترال م نصر 2 مش في ادغال الصعيد

ياااااااااااااااااااه فكرتني بايام صعبه قوي مع الشركه الزباله دي هيه و السنترال

نفس الحوار اتقالي
كنت معزل جديد و الشقه الاولى كانت على سنترال مدينه نصر 1 الشقه الجديده على سنترال 2

رحت احول الخدمه على الرقم الجديد الموظف قاللي نفس الكلام ( معلش يا فندم السنترال في تبديلات و اصلاحات فالخدمه هتتأخر شويه )

قعدت مستني مفيش فايده كل ما اتصل يقوللي هاعملك طلب استعجال ( عملت ييجي 5 طلب استعجال مفيش فايده )

المهم نزلت فرع فودافون سألت على النت عندهم قالولي هنركبهولك في خلال 14 يوم فقط لا هيزيدوا و ممكن يقلوا كمان و في سنترال 2 كمان مفيش مشكله

المهم اتصلت بتي اي داتا قلتلهم عايز الغي الاشتراك
قالولي ليه يا فندم و الحوارات دي
و في الاخر البنت قالتلي خلاص ممكن تيجي الفرع بالبطاقه و تلغي الاشتراك
بس ممكن اعملك طلب استعجال تاني
قلتلها اعملي مش هتفرق انا عملت 5 قبل كده مفيش فايده قالتلي معلش اخر واحد

تاني يوم و انا راكب و رايح الفرع عشان الغي لاقيت رساله جاتلي على الموبايل كنت نصها كالاتي

Dear customer your service is ready

يعني من الاخر دي شركات زباله متجيش غير بالتهديد

يعني لو ماشي محترم محدش هيكلمك اول ما تبتدي تهدد هتلاقي كل اللي انت عايزه اتحقق

ربنا يوفقك

طيب يوجد افتراض ان الشركة تحاول تعلم على العميل اللى يعمل معاها كده
يعنى ممكن تفصل عنه النت او تخليه مقرف وبطىء لحد ما العميل يكره الشركة ويكره نفسه وحتى مش هيعرف يعمل ثورة نت لان النت عنده فاصل
طبعا انا مش بكسر مقاديفكو
لكن بفكر بدماغ الشركة ياترى ممكن تعمل ايه

المشاركة الأصلية كتبت بواسطة maged

طيب يوجد افتراض ان الشركة تحاول تعلم على العميل اللى يعمل معاها كده
يعنى ممكن تفصل عنه النت او تخليه مقرف وبطىء لحد ما العميل يكره الشركة ويكره نفسه وحتى مش هيعرف يعمل ثورة نت لان النت عنده فاصل
طبعا انا مش بكسر مقاديفكو
لكن بفكر بدماغ الشركة ياترى ممكن تعمل ايه

خساره عميل فى شركه خدميه ده شى كارثى
لان العميل ده مش فرد ده مجموعه
يعنى عميل و لخو العميل و اصحابو و زميلو
تلافى ان العميل النتا خسرتو ده ممكن يخسرك ٥٠ ٦٠ عميل تانى بانو يقولهم دى شركه تعمدت انها ترخم عليا
و اكيد العملاء دول هيدورو على شركه منافسه يشتركو فيها
اهو ده اسمو موت و خراب ديار
الموضوع مش سهل كده
بص انا راى فى ثوره الانترنت دى انا سليمه
بس اصلن البنيه الاساسيه للاتصلات فى مصر ضعيفه
فا صعب
لان فى مصاريف تشغيل و هلما جاره فا تعليه السرعه صعب و تخفيض الاشتراك صعب
لاكن نتمنى

ساعات الواحد بيفكر انه يلغى الخدمة مع تى اى داتا وطبعا هيدوخونى السبع دوخات علشان رقم الالغاء
ففكرت انى ارميلهم خط التليفون وارفعه من الخدمه واشترك فى خط جديد وادخل عليه نت فودافون واهو ارحم شوية من الزبالة التانية كده كده خط التليفون مبقاش ليه قيمه غير للنت بس

المشاركة الأصلية كتبت بواسطة maged

طيب يوجد افتراض ان الشركة تحاول تعلم على العميل اللى يعمل معاها كده
يعنى ممكن تفصل عنه النت او تخليه مقرف وبطىء لحد ما العميل يكره الشركة ويكره نفسه وحتى مش هيعرف يعمل ثورة نت لان النت عنده فاصل
طبعا انا مش بكسر مقاديفكو
لكن بفكر بدماغ الشركة ياترى ممكن تعمل ايه

اناعندى واحد صاحبى شغال فى شركة من دول وقالى ان اللى بيجى يدفع فكه بيتحط رقمه فى شيت معين مطلوب منهم ...ربنا يستر