الموضوع: ثورة الانترنت حد دفع فاتورة النت فضه انا دفعت فضه

اهم حاجه نكمل و نفضل ندفع فضه مش بس بيجمدوها بمبلع اقل كمان بيكوت فيه صعوبه فى عدها و نقلها و تخزينها
لما ابل كسبت القضيه بكذا مليون من سامسونج راخت سامسونج دافعه الغرامه بعملات معدنيه عربيات نقل مليانه عملات معدنيه كانت كارثه بالنسبه لابل

بمعنى تانى مش هتخسر حاجه لما تدفع الفاتوره فضه بس هو هيخسر و اذا استمر الموضوع هيجيب نتيجه و احنا المستفيدين ال 20 جيجا سرعه فى تونس الى هيا زينا فى المستوى الاقتصادى تعادل 35 جنيه شهريا مش هاتكلم عن اليابان ولا امريكا كفايه استهبال بقى

احسن حل

المشاركة الأصلية كتبت بواسطة maged

طيب اذا كان ده حل
ممكن نعمل كده فى سلعة اكثر اهمية من النت يعنى فاتورة الكهرباء - اللحمة من عند الجزار - فاتورة التليفون - الدروس الخصوصية - مصاريف المدارس -
طيب لو فرضنا ان مقدم السلعة رفض يبيعلك هتعمل ايه
يعنى لو الشركة قررت انها لا تقبل العملات المعدنيه ورفضت استلام الفلوس بحجة ان عد العملات المعدنية سوف يأخذ وقت وتسبب فى تعطيل المشتركين اثناء الدفع هتعمل ايه لو فصلوا النت عنك

كلام منطقى
اولا مفيش مانع نبتدى بحاجه مش مهمه عند ناس كتير زى النت و لما الناس يشوفوا ان ده نجح يطبقوه على الحاجات الاهم
دى نقطه النقطه التانيه ان فيه نص فى القانون يجرم عدم قبول العمله المعدنيه و يعتبره اهانه للعمله وللوطن فلا يستطيع مقدم الخدمه ان يرفض و فعلا انا جربت بنفسى النهارده وكنت متوقع خناقه و مستعد اعمل محضر فى القسم ورايح اسن سنانًى على مشكله ومكلم معدين فى قنوات فضائيه وجاهز بس للاسف طلعت كيس الفلوس خده من غير ولا كلمه وقاللى احنا عندنا تعليمات منرفضش اى فلوس
اخيرا دى وسيله للتعبير عن الرفض لو عند حضرتك اقتراح افضل يا ريت تشاركنا بيه ولو معندكش ارجو من حضرتك تنضم لينا و نجرب خمس ست اشهر نشوف يمكن ننجح