الموضوع: ثورة الانترنت حد دفع فاتورة النت فضه انا دفعت فضه

انا هدفع المبلغ ده بكره عبارة عن 304 جنيه لإشتراك 4 ميجا
وبجد ياجماعة لازم كلنا نعمل كده ممكن حاجه تحصل !!

المشكلة فى الشعب دة تلاقى 10 مشتركين فى نت 512 كيلو وزعلانين اوى ان النت بطئ طب انت بلد مفهاش بنية تحتية وكابلات التليفونات زفت ... انا عن نفسى مشترك فى تى اى داتا الطلقة بسرعة 2 ميجا وبصراحة شغال زى الفل ولو قطع باتصل بيهم المشكلة بتتحل فى ساعتها لكن صحابى مشتركين 5 فى سرعة 1 ميجا وطاحنين الداونلود ويقولك النت بطئ

مش فاهم

المشاركة الأصلية كتبت بواسطة egyzizo

المشكلة فى الشعب ده ، ان 100 جنيه اشتراك شهرى للنت فلوس مبالغ فيها عند ناس كتير متوسط دخولهم لا يسمح بهذه الرفاهية.

هم بيضطروا يعملوا كده علشان سعر الاشتراك مبالغ فيه بالنسبة لمرتبات الشباب فى مصر ، عشان كده بيعترضوا ، لتقليل الأسعار وتحسين الخدمة.

ربنا يرزق الجميع هى يعنى جت عالنت ما كل حاجة غالية

المشاركة الأصلية كتبت بواسطة ahmed khalifa

اهم حاجه نكمل و نفضل ندفع فضه مش بس بيجمدوها بمبلع اقل كمان بيكوت فيه صعوبه فى عدها و نقلها و تخزينها
لما ابل كسبت القضيه بكذا مليون من سامسونج راخت سامسونج دافعه الغرامه بعملات معدنيه عربيات نقل مليانه عملات معدنيه كانت كارثه بالنسبه لابل

بمعنى تانى مش هتخسر حاجه لما تدفع الفاتوره فضه بس هو هيخسر و اذا استمر الموضوع هيجيب نتيجه و احنا المستفيدين ال 20 جيجا سرعه فى تونس الى هيا زينا فى المستوى الاقتصادى تعادل 35 جنيه شهريا مش هاتكلم عن اليابان ولا امريكا كفايه استهبال بقى

الموضوع بتاع ابل وسامسونج مش مظبوط لان القانون الامريكى بيدى الحق فى رفض فئات معينة من العملات . دى للتوضيح

بالنسبة لمصر القانون بيمنع رفض اى نوع من العملات يعنى لو حد لغاية دلوقتى رفض 10 قروش الورق ممكن يتحبس و افتكر لغاية قريب كارفور و مترو كان بيستخدمها

انا روحت دفعت اشتراكين انصاص وارباع فى تى اى داتا واتصالات الموظفين كان هاين عليم يسبولى والموظف بتاع اتصالات اول ما دخلتلة فضل يضحك ويقولى احنا اصلا محتاجين فضة والى بتعملوة دة مش هيجيب نتيجة المهم اديتلة السرة كانو 101 خليتة يلف حوالين نفسة وعدهم 5 مرات تخيلو 101 انصاص وارباع مفيش جنيهات