حد عندة مشكلة مع فتيس البومة الجديد ؟

**kazamodia** · 11-03-2014 10:00 PM

يا جماعة انا معايا بومة 2013 الفتيس الجديد وبصراحة الفتيس ده وحش جدا مش مظبط نقلاته خالص ينعي ممكن اكون سايق على سرعة 20 ولا حاجة والاقي جايب التالت والسحب ضايع وكل شوية انقلها على المانيول عشان اعرف اسوق
حد عنده نفس المشكلة دي ؟؟ مع اني لو سايق مانيول بيبقى حلو جدا والسحب جميل

**manfromegy** · 11-03-2014 10:21 PM

مع إحترامي حضرتك الفتيس كويس جدا هوا بيتعود علي طريقه سواقتك أنا معايا ال 2013 و الحمد لله تمام و مافيش أي مشاكل

**muhmado_furp** · 12-03-2014 02:09 AM

المشاركة الأصلية كتبت بواسطة kazamodia

يا جماعة انا معايا بومة 2013 الفتيس الجديد وبصراحة الفتيس ده وحش جدا مش مظبط نقلاته خالص ينعي ممكن اكون سايق على سرعة 20 ولا حاجة والاقي جايب التالت والسحب ضايع وكل شوية انقلها على المانيول عشان اعرف اسوق
حد عنده نفس المشكلة دي ؟؟ مع اني لو سايق مانيول بيبقى حلو جدا والسحب جميل

وحضرتك شاغل بالك ليه
ضمانك في جيبك وعربيتك تحت رجليك وعلي طول علي التوكيل ومتسبش حقك

**Ramy.Gamal** · 12-03-2014 02:35 AM

ممكن يكون الفيتيس عاوز يقلل استهلاك الوقود و علشان كده انت حاسس انه بيغير النقلات على السرعات القليله

**mamd_3000** · 12-03-2014 04:42 PM

بوص يا غالى الفتيس دة معاية مشاء الله علية فى الجرى والسرعات لاكن لو هتمشى براحة هتلقية جايب التالت ومنيم المتور جمبة والسبب بعد التدوير والفحص والى فهمتة انة موفر للبنزين وعشان كدة مبخليش الار بى ام يعلى ودة عيب رخم لاكن طول ما انت ماشى بتدوس وتقرص هو ممتاز ومفيش حل غير انك تشغلة جير عادى

**kazamodia** · 12-03-2014 09:09 PM

المشاركة الأصلية كتبت بواسطة muhmado_furp

وحضرتك شاغل بالك ليه
ضمانك في جيبك وعربيتك تحت رجليك وعلي طول علي التوكيل ومتسبش حقك

منا رحت التوكيل المهندس جربها قال لي مفيهاش حاجة هي نظامها كده

**kazamodia** · 12-03-2014 09:10 PM

المشاركة الأصلية كتبت بواسطة mamd_3000

بوص يا غالى الفتيس دة معاية مشاء الله علية فى الجرى والسرعات لاكن لو هتمشى براحة هتلقية جايب التالت ومنيم المتور جمبة والسبب بعد التدوير والفحص والى فهمتة انة موفر للبنزين وعشان كدة مبخليش الار بى ام يعلى ودة عيب رخم لاكن طول ما انت ماشى بتدوس وتقرص هو ممتاز ومفيش حل غير انك تشغلة جير عادى

ايوا فعلا في الجري حلو جدا بس بيبقى رخم انك ك شوية تشغله جير عادي

**MR . Gold** · 12-03-2014 09:38 PM

ياباشا الفتيس اللي مع حضرتك الاستيبترونيك دة جباااااااااااااااااااااار عن تجربة كان معي موديل 2010 نفس الفتيس اللي مع حضرتك معلش في اللفظ ........... شغل .. ربنا يباركلك في عربيتك واستمتع بيها وكنت بمشي بيها اتوماتيك فقط وعلي 200 و 190 والله وبسيط لو مشيت علي العادي

**kazamodia** · 13-03-2014 12:38 AM

المشاركة الأصلية كتبت بواسطة lancar

ياباشا الفتيس اللي مع حضرتك الاستيبترونيك دة جباااااااااااااااااااااار عن تجربة كان معي موديل 2010 نفس الفتيس اللي مع حضرتك معلش في اللفظ ........... شغل .. ربنا يباركلك في عربيتك واستمتع بيها وكنت بمشي بيها اتوماتيك فقط وعلي 200 و 190 والله وبسيط لو مشيت علي العادي

ايوا الفتيس فعلا حلو جا في الشد والجري بس في الزحمة مش حلو بيجيب نقلات غلط عشان يوفر بنزين ولو كمان مشغل التكييف والعربية محملة بتلاقيها فعلا بطة بلدي في الزحمة

**mamd_3000** · 13-03-2014 07:10 AM

المشاركة الأصلية كتبت بواسطة kazamodia

ايوا الفتيس فعلا حلو جا في الشد والجري بس في الزحمة مش حلو بيجيب نقلات غلط عشان يوفر بنزين ولو كمان مشغل التكييف والعربية محملة بتلاقيها فعلا بطة بلدي في الزحمة

معلومة بس الفتيس دة ان اشتريت لية طقم اصلاح داخلى كامل متسوبيشى من العسائى رغم ان الى معاية ماشاء الله وبعتهم مصر وركنتهم فى البيت بكرتونتهم عشان لو لقدر الله حصلة حاجة ونفسى اعرف اذا كان بيتباع طقم الاصلاح فى مصر ولا اية وسعرة كام لو بتروح التوكيل اسئل وقولى
لاكن الفتس القديم مش بيتصلح شيل وارمى وهات غيرة