الموضوع: مشكلة فى باسات 2011 الشكل الجديد

المشاركة الأصلية كتبت بواسطة man_66666661

شكرا لرد حضرتك انا فعلا رحت التوكيل وقالى ان المانيا اوصت بتغيير زيت الفتيس وجابه زيت فتيس يناسب درجة الحرارة عندنا وتم تغيير الزيت وعمل سوفت وير للفتيس بس المشكلة مزالت قائمة

هوا ده نظامهم يعمل سوفت وير ولا ليه تلاتين لزمه و تفضل تلف حوالين نفسك
حضرتك تروح تزعق و تصر ان الفتيس يتغير بالكامل عشان الضمان قرب يخلص بدل ما تتفاجئ انها تقف بيك في وسط الطريق و ده اللي حصل مع ناس كتير اعرفهم

المشاركة الأصلية كتبت بواسطة inspiron

أنصحك بالتوجه للوكيل عدِل وتعرف المشكلة فين بالظبط منهم هما..وأي حاجة هما هيتحملوها مش حضرتك
وإن شاء الله تطلع حاجة بسيطة وبعد ما تخلص اتبع الآتي نصيحة لوجه الله عشان تنسي الفتيس خالص :-

1- في الزحمة والإشارات متسبش الفتيس علي الـ d دايماً يكون n
2- في الزحمة أيضاً تستخدم الستيب ترونيك بحيث العربية تتحرك علي الغيار الأول فقط زيها زي المنوال لأنك لو خليته علي الأوتوماتيك هتتحرك علي التاني وده جهد علي الفتيس.
3- مجرد ما يكون الطريق ماشي بسيولة ومش مخنوق خليها أوتوماتيك عادي.

كل الخطوات دي سببها إن الفتيس ده ما هو إلا فتيس منوال بس عامل نفسه أوتوماتيك :)

هههههه حلوه عامل نفسه مانيوال المصيبه ان الناس لما بتروح تشتري مكنتش تعرف المعلومه دي و لبست في الحيط
كل اللي قلته مظبوط تقريبا ما عدا موضوع الستبترونيك مش عملي الصراحه لاني جربته و كمان كنت مركب طاره بالشيفتات و مكودها لسهولة الموضوع
فتيس ٧ نقلات ستبترونيك في الزحمه صعبه شويه و خصوصا بقى لما تبقى على التاني و تلمس الفرامل تلقاها جابت الاول بهبده جامده كاءنها فرملت و ده مش موجود في الاوتو مود اللي فيه العربيه شبه بتطلع على التاني يعني خيارين كلاهما مر و الكلام ده عن تجارب طويله مريره

المشاركة الأصلية كتبت بواسطة inspiron

تسلم علي ردك يا باشا

بالنسبة ليا الموضوع مش بالصعوبة دي..بتعامل معاه كأنه منوال بالظبط..وموضوع الهبدة في النزول من التاني للأول ده محصلش إطلاقاً.وبالنسبة لموضوع إنها شبه بتطلع علي التاني فأنا في المطبات أو الحركة من الثبات بطلع بالمنوال وأشبع الغيار الأول بعدين أحول لأوتوماتيك..

طبعاً أنا عارف إن من الكلام الناس هتستصعب الموضوع..لكن وقت التجربة بالخطوات اللي ذكرتها الموضوع بسيط :)

تحياتي..ومتابع

ربنا يبارك لك في عربيتك لحد ما تعمل مليون كيلو

دي مشكلة اسطوانة الدبرياج حصل معايا نفس الموقف بالظبط
و عربيتي موديل 2011 بردو بس عملة 120000 كم لظروف السفر اليومي
في الاول غيرولي الزيت و عملو ابديت للسوفت وير و الرجة ما راحتش
رحت عملت خناقة و زعقت شوية
غيرولي اسطوانة الدبرياج كله ببالاش
والعربية دلوقتي تمام جدا ولا رجة و لا نتشة

المشاركة الأصلية كتبت بواسطة amromaged

دي مشكلة اسطوانة الدبرياج حصل معايا نفس الموقف بالظبط
و عربيتي موديل 2011 بردو بس عملة 120000 كم لظروف السفر اليومي
في الاول غيرولي الزيت و عملو ابديت للسوفت وير و الرجة ما راحتش
رحت عملت خناقة و زعقت شوية
غيرولي اسطوانة الدبرياج كله ببالاش
والعربية دلوقتي تمام جدا ولا رجة و لا نتشة

حضرتك طبيعة سفرك مريحه الفتيس على الاخر
يعني نقدر نقول ان ال ١٠٠ الف كم سفر بمقام ٣ الاف جوه البلد

بحمد الله تم حل المشكلة وتبين فعلا انها اسطوانة دبرياج وتم التغيير وانتهى العيب منها وبالسؤال فى التوكيل ازاى يمكن تلافى العيب او المشكلة ده افادونى انها مالهاش ميعاد زى تيل الفرامل مثلا ولحد هذا الوقت المانيا مش عارفة ميعاد لاسطوانة الدبرياج بس كل الى راح يشتكى من المشكلة ده تم تغيير الاسطوانة مجانا وافادونى لما اكون فى الزحمة اخلى العربية تطلع على المانيوال او الـ s وهذا لافاده اعضاء المنتدى .