احذروا من التعامل مع مركز وهدان للصيانة

**haitham4vip** · 30-03-2014 04:45 AM

حصل معاى مشكله بردو ف مركزوهدان وطلع انه مركز مش توكيل ودى قضيه نصب تانيه من وهدان بس بمبلغ عالى جدا وان شاء الله هوديه ف 60000 داهيه
اللى معاه الحق ولا يفرق معاااه

**unisman** · 30-03-2014 02:16 PM

علي اداره المنتدي العزيزه التكرم بوضع تحذير رسمي علي الموقع من هذا النصاب المحتال ابن ال .........
لتنبيه الساده الأعضاء الكرام من التعامل مع الأشكال دي بجد
احني مش ناقصين

ربنا يعوض عليك يا رب باحسن منها الف مره
انا لسه مسروق امبارح
محدش بيعدي سليم في البلد دي اليومين دول
لا حول و لا قوة الا بالله

**AhmedIG** · 07-04-2014 01:51 AM

كلمني المهندس طارق وهدان, مدير فرع أكتوبر, وطلب اننا نتقابل وحل الموضوع بطريقة ودية لكونه سوء تفاهم وتصرف من احد العاملين بالمركز من غير قصد على حد قوله, وفعلا تقابلنا وكان في قمة الإحترام وشرحلي الموقف واللي حصل واعترف ان المركز يتحمل خطأ التقرير واللي حصل بدون قصد. تم التراضي بيننا وتم تعويضي بمبلغ مالي لتعويض جزء من الخسارة, وتم التنازل عن الشكوى في جهاز حماية المستهلك.
شكرا جدا للمنتدى ده والله وكل الناس اللي كلموني وحاولوا يساعدوني وكفاية علي دعواتكم دي

**zangry** · 07-04-2014 01:54 AM

المشاركة الأصلية كتبت بواسطة ahmedig

كلمني المهندس طارق وهدان, مدير فرع أكتوبر, وطلب اننا نتقابل وحل الموضوع بطريقة ودية لكونه سوء تفاهم وتصرف من احد العاملين بالمركز من غير قصد على حد قوله, وفعلا تقابلنا وكان في قمة الإحترام وشرحلي الموقف واللي حصل واعترف ان المركز يتحمل خطأ التقرير واللي حصل بدون قصد. تم التراضي بيننا وتم تعويضي بمبلغ مالي لتعويض جزء من الخسارة, وتم التنازل عن الشكوى في جهاز حماية المستهلك.
شكرا جدا للمنتدى ده والله وكل الناس اللي كلموني وحاولوا يساعدوني وكفاية علي دعواتكم دي

مبروك لحل المشكلة ،، عملت اية مع القاضي؟

**insurancebroke** · 06-05-2014 12:16 PM

وهدان اشترى العربية خلاص عشان يخلص من مشكله حمايه المستهلك

**sala7** · 06-05-2014 02:20 PM

قال سبحانه مخاطبًا عبده الصالح داود عليه السلام بقوله: يَا دَاوُدُ إِنَّا جَعَلْنَاكَ خَلِيفَةً فِي الْأَرْضِ فَاحْكُمْ بَيْنَ النَّاسِ بِالْحَقِّ وَلا تَتَّبِعِ الْهَوَى فَيُضِلَّكَ عَنْ سَبِيلِ اللَّهِ إِنَّ الَّذِينَ يَضِلُّونَ عَنْ سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ[ص:26]

قال نبينا الصادق الامين صلى الله عليه و سلم القضاة ثلاثة: قاضيان في النار وقاضٍ في الجنة. رجل قضى بغير الحق فعلم ذاك فذاك في النار، وقاض لا يعلم فأهلك حقوق الناس فهو في النار، وقاضٍ قضى الحق فذلك في الجنّة. رواه الترمذي.

يكفيك اخي ان لو فلوسك ضاعت في الدنيا مش مهم ابدا ، لانها ممكن دي تكون سبب نجاتك من النار ، وقت الحساب لو ماعندكش حسنات رب العالمين ياخد من سيئاتك و يديله هو و اللي متواطىء معاه في مركز الصيانه

**master-007** · 06-05-2014 06:57 PM

الف مبرووك ..لا يضيع حق ورائه مطالب .. لو فضلنا كده ايد واحده ونفضح اى حد بينصب ويغش .. مفيش حد هايقدر ينصب علينا تانى .

**nagy wassef** · 15-05-2014 01:32 AM

الف مبروك انك اخدت حقك
لا ضاع حق ورائه مطالب
بس ياترى مصير العربية هيكون ايه؟
ياترى هيبعها لواحد طفحان الدم فى ثمنها على انها فابريكا؟
ولا هيبيعها على انها كانت عاملة حادثة و يبيعها برخص التراب و يبقى خسر مرتين؟
ولا هيستخدمها استخدام شخصى؟
ربنا يهديه لتصرف مايغضبش ربنا ويشيل ذنب واحد تانى
عامتا الف مبروك مرة تانية
نصيحتى لو حابب الاسكودا روح احجز رابيد زيرو هاى لاين ب165900

**ahmedalian** · 15-05-2014 09:08 AM

رغم سعادتي بإن الأخ المحترم اللي حصل فيه الفصل البايخ ده تم مراضاته في الآخر وحصل على تعويض جزئي، لكن أنا كان بودي إنه لا يتنازل الا بإن العربية ترجع لصاحبها أو يشتريها المركز منه.

وعموما الدرس المستفاد ليا شخصيا إني مش حخاطر واشتري أي حاجة بفلوس من قاضي او ضابط شرطة مخافة انه يستغل منصبه.

سبحان الله: "ألا يظن أولئك أنهم مبعوثون ليوم عظيم، يوم يقوم الناس لرب العالمين".

حسبنا الله ونعم الوكيل.