شوف طالما الموضوع فيه حد من الشامخ
انسي انك تعرف تاخد اي حق في البلد دي
العيب والحق مش علي صاحب المركز
العيب علي الشخص المسمي
بظل الله في الارض
رقم العضوية : 157304
تاريخ التسجيل : 13Mar2014
المشاركات : 3
النوع : ذكر
الاقامة : مصر
السيارة: كورولا
السيارة[2]: لانسر
الحالة :
الشكوى دي في مركز صيانة السيارات " المراكز الإلكترونية لخدمة السيارات" اللي معروف باسم مركز وهدان.
القصة بدأت من شهر وأنا كنت بدور على عربية سكودا فبريكة مستعملة استعمال بسيط على الانترنت, ولقيت واحدة عجبتني جدا شكلها انها نضيفة جدا وماشية حاجة بسيطة.
المهم زي أي حد في الدنيا بيكون عاوز يشتري عربية مستعملة نضيفة, بيروح بيها التوكيل أو مركز صيانة رسمي للماركة بتاعة العربية علشان يكشف عليها ويفحصها فحص كلي.
صاحب السيارة كان قاضي في المحكمة وأصر إنه يروح مركز وهدان ده للكشف بحجة إن العربية على طول بيتعملها الصيانة الدورية فيها. المهم وصلنا هناك وكان واضح جدا إن الناس كلها هناك أصحاب القاضي ومدير الفرع ووهدان نفسه صاحب المكان أصحابه جدا.
المهم التقرير طلع إن العربية فبريكة بالكامل ومية مية وملهاش أخت, فقولت أتوكل على الله واشتريت العربية مع ان صاحب العربية بالغ جدا في ثمنها بس قولت تستاهل.
وبردو زي أي حد رحت لشركة تأمين علشان الأيام السودة اللي احنا فيها دي, وفوجئت بالوثيقة مكتوب عليها إن لا يجوز التأمين, ولما سألت عن السبب, طلعت العربية كانت عاملة حادثة كبيرة قوي واتباعت في مزاد من وحدة الهلاك الكلي في شركة التأمين!!!
رحت تأكدت من الكلام ده من المرور ورفعت العربية في بنزينة وقاللي نفس الكلام, إنها عاملة حادثة كبيرة وراشة برة في كل حتة!!
المهم قمت راجع لمركز وهدان النصابين دول, ودخلت عليهم دخلة أنا عاوز أفحص السيارة من غير ما أقولهم أنا مين ولا ايه مشكلتي. جالي مهندس, وبصباعه لف على العربية كلها في دقيقتين وقاللي دي كلها راشة برة!!! طبعا اتخانقت وعملت كل حاجة وجالي مدير الفرع وبكل برود يقولي اشتكي!! قمت كلمت رقم الشكاوى ووصلت لصاحب المكان اللي بكل برود يقولي, معنديش حاجة أعملهالك ونظام ملكش حاجة عندي وارجع للراجل اللي باعلك العربية!
رحت بعدها اشتكيت لشركة Artoc Auto اللي ماسكة التوكيل في مصر, واعترفوا ان في نصب حصل في الموضوع, ومع ذلك محدش جابلي حقي اللي اتاكل من شركة النصابين وهدان دول. طب ايه الفرق بين اني اكشف عند سمكري ولا بنزينة ولا أروح التوكيل وادفعلي 400 جنيه ثمن التعرض لنصب؟!
قولت ساعتها مفيش إلا اللجوء لحماية المستهلك, وفعلا قدمت شكوى والناس مشكورين بعتوا لشركة وهدان إستعلام. وطبعا صاحب مركز الصيانة المحترم بدلا من إنه يقول أي كلمة اعتذار, اتصل بي يهددني ويقولي انه هيرفع علي قضية تشهير!!
دول عالم نصابين لا عندهم ذمة ولا ضمير والله أعلم خدوا رشوة ولا اتكوست ولا ايه اللي حصل!
أنا حاطط أهو التقرير بتاع وهدان بختمهم وكل حاجة وتقرير شركة التأمين اللي بيقول ان العربية دي مكهنة ولا يجوز التأمين! أنا بس شلت أرقام العربية والشاسيه وسبت الحروف علشان الناس تطابق وتشوف
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
شوف طالما الموضوع فيه حد من الشامخ
انسي انك تعرف تاخد اي حق في البلد دي
العيب والحق مش علي صاحب المركز
العيب علي الشخص المسمي
بظل الله في الارض
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 157304
تاريخ التسجيل : 13Mar2014
المشاركات : 3
النوع : ذكر
الاقامة : مصر
السيارة: كورولا
السيارة[2]: لانسر
الحالة :
حسبي الله ونعم الوكيل!
رقم العضوية : 151482
تاريخ التسجيل : 11Nov2013
المشاركات : 650
النوع : ذكر
الاقامة : القاهره
السيارة: هوتداى
السيارة[2]: سوزوكى
الحالة :
اعمل للاثنين محضر نصب واحتيال
واعمله في مكتب النائب العام هتلاقي الاتنين اتصلو بيك عشان الموضوع يخلص ودى
رقم العضوية : 97188
تاريخ التسجيل : 01May2011
المشاركات : 786
النوع : ذكر
الاقامة : DUBAI
السيارة: octavia a5
السيارة[2]: octavia a5
دراجة بخارية: Honda cbr 400
الحالة :
باشا اوعى يهمك انه قاضى انت اطلع على وزارة العدل التفتيش القضائى وقدم فيه شكوه وممكن يتفصل فيها اصلا وسمعته تتاثر وخد حقك
وممكن اعرف انت خدتها منه بكام وهى هاى لاين ولا اى فئة
رقم العضوية : 157243
تاريخ التسجيل : 11Mar2014
المشاركات : 12
النوع : ذكر
الاقامة : grave
السيارة: none
السيارة[2]: foot
الحالة :
نصيحة للزميل المحترم ، اعمل اللي عليك وقدم شكوى للنائب العام ولمجلس القضاء الاعلى
واطبع ملخص لعملية النصب وصور الف نسخة منها ووزعها على كل المعارف واصحاب الورش
ونصيحة لكل الزملاء
1- اوعى تشتري من قاضي او ضابط شرطة
2- عاوز تكشف يبقى في التوكيل غير كده لا
3- ان لم تتمكن من الكشف في التوكيل لا تجعل البائع يختار مكان الكشف ، المشتري هو الذي يحدد لانه هو الذي يدفع
انا حزين لاجلك وارجو من الله ان يعوضك خيرا
رقم العضوية : 146992
تاريخ التسجيل : 06Aug2013
المشاركات : 61
النوع : ذكر
الاقامة : caiiro
السيارة: -
السيارة[2]: toyota corolla 2009
الحالة :
فى حديث شريف قال رسول الله صلى الله عليه وسلم من غشنا ليس منا " والقاضى اللى باعلك العربية غشاش وهو عارف انه غشاش فلا تسكت يا أخى عن حقك واشتكى فى التفتيش القضائى وارفع قضية على مركز وهدان والله المستعان
رقم العضوية : 26900
تاريخ التسجيل : 05Dec2008
المشاركات : 2,549
النوع : ذكر
الاقامة : Cairo
السيارة: nissan sunny 2010
السيارة[2]: فولكس بورا 2002
دراجة بخارية: لا يوجد
الحالة :
بصراحة انت الي وقعت نفسك في الغلط
اولا عشان عربية قاضي
ثانيا عشان خليتة هو الي يحدد المكان الي يتعمل فية الصيانة وده خطاء فادح
ومتتخمش في الناس دي انه قاضي او ضابط شرطة انه هيكون محترم
عموما اعملة شوشرة في هيئة القضاء ومجلس الدولة والنيابة الادارية واطرق كل الابواب كفاية بس الشوشة
ومتخفش من التهديدات لا يضيع حق ورائة مطالب
[rmade]http://img215.imageshack.us/img215/3925/23438488.jpg[/rmade]
رقم العضوية : 19173
تاريخ التسجيل : 16Sep2008
المشاركات : 4,876
النوع : ذكر
الاقامة : Giza
السيارة: __________
السيارة[2]: __________
دراجة بخارية: ______________
الحالة :
اوعى تسيب حقك
طيب ما اللى خلى وهدان ينصب فالكشف يخليه ينصب فالصيانه
انا اتأكد انه عمل صيانه ازاى ؟ والدى عنده اوكتافيا و بيعمل الصيانه عند وهدان علشان قريب للبيت
لو فيه مكان تانى قريب من اكتوبر نروح كلنا نعمل صيانه هناك و نبعد عن وهدان ونصبه
[sor2]http://s8.postimg.org/y3vj7185h/new5115.png[/sor2]
سبحان الله و بحمده سبحان الله العظيم
رقم العضوية : 77660
تاريخ التسجيل : 14Aug2010
المشاركات : 4,054
النوع : ذكر
الاقامة : EL_HARAM__MISR
السيارة: HE
السيارة[2]: HM
دراجة بخارية: No
الحالة :
يا ساتر يا رب
ربنا يعوضك خير
لكن متسبش حقك و تابعه بكل الطرق
أول شئ كان لازم تعملة إنك تتصل بالبائع و تقولة أنك أكتشفت نصبه و تحاول ترجع العربيه
بعدها لو ما أستجبش تعمل محضر للمركز و في البائع
و متتعاملش مع الباع علي إنه قاضي ... تعامل علي إنه نصاب و حسسه أنه نصاب
و الله ما عارف أقولك أيه غير ربنا يعوضك
وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ
المفضلات