الموضوع: خبطه فى مقدمة الكبوت و مش هاتنفع تتصلح على البارد

الحمد لله على كل شئ أولاً و أخيراً

النهارده جارى مشكوراً طلع قالى إنه و هو راجع بالعربية بتاعته ريح على الكبوت عندى , و النتيجة إنبعاجه بإتجاه الداخل تحت شعار بيجو, الحمد لله الخبطه مش مسمعه أكتر من كده. طبعاً هو قالى إنه هايتحمل تكلفة السمكرة - هو قالى عنده واحد معرفه سمكرى - او انا ممكن اشوف سمكرى من عندى.

نظراً إننا بالليل ملحقتش أخد صورة عشان ارفعها, بكره الصبح إن شاء الله, فاستخدمت صورة من حادثه لأحد الأعضاء - ربنا يصبره - و عملت علامه باللون الأحمر على مكان الخبطه عندى.

المهم رحت لسمكرى قالى مش هاتنفع تتعمل على البارد لإن وراها عضم, فهل الكلام ده صحيح و لا فى حل تانى يكون تكلفته اقل من تكلفة تغيير الكبوت و من غير الكبوت ميتبهدل فى السمكرة ده لو ينفع تتسمكر؟

http://i58.tinypic.com/2co0805.jpg