الموضوع: اشترك نت مع مين ؟

Usp من اي شركة وريح دماغك واقعد اتصل بتي اي داتا كل شوية في حاجة اسمها طلب استعجال علشان الي بيحصل بيكون في عدد بورتات معينة في السنترال واتملت وفيه 50 واحد علي الانتظار فلما حد ميدفعش او يلغي خطه او يعزل بيخش علي البورت بتاعه فموت ياحمار احسن ليك هات يو اس بي وفيه انواع دلوقت فيها واير ليس تشغلك كل الاجهزة وفي طريقة تخلي اللاب توب يعطي واير ليس اسأل عليها ارجو اكون افادتك

فعلا الاهم السنترال و فى الاخر كل شركات النت فى مصر زفت الزفت و محدش فيهم بيفهم حاجه

المشاركة الأصلية كتبت بواسطة mostafa_dreem

usp من اي شركة وريح دماغك واقعد اتصل بتي اي داتا كل شوية في حاجة اسمها طلب استعجال علشان الي بيحصل بيكون في عدد بورتات معينة في السنترال واتملت وفيه 50 واحد علي الانتظار فلما حد ميدفعش او يلغي خطه او يعزل بيخش علي البورت بتاعه فموت ياحمار احسن ليك هات يو اس بي وفيه انواع دلوقت فيها واير ليس تشغلك كل الاجهزة وفي طريقة تخلي اللاب توب يعطي واير ليس اسأل عليها ارجو اكون افادتك

انا عندي فعلا يو اس بي من اتصالات و فودافون ....
فودافون كويسة بس بتفقل بعد ما الباقة تخلص و اتصالات لما الباقة تخلص بتنزل السرعة و انا قرفت من كده ....
موبينيل سالت عندهم لقيتهم بيقفلو برضه زي فودافون ...

عملت دي اس ال من اتصالات 1 ميجا بس بطيء ...
عايز اشترك مع شركة تانية عشان كده تهريج....
السنترال بتاعي هوه مدينة نصر 2 اللي جنب السراج
و انا مش هحايل تي داتا عشان ادفعللهم اشتراك....المفروض العكس ...يعني همه اللي يعملولي عروض عشان احول لعندهم مش انا اللي اروح اتحايل عليهم .... بس البلد حصل فيها انقلاب فطبيعي ان الشركات كمان تنقلب على الناس اللي بتدفلهم فلوس ....

طب معلش هستغل الموضوع في سؤالين,
هو أنا ينفع يبقى عندي خطين ADSL في البيت ؟
طب لو مينفعش, ايه نظام باقات الـUSB ؟ و هل في طريقة أستخدم الـWi Fi عن طريقها ؟

انا كنت رديت عليك يا باشا في الموضوع بتاع ثوره الانترنت

http://www.nilemotors.net/Nile/410010-a-5.html

و دي كانت تجربتي معاها و مع سنترال مدينه نصر 2

كنت معزل جديد و الشقه الاولى كانت على سنترال مدينه نصر 1 الشقه الجديده على سنترال 2

رحت احول الخدمه على الرقم الجديد الموظف قاللي نفس الكلام ( معلش يا فندم السنترال في تبديلات و اصلاحات فالخدمه هتتأخر شويه )

قعدت مستني مفيش فايده كل ما اتصل يقوللي هاعملك طلب استعجال ( عملت ييجي 5 طلب استعجال مفيش فايده )

المهم نزلت فرع فودافون سألت على النت عندهم قالولي هنركبهولك في خلال 14 يوم فقط لا هيزيدوا و ممكن يقلوا كمان و في سنترال 2 كمان مفيش مشكله

المهم اتصلت بتي اي داتا قلتلهم عايز الغي الاشتراك
قالولي ليه يا فندم و الحوارات دي
و في الاخر البنت قالتلي خلاص ممكن تيجي الفرع بالبطاقه و تلغي الاشتراك
بس ممكن اعملك طلب استعجال تاني
قلتلها اعملي مش هتفرق انا عملت 5 قبل كده مفيش فايده قالتلي معلش اخر واحد

تاني يوم و انا راكب و رايح الفرع عشان الغي لاقيت رساله جاتلي على الموبايل كنت نصها كالاتي

Dear customer your service is ready

يعني من الاخر دي شركات زباله متجيش غير بالتهديد

يعني لو ماشي محترم محدش هيكلمك اول ما تبتدي تهدد هتلاقي كل اللي انت عايزه اتحقق

ربنا يوفقك