الموضوع ده حرام ولا ايه !!

**rafeek633** · 14-03-2014 09:30 PM

المشاركة الأصلية كتبت بواسطة بومبو

بص ياباشا..
حتة حرام وحلال دي يتسأل فيها عالم دين بس اكيد ميكونش من من شيوخ السلطان اياهم
انما رأيي بعيدا عن التحريم والتحليل
ان اللي بيحصل فينا احنا هو اللي قمة الحرام
هل مرتباتنا وظروفنا ونيلتنا في مصر تتوافق مع كل الجمارك دي؟
وبالتالي بتزود اسعار العربيات بطريقة مهولة
يعني حلال ولا حرام ان الناس في كل بلاد الدنيا تركب احسن عربيات بنص واحيانا اقل من نص تمن العربيات هنا!
مثلا لو هتشتري أوبترا 2011 اوتوماتيك مواصفات خليجي بالتارة المالتي من السعودية هتشتريها بكام ريال؟
عارف هنا مش هتقل عن 90 الف جنيه...
رد انت بقى
عامة انا اعرف ناس ضربت الورقة دي وعدت عادي بدون مشاكل....

عندك حق والله امتى البلد دي تنضف بقى
احنا محكوم علينا لا نرتاح بره البلد ولا جوه البلد
كانو بيقولو انهم هايخلو الناس اللي عايزه تنزل سيارات من بره تدفع وديعه 10 الاف دولار .. وماتنفذش الموضوع ده مش عارف ليه

**Abdulrahman M** · 14-03-2014 09:40 PM

متابع

**بومبو** · 14-03-2014 10:05 PM

المشاركة الأصلية كتبت بواسطة rafeek633

عندك حق والله امتى البلد دي تنضف بقى
احنا محكوم علينا لا نرتاح بره البلد ولا جوه البلد
كانو بيقولو انهم هايخلو الناس اللي عايزه تنزل سيارات من بره تدفع وديعه 10 الاف دولار .. وماتنفذش الموضوع ده مش عارف ليه

ده كان حوار فاكس
هيدفعك ال10 الاف دولار لمدة معينة وبعدها ياخد منك باقي المبلغ كامل ومن وقت دخولها ... بعد ماتكون العربية سعرها قل جامد!

**بومبو** · 14-03-2014 10:07 PM

المشاركة الأصلية كتبت بواسطة rafeek633

الله ينور عليك يا باشا

بس سؤال بقى ..
يكون موديلها بعد ما دخلت السعودية ولا بعد ما طلعت رخصة قيادة ؟؟؟

لا وقت مادخلت السعودية من واقع الباسبور
مش هيشوف رخصة القيادة اصلا في الجمارك وحتى لو شاف رخصة العربية قوله جددتها في الميعاد ده!

**ibrahim sallam** · 15-03-2014 12:19 AM

متابع

**gade2** · 15-03-2014 10:53 AM

ياريت اللى عنده تجربه فى الموضوع يحكيلنا

**د.محمود صلاح** · 15-03-2014 11:16 AM

بعيدا عن موضوع شبهة الحرمانية بسبب التحايل على القانون والرشاوى والتزوير

اشتري نقس السيارة دي مستعملة في مصر وريح دماغك

**bassemali** · 15-03-2014 04:08 PM

المشاركة الأصلية كتبت بواسطة rafeek633

الله ينور عليك يا باشا

بس سؤال بقى ..
يكون موديلها بعد ما دخلت السعودية ولا بعد ما طلعت رخصة قيادة ؟؟؟

لا بعد مادخلت السعوديه مالهاش دعوه برخصة القياده لإنك ممكن تكون شاريها وجايب سواق مثلا .. مش شرط تاريخ رخصة السواقه المهم تاريخ دخولك البلد .

**bassemali** · 15-03-2014 04:18 PM

أحب اوضح لك نقطه .. اللعبه دي ماتتلعبش ف العربيات العاديه زي الكورولا أو السيراتو أو الياريس مثلا .. لإنك بعد ماتشوف تمنها هناك وتدفع جمركها وتدفع للي هيخلصلك الحوار ده هتلاقيه فرقها عن مصر ف السعر مش كبير .. ولا ف العربيات العاليه قوي زي المرسيدس والبي إم عشان ممكن تتهرش لأن العين هتبقى عليها .. لكن أحلى حاجه تتلعب ف الشيروكي .. الرانجلر .. البيجو .. الشيفروليه كابتيفا .. هونداي سانتافي .. كل العربيات دي هنا ف السعوديه أسعارها ببلاش .. ولما تيجي تنزلها مصر وتدفع جمركها تلاقيها فرقت معاك كتير عن سعرها ف مصر .. هنضرب مثل :
جيب شيروكي ليبرتي من 2005 إلى 2007 تمنها ف مصر لايقل عن 180000 جنيه في افضل الأحوال .. ف السعوديه تمنها لايتجاوز 50000 جنيه ف أفضل حالاتها .. تحسب بقى جمركها اللي هو وقت ماكانت جديده كان حوالي 150000 جنيه .. هتاخد خصم 50% للأستعمال يبقى هتفع 75000 تقريبا أو نقول 90000 مع الإكراميات يبقى وقفت عليك العربيه تقريبا ب 150000 .. ولو حبيت تبيعها ف مصر تبيعها بقى مش ب 180 ألف .. لأ ب 220 ألف ع الأقل لإنها مواصفات خليجي واللي في مصر تجميع مصري .