أنا عايش هنا ف السعوديه 8 سنين والموضوع أتعرض عليا قبل كده ..
بص ياسيدي .. أولا لازم العربيه اللي تشتريها يكون موديلها بعد تاريخ دخولك السعوديه أول مره
ثانيا .. النظام كالتالي .. هو بيضربلك فاتوره من الشركه الوكيل ف السعوديه عشان تعتبر إنت المالك الأول .. وبتاع الجمرك اللي أنت مضبطه بيكتب ف تقريره إنك ماجيبتش البرنت بتاع المرور وبيعتمد الفاتوره بتاعت الشركه .. والعمليه دي بتزود الجمرك عليك (لإنك مش معاك البرنت بتاع المرور هنا) 10 ألاف جنيه .
دي كل معلوماتي عن الموضوع .. عشان بقى الموضوع ده مايتكشفش .. أولا ماتجيبش عربيه غاليه .. مرسيدس شبح وبي إم والكلام ده .. أنسب عربيه للموضوع ده هيا الجيب الشيروكي .. هنا مالهاش سعر وف مصر تسوى مبلغ كبير .
وبالنسبه لحتة حرام .. لا هو مش حرام .. لإنك مابتسرقش .. إنت بتحاول تفلت من حرامي عايز يسرقك .. أيه بقى الحرم ف كده ؟