هوة هبقي انا مجنون لو عملت كده ؟؟؟؟

**profshady** · 15-03-2014 11:02 AM

يا جماعة انا الخلاصة كده معايا دايو لانوس 2006 وبقالها سنتين معايا وحاسس كده انها ابتدت تفتش معايا وانا حاسس اني اتخنقت منها اووووي ... وفي نفس الوقت ممعيش فلوس كتييير ازود مثلا واجيب اعلي ... ففكرت ابيعها واجيب لانوس تاني بس اعلي يعني مثلا 2010 او 2009 او 2011 وطبعا ده هتبقي شيفروليه لانوس مش دايو ومعظم الناس بتقول ان الدايو احسن من الشيفروليه وناس تاني بتقول مفيش اي فرق بينهم .... فلو مفيش اي فرق بينهم ممكن اعمل اللي بقول عليه ده اني اركب نفس العربية بس موديل احدث او فيرنا علشان نفس الفئة السعرية ..... ولا ايه يا جماعة ياريت تفيدوني وتقنعوني في نفس الوقت .....

**kar!m** · 15-03-2014 11:15 AM

في ناس كتير بتعمل كده لما تكون العربية مريحاهم .. بس الأفضل والأرخص تشوف عربيتك محتاجه ايه و تعمله عشان تتجنب:

البحث عن عربية كويسة و ده مبقاش سهل
مصاريف و قرف الترخيص
العربية الجديدة أكيد هتكون محتاجه صيانة أولية و ممكن كاوتش أو حاجات تانية
أي حاجه تانية تظهر في العربية الجديدة انت مش عارفها

**profshady** · 15-03-2014 11:28 AM

ما المشكلة ان الكاوتش ده حاجة محتاجاها عربيتي بردو ده غير ان فيه دخنة الصبح وقالولي كوستبانات وحوارات تاني مش عارف احكيلك علي ايه ولا ايه ... بس قولت لو جبت واحدة بحالة كويسة اكيد هتصرف اقل من عربيتي بكتييير

**ahmedalaahosny** · 15-03-2014 12:43 PM

ماهو برده الشيفورليه خاماتها صيني وتقفيلها اسوء من الدايو يعني هتسمع منها احلي مزيكا تزييق الكراسي والتابلوه ده غير ان بيع عربية محتاجه مصاريف كتير ده ف حد ذاته خساره لان اللي هيجيلك هيخسف بتمنها الارض انا رايي عربيتك وانت حافظها فابدا اشتغل فيها واحده واحده لغاية ماربنا يكرمك بحاجه اعلي وافضل وحتي مصروف اللانوس عشان تشدها مش عالي لدرجه انك تبيع بخساره وتشتري بتمن السوق

**ضى القمر** · 15-03-2014 01:28 PM

الدايو افضل اصرفه عليها شوية

**moh_faheem** · 15-03-2014 01:41 PM

المشاركة الأصلية كتبت بواسطة ahmedalaahosny

ماهو برده الشيفورليه خاماتها صيني وتقفيلها اسوء من الدايو يعني هتسمع منها احلي مزيكا تزييق الكراسي والتابلوه ده غير ان بيع عربية محتاجه مصاريف كتير ده ف حد ذاته خساره لان اللي هيجيلك هيخسف بتمنها الارض انا رايي عربيتك وانت حافظها فابدا اشتغل فيها واحده واحده لغاية ماربنا يكرمك بحاجه اعلي وافضل وحتي مصروف اللانوس عشان تشدها مش عالي لدرجه انك تبيع بخساره وتشتري بتمن السوق

كلام صحيح 100%

**hateeem** · 15-03-2014 03:56 PM

نصيحة منى اظبط عربيتك احسن

عربيتك انت عارف فيها ايه ومحتاجه ايه ودواخلها سليمة

الله اعلم فى اللى جاى هاتتعب عقبال ما تشترى عربية كويسة

خصوصا ان اللانوس والفيرنا عليهم طلب رهيب والتجار بيلقطوها

**MMamdouh** · 16-03-2014 11:27 AM

هى ايه مشكلة عربيتك اساسا؟؟

MMamdouh

**profshady** · 16-03-2014 05:56 PM

طيب انا عايز اقولكم علي حاجة .... انا كان حصل معايا حوار قبل كده بالعربية كنت نازل منزل جامد اوووووي وكان فيه زيت في الارض او جاز المهم العربية اتزحلقت مني وعومت مع الفرامل وعديت بيها الرصيف اللي في النص ورعديت الناحية المقابل وحصل اللي حصل والحمد لله وشلتها علي الونش وعلي الميكانيكي ... راح قاللي لازم نرفع الموتور ونوديها للسمكري علشان يستعدل شوية حاجات في سدر العربية وقاعدة الموتور اتكسرت وغيرتها وبعد ما السمكري استعدل السدر وكده رشيت مكان شغله والميكانيكي نزل الموتور تاني والحمد لله كميكانيكا زي الفل كل اللي حصل غيرت طرنبة البور واستعدلت الريداتير ولحمت المروحتين عند بتاع الفيبر واشتغلت معايا زي الفل مع العلم الكلام ده حصل من حوالي سنة تقريبا ... فهل ده يعيب العربية يا جماعة يعني اخلص منها وكده ولا عادي جدا واكمل واظبط العربية واصرف عليها احسن ...
ملحوظة : واحد صاحبي بص علي العربية وما يعرفش اللي حصل معايا ... راح قاللي ده سدر العربية مستعدل قبل كده وشكله مرشوش فأخلص من العربية ده احسن لك ...
فهوة ده اللي خلاني افكر والله في موضوع البيع ده واجيب موديل احدث مع ان الناس كلها بتقولي الدايو احسن من الشيفروليه بس لو العيب مزمن اووووووي اللي عندي ده يبقي اخلص منها احسن ولا انتوا ايه رأيكم ....