الموضوع: أحساسك أيه لو نزلت لقيت عربتك من غير جنوط ؟؟؟

طيب الولد لما اتقبض عليه ووجهوله التهمة ياتري كان رده ايه يعني ايه مبرر انه يسرق جنوط من عربية واحد تاني وهو زي ماحضرتك ذكرت انه طالب في حقوق واهله ناس متعلمين وعربيته اغلي يعني واضح انهم فعلا مستريحين ماديا يعني طب ليه يسرق؟

يتهيألي يإما الولد ده مريض بداء السرقة فعلا واهله مخطئين في حقه بشدة انهم مأخضعهوش للعلاج.
يإما يكون بيتعاطي مخدرات مثلا وبيبيع الحاجات دي وبتمنها يشتري القرف ده وساعتها برده اهله مخطئين لانهم ممكن يكونوا عارفين وكل اللي عملوه انهم منعوا عنه المصروف وبس ومخطئين اكتر انهم ميخلهوش يخضع للعلاج

انا عن نفسي لو في الموقف ده مش هاتنازل الا لما اعرف سبب مقنع يخلي شاب متعلم ومن عيلة يمد ايده ويسرق

بس برده فكرة اني اضيع مستقبل شاب واحبسه دي حاجة صعبة اوي

عموما في انتظار تفاصيل اكتر من صاحب الموضوع